رد: فلســـــــطين بعيــــون جدتــي
ما هي الجاروشه ؟
و ما هو المثمن الذي نسمع عنه في الزجل الشعبي ؟ و ما هو هو المصحان ؟ ( الجاروشه : هي حجرين كبار من حجر بنسميه الصوان و هاد حجر قوي كثير بقينا نطحن بيها العدس و الرز و كل اشي بدو طحن .. بقى في وحده لكل عليه و تقعد ميات السنين و تتوارث من جيل لي بعده ) [BIMG]http://www.jalili48.com/Data/PG/P-745-B.jpg[/BIMG] |
رد: فلســـــــطين بعيــــون جدتــي
المثمن : هو زي كأنه صحن كبير و مصنوع من الصخر و شكله ثماني يعني الو ثمن جدران و بقينا نطحن بيه اللحمه اللي اليوم بطحنوها على الآله ... صحيح بقت الدنيا بدها صبر و تعب بس بقت اهنى و اكثر هداة بال )
|
رد: فلســـــــطين بعيــــون جدتــي
( المصحان : هو الي بقينا نطحن بيه اللوز و كل اشي بدو طحن بقى ثقيل و قوي و كل عيله عندها واحد و تتوارثه و كل واحد ما عنده منو يوخد من جاره او قرابته )
[BIMG]http://www.palestineremembered.com/GeoPoints/Zayta_6716/Zayta-39904.jpg[/BIMG] |
رد: فلســـــــطين بعيــــون جدتــي
تروي احدى جداتنا عن الصبر و التفاني في العمل و تقول : ( مره بقيت هامل الهم و بدي نروح نحصد القمحات بسرعه و شفت الولاد و ابوهم نايمين قلت هي مطوله صحيتهم و قلتلهم قوموا بسرعه بدنا نروح نشتغل فش وقت هم فكروا الصبح مأذن قاموا صلوا الصبح و رحنا على الارض و بلشنا نشتغل و نشتغل و الصبح بعدو مش طالع و انا عارف انو مش طالع بس بديش اقول و بعد مضى وقت طويل كثير ما اسمعنا الا الفجر بأذن وقتها انجنوا مني و ما ضل معهم عقل قالولي الدنيا بعدها مش صايره الفجر و احنا صرنا بدنا نخلص كل القمحات قلتلهم الشغل ع البراد احسن) |
رد: فلســـــــطين بعيــــون جدتــي
لا زال في جعبة جدتنا العديد من الامور قادمه ان شاء الله و اهمها : التعاون و الايثار الهجره و الاحتلال و المقاومه الاعراس و الافراح التي تقام و ما يتم فيها من زجل و عادات ... |
رد: فلســـــــطين بعيــــون جدتــي
الايثــــــــــار و التعـــــــــــاون س _ نعلم يا جدتنا ان الوضع كان فيه الكثير من الصعوبه سواء بسبب الاحتلال او بسبب الظروف العامه التي تحتاج الى جهد و تعب لكن كيف كان التعاون و الايثار في تلك الحياة بين الناس http://www.alrakami.com/vb/images/eh...s/eh_s(10).gif ج _ ( عارفه كيف بقى الحال اذا الولد احتاج اشي بتلاقي عمه و جاره بساعده قبل ابوه ... في ناس بقوا جيرانه يوم الولاد بهدم اشي يروحوا عند عمهم كل اشي بين العيلتين واحد و فش فرق ... ان قتل واحد غيره تلاقي اهل بالغلط و بدون قصد تلاقي اهل المقتول يسكتوا و يعفوا ... و يقولو فداك .. لو واحد احتاج من الثاني تلاقي الثاني يدين و يعطيه اللي لازمه ... بقى كبير العيله و البلد ان مرض واحد تلاقيه يجمع حالو ومالو و يوقف كأنه ابنه و أكثر ... ) |
رد: فلســـــــطين بعيــــون جدتــي
الايثــــــــــار و التعـــــــــــاون س _ نعلم يا جدتنا ان الوضع كان فيه الكثير من الصعوبه سواء بسبب الاحتلال او بسبب الظروف العامه التي تحتاج الى جهد و تعب لكن كيف كان التعاون و الايثار في تلك الحياة بين الناس http://www.alrakami.com/vb/images/eh...s/eh_s(10).gif ج _ ( عارفه كيف بقى الحال اذا الولد احتاج اشي بتلاقي عمه و جاره بساعده قبل ابوه ... في ناس بقوا جيرانه يوم الولاد بهدم اشي يروحوا عند عمهم كل اشي بين العيلتين واحد و فش فرق ... ان قتل واحد غيره تلاقي اهل بالغلط و بدون قصد تلاقي اهل المقتول يسكتوا و يعفوا ... و يقولو فداك .. لو واحد احتاج من الثاني تلاقي الثاني يدين و يعطيه اللي لازمه ... بقى كبير العيله و البلد ان مرض واحد تلاقيه يجمع حالو ومالو و يوقف كأنه ابنه و أكثر ... ) |
رد: فلســـــــطين بعيــــون جدتــي
( في كل المناسبات تلاقي هالناس مع بعض يوم في فرح كل الجيران و القرايب يجعوا ما عندهم من صحون و كل ما هو لازم مشان اكل الفرح .... و في الحزن تلاقي كل البلد و القرايب مع العيله اللي اتوفالها حدا .. و كل الناس تعزمهم على الاكل و تجيب الاكل على الدور للنسوان في دورهم و كل البلد تحد على الميت و تقعد اشهر و هو ممنوع اي عرس او فرح و يقولوا مشان اهل الميت ... في الشتويه تلاقي الجيران تتجمع عند بعض و بدون اي رسميات لقمة الجيران وحده و شغلهم واحد و فش فرق ...و كل الشغل مع بعض و في الزيتون الناس بتساعد بعضها و بتجمعوا مشان يخلصوا بدري و مشان يحسوا بتعب بعض تلاقي اكثر من عيله بتتجمع مع عليه ثانيه مشان يساعدوهم في الارض و لما بيجي دور غيرهم بعموا نفس الاشي ... ) |
رد: فلســـــــطين بعيــــون جدتــي
س _ قبل الخوض في موضوع الجهاد و المقاومه نريد ان نعرف صور الايثار في وقت الهجره و الاحتلال ؟ ج _ ( الناس بقت يا ستي بتفكر انها جمعة زمان و برجعوا بقينا نتجمع في مغاره في الجيل و نجيب كل اشي عنا بنقدر نحملوا و تلاقي الزلمي الموجود هو ابو الكل و اخو الكل ... الي عندوا زيت و الي عندو عسل و الي عندوا شو ما كان يجيب و اللقمه وحده ... ) |
رد: فلســـــــطين بعيــــون جدتــي
( و بعد ما سقطت البلاد بدين اليهود صارت كل حياتنا امل انا نخلص من اليهود .. الحمد لله على هالحال و كل حال ... بقينا نجمع حالنا في كل موسم و نجيب كل الحاره و القرايب و نشتغل في الزيتون و نبيع الزيت في حيفا كل حياتنا بقت مربوطه بحيفا ... و ان مرض واحد من العيله و لا البلد نوديه مع الكبير على حيفا هناك بقى الدواء قوي " !!! " و لا نطلع على مصاري و غيرها ... الحمد لله على هالحال و كل حال ... ) |
الساعة الآن 08:45 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author