|
فضايح شباب وبنات البلد ..
مرحبا اليوم جيبلكم موضوع اجديد طخ عن شباب وبنات العيساوية في طريقهم على المدارس وتروحتهم منها وانبلش في شباب الراشدية اول واحد ...لي بكون مسكلي بلفون في ايدو زي اكنو فشي الا هو معا بلفون شايف حالو وبكون البلفون خربان وما معو يصلحو تاني واحد... بكون حامل البلفون وحاطو على دانو ومسوي حالو بحكي مع صحبتو وبضحك ومكيف على حالو و بتلكي بحكي مع الشركة تالت واحد ... الي بكون مسحسل بنطلونو عشان يورجينا ماركة ال ..... وبنادي ع حد يرفعلو اياه رابع واحد ...الي بروح ع الساعه 4 من المدرسه حالف يمين ما يروح الا ما يوصل كل بنت ع بيتها.. معذور الشب مش مشكله بزعلو عليه البنات خامس واحد ... بكون داير بشارع صلاح الدين بجوز اذا بتسألو اكم من حجر على الرصيف في الشارع بحكيلك من كتر ما بلفو باليوم سادس واحد ... الي بكون حامل كتاب ومفكر حالو ارسطو وهو ولا شي يا دوب يتهجى كلمه قرأ سابع واحد ... الي بكون نازل على المدرسة الصبح مفكر حالو جنتل بكون لسا مش مغسل وجهو بسير يطقع حكي للبنات خلصنا منكم يا شباب هلحين دوركم يا بنات السكاكيني وبنات المأمونية اول وحدة... الي بتكون عاملة حالها ناعمة وكلها براءة بالشارع ولما اتكون بالمدرسة بتسير عنتر بن شداد تاني وحدة... الي بتكون تضحك بالشارع بصوت عالي ومش مفرشية اسنانها والي بسمع صوت دحكتها بقول من اني قارة جايا تالت وحدة...الي بتكون حاملة كتاب ومسويا حالها مثقفة وبس تتطلع على الباص بتبلش طق حنك وما بتسكت والكتاب ما بنفتح الله وكيلكم رابع وحدة... الي بتكون ماشيه بشارع صلاح الدين زي المأدبين زي والله اعلم شو بتكون عامله خامس وحده ... الي بتكون لابسه منديل اعواااااام وبتجيك تاني يوم شلحتو وازا سألتها ليش بتحكيلك بدنا نعمل نيو لوك سادس وحده ... الي بتكون حاطه ع وجهها رطل بودره وقايمه من صلاه الفجر تسحب شعرها وبس تسألها ليش حاطه الرطل بتحكيلك لا انا هيك اصلن انا ما بحب الا كل شي طبيعي سابع وحده ... الي بتكون لابسه كندره امها ورايحه ع المدرسه حراام شكلها متلخبطه في الكندره مع امها ما في عليها حكي حراام معذوره خلصنااااااااااااااااااا بدون زعل شباب وصبايا والي بدو يضيف شغله ما يستحي يضيف عاادي تحرير Nadeen كتابه : ابن فلسطين انتاج : منتديات العيساويه مراقبه :Nadeen وابن فلسطين |
مشاركة: فضايح شباب وبنات البلد ..
ههههههههههههههههههههههههه
موضوع جد رووعة وكل كلامكم صح يسلمو ندين وابن فلسطين الحمد الله احنا بنات مدرستنا ما بسو زيهم تقولو ملائكة :36_3_14: واحنا بنستنا منكم بعض اسماء للشباب والصبايا خليهم ينشهرو ويطلعو اسمائهم في المنتديات يا نيالهم هههههههههه يسلمو كمان مرة تحياتي نرمين |
مشاركة: فضايح شباب وبنات البلد ..
ههههههه
يسلمو نرمين على ردك بس الدور جيكم رايح الف لفة ليوم في البلد واشوف شو بتعملن في الشارع عشان افضحكم وحرام ذكر الاسامي تحياتي |
مشاركة: فضايح شباب وبنات البلد ..
ههههههههههههههههههههههه والله حلو زيك الموضوع بس مش كل اشي صح عن الشباب يعني مرات صح بنكون نحكي في البلفون جد بس مش للعجك وبعدين خلص حبيبي ليوم هما الي صارو يستنو عشان احنا نروح ويطلعو معنا وبعدين يوم البنات يروحو بدري وين بالك بروح بنزلو على السوق وبكون يمشو متل الكركعه بطئ عشان تصير الساعة 1 ونطلع احنا وهما يتشتلو عليا تحيات نصاب حب
|
مشاركة: فضايح شباب وبنات البلد ..
تسلم يا ابن فلسطين على هالموضوع والله انو كلامك مزبوط والله يهدي الجميع
|
مشاركة: فضايح شباب وبنات البلد ..
مشكوووووووووره على الموضوع الحلو منك يا ابن فلسطين وبتالي هاد موضوع اولا بوسخ سمعت البلد وتانيا عيب عليكم كمشرفيين انكم ترضوا بهادا الحكي للعيساويه وهادا المنتدى ما عنو بتعرفو انو مشهور بجوجل افرضو يعني واحد من برا العيساويه اجه شاف الموضيع واعده يحكي برا البلد عن سمعتنا كعيساويه ما عنو سمعتنا زي الزفت من غير المنتدى باسباب معينه ارجو من المشرفين الكرام ان تحذفو هادا الموضوع اتمنا ان تردو موضوع على الحكي الا حكيتو بلحترام وشكرا مع تحياتي اخوكم (صقر الاقصى) |
مشاركة: فضايح شباب وبنات البلد ..
مشكورين جميعكم ع الردود
اخ صقر الاقصى .. انتا كبرت الموضوع كتييييير الموضوع ما بستاهل كل هالشي كلو مزح بمزح ونكشه يا ريت ما تكبر الموضوع لانو موضوع عاادي وكلو مزح |
مشاركة: فضايح شباب وبنات البلد ..
مشكور معك حق فيها بس بحب احكيلي شي هادا عندنا مزح وازا واحد فات من برا المنتدى يا ترى بفكروها مزحه ما انتا عارف الابرا العيساوي اديش بكرهوها للعيساويه صح ولا لاء ما بستقو وهما بطلعو ايش على العيساويه
مع تحياتي اخوكم (صقر الاقصى) |
مشاركة: فضايح شباب وبنات البلد ..
فهيهيهيهيهيهيهيهيه الموضوع يعني كتيييير قديم كنو يعني في حدا ما بعرف هاشغلات بس يعنس حرام عليكم مش كل البنات والشباب هيك ...وتاني مرة على القليلة بس اكتبي انو في بنات وشباب مش هيك ..والله اعلم ازا انتو يعني الي كتبتو هالموضوع ازا كنتو منهم ولا لا ...........
|
مشاركة: فضايح شباب وبنات البلد ..
والله شو ما حكيتو بتكونوا مقصرين..... انا ما بدي احكي لانو انتوا من البلد...يعني ما بكون في حزازيات بينكم... بس انا......... خليني اختصر الشر.... وبتوقع الكل شايف الوضع يعني الحكي لا ح يقدم ولا ح يأخر... شو بدنا نقول؟؟؟ الله يهديهم.... شكرا ع الموضوع شكرا للأشراف وللكتابه اختكم ليل الهجر |
| الساعة الآن 09:52 PM بتوقيت العيساوية |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author