[ثائر ابو لبدة]

أبو وديع : مسا الخــــــــرفان ، قصدي مسا الخير يا جماعة ..

الله يديم هالجمعة ( ما بجتمعوا إلا على اللحم ) ..

مشرف ( 1 ) : يسعد مساك يا حبيبي ، بس اليوم السبت مش الجمعة ..

أبو وديع : مين اللي فيقوا هادا ، قصدي يعنــــــي لما واحد يقعد مع واحد وييجي كمان واحد

يقعد معهم بسموها جمعة ، حـــــسبي الله ونعم الوكيل ..

المشرفين : يسعد مساك أبو وديع ، زمان عنك ..

أبو وديع : حيالله بالشباب ، أهليــــن ، إحنا اليوم مجتمعين ، بخصوص موضوع الأضاحي ،

بتعرفوا العيد على الإبواب و أنا حلفت على إم وديع طلاق غير أضحي ،

خاوة بدي أضحي لو بالدين بدي أضحي ، أنا زلمة بتعرفوني كلمتي زي السيف ،

فالله يرضى عليكم يا شباب شدولي هالهمة ( بلكن ضحيت على حسابكم ) ،

مشرف ( 2 ) : والله بجوز إم وديع حالفة عليه طلاق غير يضحي السنة ههه ..

أبو وديع : فيا جماعة الخير أنا بقول كالآتي ،

بدنا نجمع منكم مصاري زي كل مرة ما انتو عارفين ، ونوصي على هالذبايح ، بتعرفوا أنا

ما بوصي ذبايح إلا من برا ، كله مستورد ، ما أنتو عارفين أزمة الخرفان بالبلد !!

مشرف ( 3 ) : قلة خرافان بالبلد ( قصده عن أبو وديع ) ..

المشرفين : لعيونك يا أبو وديع ، اليوم إحنا بنلم المبلغ وبنعطيك إياه ، و إنشالله خير ..

أبو وديع : أحلى خرفان لأحلى شباب ، غير الخرفان اللي فوق الألف ، أنا خبرة بالخرفان ..

بعد ما أبو وديع لم المصريات ، وقام اللي قامه لحواجة العيد ، قعد يفكر يفكر من وين بده يجيب

الخرفان ،

أبو وديع : والله ما إلي غير حبيبي أبو الزفر ،

عالعافية عمي أبو الزفر ،

أبو الزفر : هلا يا مسخوط ، أهلـــين ..

أبو وديع : هه حبيبي أبو الزفر زلمتي ..

أبو الزفر : أأمر أبو وديع ،

أبو وديع : يأمر عليك ظالم هه عمي أبو الزفر ، كيف خالتي إم الزفر ، اسمعت جايبة

توم غير زفر و زفرة ، زفر و زفرة و هبر و هبرة ، ( عيلة لحامين هه ) !!

يتربوا بــعزاك عمي أبو الزفر ، معلش عمي أبو الزفر لساني تقلان شوي ..

أبو الزفر : لا تكتر كلام ها ، بلاش أضحي عليك ..

أبو وديع : هه حبيبي أبو الزفر زلمتي ، أبو الزفر بدي طحشة خرفان مرتبة قبل هالعيد ،

بدي اشي تواصي يعني بتعرف بدي أنضف بضاعة عندك ،

أبو الزفر : والله جاياني نقلة خرفان مرتبة يا أبو وديع ،

أبو وديع : عمي زفووووور ، حبيبي إنتا ، خليك لوح وإفهمني أنا ما بشتري إلا عالكتالوج ،

أبو الزفر : الكتالوج موجود ، إتفرج ،

أبو وديع : بدي هدول عمي أبو الزفر ، شكلهم جدعان ،

أبو الزفر : توكلنا على الله ،

أبو وديع : عمي أبو الزفر ، بتعرف تسلخ قبل ما تذبح ؟

أبو الزفر : ها ، مالك ؟

أبو وديع : لا ولا إشي سلامتك ..

أبو الزفر : تعال عمي نروح على المزرعة خلينا نحط على كل خروف إسم صاحبه ..

أبو وديع : والله غير تسكر ملحمة العيساوي عالعيد هه ..

عمي أبو الزفر الله يرضى عن اللي بكرهوك ، بدي خروف بدون لية هادا للعيساوي

بتعرف ما إلو باللية و هالدواوين هادا بتعلملي إياه بالأحمر ، و بدي خروف مربرب شوي هادا

للمايسترو بتعرف الزلمة بقدم توجيهي ولازمه شحوم علشان يبطل يجمع ، وبدي خروف

هيك حجمه وسط بس يكون سبورت أهم اشي هادا لمحمد نخال ، وبدي خروفين رمسي

إشي على كيفك ، لأبو النون ، قلي ليش خروفين ..

أبو الزفر : ليش ؟

أبو وديع : واحد لأبو النون وواحد لزلمته أبو عجيب بلاش يزعل ..

بعدين بدي خروف هادا بدي اياه تنقايتك بعدين بدي أياه ييجي بالعرض هادا بتعرف

لضياء المجد عشان طلعته بالسلامة هادا هدية مني ..

وبدي خروف ، لا مش خروف نص خروف للمدمر بتعرف المدمر مش سحيب باللحم ..

بالنسبة لخروفي مش مشكلة بس أهم إشي يكونوا قرونوا طوال ، علشان أقصقصلوا

إياهم على هالعيد ..

ماااء & مااء & مااء & مااء

أبو الزفر : الطلبية جاهزة أبو وديع ..

خرفان !!.JPG


و كل عام و أنتم بألف خير ..