[ابو كايد]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

لقاء الأسبوع الرابع

الرابح الأكبر ومشروع العمل التطوعي

تقدمـــــــــــــــــــــة
الحمد لله قال رسول الله صلي الله عليه وسلم" الخير فيَّ وفي أمتي إلى يوم الدين
الحمـــــــــــــد لله أول الغيث قطرة
ها هو جارنا وحبيبنا نعيم حمدان " أبو غسان " قد قرع الجرس
اليوم السبت 22/11/08
وبدأ يشرع بتحسين منظر حوشه الخاص لوحده
وهيك كل واحد حيشوف حارة أو حوش جيرانه تحسنت
من باب النكتة أعذروني القول :
أكيد صدق المثل الذي يقول إللي ما بيغارأبوه حمار
ههههههههههههه
هل من مزيـــــــــــــــــــد؟
يا زيد وزياد وزايد وعايد وسامر وسمارة ........... وحسن وحسين ومحمد وأحمد ومحمــــــــــــــود
وحسنة وحِسِن وحَسَنية وحُسنِيَّة وحوريـة وزهـرة وتمارا .......وخولة وخديجة وجميلة وســـــــارة

وهيك إذا كل واحد بزبط حارته وحوالين بيته وحوشة وبتصير العيسوية حلوة وجميلة
يا حلوين ويا ما فيش أجمل منكم

آملنا أن لا تخييبوا ظننا فيكم كأفراد أو مجموعات
وما ينساش كل واحد فيكم يعمل صندوق للخبز وجهه من الشبك وحجمه كبير
من شان وضع الخبز الفائض فيه بدل رميه في حاوية القاذورات

أكيد أنا قاعد بعمل صُوَر قبل وبعد من شان تشوفوا الفرق
وإللي بيحب يتفضل يشوف على الواقع
وأكيد أنا بقول حارتي أحسن حارة وأنظف كمان وهذا من حقي
بس بتمنى كل واحد من حقه يقول تعالوا شوفوا حارتي هي أحلى حارة في هالبلد وأجملها

وهيك بتصير العيسوية نظيفة

أستدرك ولا مِنّةَ على أحد
الحمد لله أنجزنا صيانة الحوش عندنا وعملنا مقاعد ثابتة
تسع لـ 60 شخص غير الكراسي ومنصة ولوج كمان
ولِسَّـــة سيتبع خطوات قادمة بعون الله
تمديد كهرباء وحنفية إطفاء وبرابيج ماء خاصة للتنظيف وشادر
وحوالينا كمان ساحات يمكن نستعملها للأفراح والمناسبات

وزي ما قلتلكم هذا من عمر المسابقة شغل 3 أسابيع فقط يوم بيوم ما كلفنا حتى الأن كثير
لأن الكل إشتغل بيده حفر وجبالة وتبليط وبناء وقصارة وما يخفى عليكم
والكل دفع والكل شارك ليل نهار

وهيك بدي منكم حركة لأن في الحركة بركة
والشيطان مع الفرد ومن الإثنان أبعد
ويد الله مع الجماعة

في نهاية مشروعنا ومشروع جيرانا إن شاء الله تعالى
سنعرض عليكم الصور ما قبل وبعد

الســـــــؤال

ها يا شباب ويا صبايا

هل من تكلم على الأقل حول وجود نية للشروع بتحسين منظر حارته أو حوشه

؟

" أكيد في هناك حارات جميلة ومرتبة

وما في شك بس بدنا نحسن أكثر وخاصة الإضاءة بالليل

والله عزوجل جميل بيحب الجمال

الطلــــــــب

إذا قمت بالتفكير أو أنجزت عمل صندوع وعلقته في حارتك أطلب منك متابعته

والتعميم على البيوت أن يضعوا الخبز فيه لوحده مش مع الكيس
من شان يضربه الهواء ويجف وما يعفن
وغير هيك ما بنستفيد الله يكرمكم
وأجرنا وأجركم على الله

وجهـــة النظـــر

ها شو تقييمكم للموضوع

هل المسألة صعبة وشاقة كل هذا أم ماذا
بدنا نسمع وجهات نظركم
وتفعيلها كمان
عفواً شو حتكون ردة فعلك إذا وضعنا أمامك صورة حارتنا وحارة جيرانا قبل وبهد وشفت الفارق كبير هل ستباشر أم لا
أكيد أحبتي ستكون مناسبات فعندما تحضر لعندي وأحضرلعندكأكيد حتشوف الفارق

أحبتي باشروا بتحسين حاراتكم وكل واحدما بيدفع أتركوا وادفعوا عنه

واعتبروها صدقة جارية عنكم وهيك المصلحة ما بتتعطل

المهم مين يعلق الجرس هذه وجهة نظرنا وطبقناها ونجحت والحمد لله

وأكيد في عدد رفض وهذا واقعنا الجميع ولكن لما باشرنا دفعوا واشتغلوا معانا

من خلال ردودي الإضافية فقط

تابع الأسبوع القادم لعلنا نأتيك بشيء جديد ومتطوع آخر بتحسين حارته

وسلامتكــــــــــــــــم
خادمكــــــــــــــــــم
محمد أبو داود درويش
السبت 22/11/08