طلبتك ابتعـد عنـي أبيـك تريـح أفكـاري
تعبت وقربك أتعبني طلبتـك خلهـا خيـره
تجيني كنك الهاجس وترحل كنـك أسفـاري
تعذب قلبي وفكـري وفكـري مـل تفكيـره
بلا موعد تزاورني أبفهم وشهو الطـاري ؟
وتاخذني غصب عني وتتركنـي بـلا ديـره
اصد وتقترب مني أحسـك تصبـح اجبـاري
واذا جيتك تجي نشوه تجي رغبه تجي غيره
احس بشي في ذاتـي يكلمنـي وانـا داري
يحرك يدي وفمـي فلـم مـا تـم تصويـره
وأحس اني كما المسحور وبعدك تشتعل ناري
وهم او جن او هاجس شعور اعجز بتعبيـره
وانا في هجعة العالم تبي ابـداء بمشـواري
اناني ما تبي غيرك يشاركني مـن الجيـره
عشقتك يوم انا ضايق لانك تكتـم اسـراري
وغيرك لو عرف سري انشهد منفتـح بيـره
جمالك يخفي عيوبك وعندك شـي تذكـاري
وانا بقبري يقال انه هنا شاعر ولـه سيـره
احبك يا شعر لجلك رفيقٍ عـارف اخبـاري
ابيك وما ابي قربك بدونـك عيشتـي حيـره
|