|
فلسطيني وافتخر
قالولك اسكت ما تحكيش انت خلقت للتلطيش للحواجز للمعابر للتفتيش كتبوا علي جبينك ينداس من الضابط للشاويش فلسطيني قالولك ممنوع تعيش فلسطيني ممنوع تثور ومش مسموح تكون مقهور اياك تطالب بحقك اوعك بيوم تشوف النور *** ممنوع تجدد هويه ممنوع تجدد بسبور فلسطيني و بدك تتعلم هاي الشغله ضد الدستور فلسطيني لازم تتألم من دون ما يشوفك دكتور فلسطيني ممنوع تتظلم و لا يطلع بجناحك ريش فلسطيني ممنوع تعيش *** فلسطيني بكل المطارات اسمك بالاحمر مكتوب و على شباك مصلحه الجوازات كتبوا علي جبينك مطلوب لازم تتوقف ساعات مذنب او مندون ذنوب ويتوجه الك اتهامات انك سبب كل الحروب كأنو بسببك الحق مات والعدل بارضك مسلوب وكأنك سبب النكسات وكل ازمات الشعوب وكأنو بسببك مجرم فات على جنين بلحظه الغروب ودبح صبيان و بنات وعجز على امرها مغلوب *** مع انو الحقيقه انا الي بالدنيا ضحيه عملتوني ماده للغنى و قضية للي ما عندو قضيه انا الي راسي ما إنحنى بوجه الريح القويه انا الي شعبي صمد في الضفه و بالرشيديه انا الي شعبي انتفض وبحجر حارب دوريه واليوم و بكره و للابد عنا كلمه وحده هي فلسطينى وافتخر |
رد: فلسطيني وافتخر
[align=center]http://www.youtube.com/watch?v=Vxx6LB7b2No
يا عيني عليكي يا ياسمينة النهار طبعا فلسطيني افتخر لأن دمي أحمر ..لأن زرعي أخضر ..لأن ليلي أسود..لأن كفني أبيض..سجلوني إرهابي بين صفحات التاريخ وجريمتي فلسطيني[/align] |
رد: فلسطيني وافتخر
اختي ياسمنيه
اشكركِ ع الموضوع كلماتكِ تعبر عن مشاعركِ تجاه وطنا فلسطين بس انشالله النصر النا بأذن الله وراح ترجع فلسطين شامخه رغما عنهم اختكِ حمامة الاقصى |
رد: فلسطيني وافتخر
ياسمينة النهار كلمات رائعة وجميله كتبت بأنامل حزينه حروف ماسيه ورقيقه دمتِ ودامت مشاعركِ الكبيره تقبلي مروري بباقات الزهور رائد سلهب |
| الساعة الآن 02:19 AM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author