بسم الله الرحمن الرحيم
السلام عليكم و رحمة الله و بركاته
شكرا ً لكل من يتابع و لكل من أضاف بصمته الرائعة
أعتذر عن التفصيل لضيق الوقت
و جزاكم الله كل خير
وإليكم
الحلقة السابعة
أبو عجيب : أف أف شو هالشوب و يعيني على السنة الجاي راح تكون شوب أكثر
عجيب : وقتيش بيجي المغرب ؟
أبو عجيب : أحيانا ً المغرب بيجي الصبح و أحيانا ً الظهر و أحيانا ً بأجلوه
يعني هاذ سؤال يا فالح !
عجيب : قصدي وقتيش بإذن ؟
أبو عجيب : بعد ما تطلع روحي منكم و من إمـّكو و من هاذ الشوب
أم عجيب : حدا يساعدني في ترتيب الطاولة و تعالوا خذوا الصحون
أبوعجيب : قوم يا *** مش سامع إمـّك بتنادي
عجيب : ليش هو أنا بنت !؟
أبو عجيب : منيح ماكنت بنت و لـّلا كان قعدت في وجهي يا *** على هالوجه المعفـّن
صحيح انت مش بنت بس قوم بسرعة قبل ما أخلـّي إذنيك خمسة أو باكلك انت بأصابعي العشرة
عجيبة : ليش هو بس البنات اللي بشتغلن و بخدمن الكل في البيت و انتو مدلـّلين !؟
أبو عجيب : صايرة تعرفي تردّي يا ام بريص
الوجه الآخر
أبوعجيب : سبحان الله كيف خلـّى شهر رمضان يدور بين أشهر و فصول السنة
و هيك الواحد بيستمتع برمضان بكل الفصول
رمضان في الصيف إله جو و في الربيع جو ثاني و في الخريف جوّه شاعري و في الشتاء غنيمة باردة و سهلة , مدلـّلين ومش عاجبنا !
عجيب : وقتيش بإذن المغرب ؟
أبو عجيب : شو تعبت يا بنيّي ؟
عجيب : لأ بابا بس بسأل عشان أعرف إذا صار وقت أتوضّا
أبو عجيب : الله يسعدك ما شاء الله عليك حبيبي
شو رأيك تروح تتوضّا من هالحين و بتقدر تقرأ قرآن أو حديث أو تدعو الله هاذ وقت الدعاء فيه مستجاب
أم عجيب : يا حبايبي تعالوا ساعدوني بتحضير الطاولة و نقل الصحون لو سمحتو
عجيب : شو لو سمحتو؟ هاذ واجبنا ماما بكفـّي انتي تعبانة طول النهار بتنظيف و ترتيب الدار و تحضير الأكل
أم عجيب : و أنت كمان مش مقصـّر يا حبيبي انت و أختك بتساعدوني في كل شي ما شاء الله عليكم
طالعين لأبوكم
عجيبة : بس أنا بستغرب كيف أبوي بساعدنا !
أبو عجيب : وليش تستغربي يا بطـّة ؟ النبي عليه السلام كان يساعد أهله في كل أعمال البيت
و لمـّا سألوا عنه زوجاته شو كان يعمل في البيت عليه السلام قاولوا إنه كان يقوم بكل ما يقوم به أهله حتى إنه كان يحلب الشاة و يرقع ثوبه و يصلـّح نعله
أخلاق نبوّة , فإن كان الرسول سيد الخلق عليه السلام هيك بعمل شو لازم إحنا نعمل ؟
هو الرجـّال ما بكون رجـّال إلا إذا كان سي السّيد
نافش ريشه زي الطاووس ! الرجال اللي بفكروا بهالشكل
مساكين و بحاجة لتنظيف مخ
إن كان في عندهم طبعا ً
*_^
أستغفر الله العظيم , يا الله , قوموا يا حبايب نساعد أم الحبايب
اللهم صل ِ و سلم و بارك على الحبيب سيدنا محمد
وعلى آله و أصحابه أجمعين