[أبوالنون]

بسم الله الرحمن الرحيم
السلام عليكم و رحمة الله و بركاته

الحلقة العاشرة

أبو عجيب : تعالوا يا ولاد , تعال يا قرد ونادي على السعدانة أختك ساعدوني واحملوا عنـّي الأغراض , ما يلبقلكو إلا الصرامي ( غريبة كيف أبوالنون عدّالي ايـّاها و ما حط **** !!!)
تعالوا شوفوا شو جبتلكو مع إنـّه ما بيلبقلكو بس معلش رزق الهبل على المجانين
عجيب : شو هاذ يابا ؟
عجيبة : ياي كمبيوتر !
أم عجيب : شو جرى و اشتريتلهم كمبيوتر !؟
أبوعجيب : تخليص حق و دين على المخفي الله يقطعه هاذ أبو مـٌريب اللي معي في الشغل
أم عجيب : طيـّب إنت بتفهم له تتجيبه لولادك !؟
أبو عجيب : شو بدّي بهالهبل , أصلا ً إذا بتصحلي بيعة إله مش راح أستنـّا دقيقة , بكفـّي مصروف كهربا جديد و وجع راس من ولادك القرود
أم عجيب : هالحين بكسرو و هم بيتقاتلوا عليه و من هالحين بقولـّلك أنا مش فاضية لوجع الراس يامـّا شوفي و يامـّا اسمعي
تراني بمسكك انت والكمبيوتر وولادك السعادين و برميكو بأقرب مزبلة
أبو عجيب : طولان لسانك يا عقربة ,هاذي جزاتي الـّلي جايبلكو هالكمبيوتر , صحيح ما نتو عالم توشيبا علشان تودّيه لازم تجيبـَه و اضحك عليه بتفهم ألاعيبـَه

الوجه الآخر

أبو عجيب : بسم الله الرحمن الرحيم , السلام عليكم و رحمة الله وبركاته , السلام علينا و على عباد الله الصالحين
أم عجيب : و عليكم السلام و رحمة الله وبركاته
الله يعطيك العافية
عجيب : أعطيني أساعدك بابا لو سمحت
أبو عجيب : الله يسعدك دنيا وآخرة يا أمير
عجيبة : و أنا مش أميرة
أبو عجيب : انت ِ ملكة قلبي و عمري و حياتي
عجيبة : بس نفسي أفهم بابا ليش لمـّا بتدخل عالدار بتسلـّم على حالك و على عباد الله الصالحين ؟ يعني في غيرنا في الدار !!!؟
أبو عجيب : الله ينوّر حياتك و قلبك و عقلك بالخير و الإيمان ,
هاذ يا بطـّة لازم الواحد لمـّا يدخل عداره يسلـّم بهالطريقة هيذ علـّمنا ربنا يا حبـّوبة بابا , الله سبحانه و تعالى بيقول في سورة النور في الآية 61 " فإذا دخلتم بيوتا ً فسلـّموا على أنفسكم تحيـّة من عند الله مباركة طيـّبة "
أم عجيب : مين هاذ الـّلي ساعدك و وصـّل الأغراض معك ؟
أبوعجيب : هاذ ابن جيرانـّا ما شاء الله عليه شافني ماشي وحامل أغراض كثيرة بسرعة أجا و حمل معي , الله يسعده , مع إنـّي ما كنت حابب أغلبه بس هو صمـّم و قلت ما بمنعه يعمل خير
أم عجيب : إنت دايما ً هيذ بتحمل أغراضك و ما بتجيب حد يساعدك !
أبو عجيب : ما سمعتي كلام حبيبنا النبي عليه السلام " برء َ مـِن الشـّح مـَن أدّى زكاة ماله , و برء َ مـِن الكبر مـَن حمل حاجته بنفسه "
عجيب : شو هاذ بابا !
عجيبة : كمبيوتر !
أبو عجيب : زميلي و حبيبي أبو مـُريب متضايق شوي و عليه شوية دين لكثير ناس ومنهم أنا , عرض عليّ يعطيني الكمبيوتر بدل الدين ,في البداية ما حبـّيت آخذه لأنـّي بديش أستغلـّه و أنا أصلا ً كنت ناوي أشتري كمبيوتر جديد و الـّلي عطـّلني إني داينته لأنـّه أبدى
أم عجيب : سبحان الله ! يعني المصاري الـّلي كنت موفـّرهم لتشتري فيهم كمبيوتر الله بعتلك كمبيوتر بدالهم
أبو عجيب : بس أنا قلتله إنـّي راح أعطيه الفرق
عجيب : يعني خلـّيناك مديون بعد ما كنت مداين , حقـّك علينا
أبوعجيب : لعيونكم يا حبايبي , و بعدين بيني و بين أخي أبومـُريب ما في حساب
و الكمبيوتر شي مهم جدا ً وأنا عن نفسي بدّي أدخل دورة كمبيوتر عشان أتعلــّم و أقدر أتابعكم يا حبايبي و أوجـّهكم للـّي في الخير و نستفيد مع بعض من هالتطوّر الكبير الـّلي يسـّرلنا ايـّاه الله سبحانه و تعالى
أم عجيب : مش خايف على ولادك من هالكمبيوتر ؟
أبوعجيب : عشان هيذ بدّي أتعلـّم عليه و أستفيد معاهم ,لأنـّه الهرب من المشكلة مش حل إلها
ما بدنا نكون زي المثل الـّلي بنضرب على النعـّامة ظلم إنها بتهرب من الخطر بدفن راسها في التراب

اللهم صل ِ و سلم و بارك على الحبيب سيدنا محمد
وعلى آله و أصحابه أجمعين