|
03-05-2009, 01:39 PM | #1 | |
مشرفة قسم التراث الفلسطيني
|
// انا حبيت لا ما يروح فكركم لبعيد قصدي حبيت احط موضوع عن ستي وستك كل واحد يجي يحكيلنا عن ستو .......في رواية اخرى يخرفنا اكيد كل واحد الو ست او تاتا او تيتا سواء عايشة الله يطول بعمرها او ميتة الله يرحمها يعني ما حدا يجي يقلي انا انخلقت بدون ست ما الي ست من الاساس!! المهم قبل ما ندخل بالشسمو نعرف ما هي الست ستي لغةً : الجدة (ام الوالدين) ستي اصطللاحاً: هي عجوز تجاوز سنها 65 (عند الاغلب) سواء كانت ام البابا او ام الماما كلو تيتا بالنهاية وتكون اما طيبة جداً وبتحب اولاد ابنها او بنتها او بتكون مش مخليتهم بحالهم طبعاً انا اول اشي لازم احكي عن ستي بالمناسبة ستاتي التنين عايشين الله يطول بعمرهم يارب وكل وحدة فيهم الها نهفات وصرعات خاصة (ماتنسو تكتبو في الرد عن هادا الشي) تيتا ام بابا كان يا ما كان في قديم الزمان كانت ستي قاعده عند ابوها بيجي عمرها 12 سنة المهم بلا طول سيره بدها تسوي اكله لابوها حبت تسويله رز وحليب راحت حطت الرزات والحليبات و حطت عليهم كربونات وزي ما بقول المثل الي ما يعرف الصقر يشويه بنقال للشخص الي بسوي اشي وبعرفش عنه اشي المهم حطت هالصحن قدام ابوها وعينكم ما تشوف الا النور الاكله طلع لونها سكني هههه طبعاً المفروض لونها يطلع ابيض سال ابوها ليش يابا الاكل على سمار طبعاً سر السمار انها حطت على الاكله كربونات والجواب كان :والله يابا الطنجره لونها اسمر حلت على الرزات وتوته توته خلصت الحتوتة حلوة ولا كتكوته خلصت لهون نلقاكم في خرافيه تانيه بس عن تيتا ام ماما يلا خرفونا عن تيتاتكم او ستاتكم او جداتكم سواء ام بابا او ماما |
|
|
03-05-2009, 01:48 PM | #2 | |
عيساوي مشارك
|
هههههههههههههههههههههههه حلوة ستك هاي ................................. كان يا مكان في قديم الزمان كانت تاتا ام بابا في البستان تبعهم كان في سلحفاه واكيد الكل بعرف شو هي السلحفاه المهم قعدت هي وبنات عمها واخواتهاا يراقبو فيها الا هو اجت فكرة ل تاتا انو تبعبش بالسلحفاه يعني تشوف شو جواتها مسكت الحجر وقعدت تخبط فيها تخبط بخبط حتى مصارينها طلعو للسلحفاه وبعدين عرفت شو جواتها هههههههههههههههههههههه هاي تاتا العبقرية ........................................... مشكورة روز على الموضوع الروعة تحياتي |
|
14-05-2009, 07:34 PM | #3 | ||||||
مشرفة قسم التراث الفلسطيني
|
اقتباس:
دخلك ليش اكتفت بتطليع مصارينها ههههه الله يخليلك اياها ستك شكراً على مرورك تعيشي كيف قدرو يضلو مخبين عليها مش قادره استطيع اعرف ههه ويمناكِ احلى ندين شكراً على المرور اقتباس:
شكراً على مروك بنوته اقتباس:
واضح انه هالزلمه اله تأثير على بنات الحاره الله يخليلك اياها شاكره مرورك معك حق عقبال ما تصيري ختياره ونسمع نهفاتك من احفادك اقتباس:
في القصتين ما صدقو ستاتكم يا ترى ليش الله يخليلك ستك اذا عايشه ويرحمها اذا ميته شاكرة مرورك بنوته الله يسلمك حجه اقتباس:
سمعت انه كانو هالبيضات هدية جاينهم يعني طعمتهم بنكهة غيررر تانكيو على مرورك حجتي راجعتلكم في قصة لتاتا ام ماما بس ترجع من العمره ادعولها تكون عمره مقبوله |
||||||
|
03-05-2009, 02:25 PM | #4 | |
عيساوي VIP
|
ممم ستي ام ابوي توفت وانا عمري 6 سنين مش متذكرها خصوصا انو ذاكرتي ضعيفه جداً بس بحكولي انها كانت قويه كتيير وجدعه وعن 60 زلمه الله يرحمها بس هالشي ما بنكر انها كانت مرات تخاف حكولي مره انو كان ابوي وعمي نايمين بزريبه البقر بعيد عنكم المهم نامو محل ما بحطو للبقر اكل صحيت ستي بدري زي كل يوم مشان تحط للبقر اكل فاتت على الزريبه وبدها تحط اكل للبقر .. ابوي وعمي كانو ناميني محل ما بدها تحط الاكل اجت بدها تحط الا هي تسمع صوت وحركه وتشوف ناس بتحركو الا هي تزت الاكل وتروح لجوزها والي هو سيدي بسرررعه وتحكيلو في حد بالزريبه تعال شوف طبعا هما بسرررعه تخبو برا الزريبه اجا سيدي بدو يشوف ما لقى حد هو يحكيلها ما في يمكن يا حجبه بتتهيئي هي تحكيلو لا شفت والله شفت وبقيت القصه وما عرفت انهم ابوي وعمي الله يرحم جميع الاموات سلمت يمناكِ روز // |
|
05-05-2009, 12:54 PM | #5 | |
عضو جديد لنج
|
انا ستي مره وهي صغيره كانت تشوف بنات صغار من جيلها قاعدين وبتحدثو الا هي تعمل حالها اكنها معهم وتغافلهم من وراهم وتوخد سرّة المصاري وتوخدلهم قروشهم وتشرد هههههه مشكوره روز على الموضوع الحلو |
|
05-05-2009, 08:43 PM | #6 | |
مشرفة قسم العيساوي العام واخبار محلية وعالمية
|
\\ طيب انا بدي احكي عن : تاتا ام ماما .. عايشه الله يطول عمرها كان في واحد بالحارة ازا بشوف بنت مش لابسه على راسها يشرشحها من ساسها لراسها .. شاف ستي كانت باب الدار تمسح كان عمرها زي 14 يعني قدي شافها مش لابسه على راسها خافت ستي وحطت الممسحه الي كانت تمسح فيها على راسها خوف من الزلمه .. ههه \\\ |
|
10-05-2009, 09:07 PM | #7 | |
عيساوي مجتهد
|
هههههههههه ههههههههههههههههههههههههههههههههه انا عندي نهفة زغيرة حكتلي اياها تيتا قال مرة تيتا قاعدة هي وبنات الحارة في هالحووش شافو فرخ هالحية خافو منه طبعا لانهم بنات وبخافوو مسكو حالهم وراحو ينادو هالزلام ومسرعييين وميتين خووف إلا هو وصلو عند الزلام وبحكو شفنا حية كبيرة كبيرة كبيرة وسمرة وبتخوف و طبعا زودو في هالحكي من الخووف وحملو حالهم همة والزلام والزلام معهم هالحجار الكبار ويجولكم على هالحوش وما يلاقوش اشي ههههههههههههههههههههههههههههه ههههههههههههههههههه ولليوم ما لقوها |
|
13-05-2009, 03:44 PM | #8 | |
عيساوي زعيم
|
انا عندي شغلة زغيرة عن ستي وستك هاد مرة ستنا وهي زغيرة ، تكريبا بكى عمرها 9 سنين هيك اشي بكى الهم جيران ولهدول الجيران عندهم ولدين زغار من جيلها ابوهم جايبلهم بيض بدهم يطبخو حطوهن في الطابون وراحو وستي بتراقبهم من بعيد لبعيد وبعد شوي لما استوين اخدتهن واكلتهن وحملت كشرهن ورجعته على الطابون وبعد شوي اجو الولدين يوكلو البيض يا حرام مش عارفين اشي عن الموضوع وشافو كشر البيض في الطابون فكرو حالهم اتأخرو عليهن والبيض فكع هههه الله عليكي يا ستي |
|
20-05-2009, 12:48 PM | #9 | |
مشرفة قسم التراث الفلسطيني
|
يسعد مسائـكم / صباحـكم بورد جوري معطر هي ستي روحت من العمره وحكتلي قصه تعو احكيلكم اياها كان يا ما كان في قديم الزمان نحكي ولا ننام ؟ جايين نحكي احنا نخش بالموضوع كانت تاتا ام ماما بنت صغيره حلوه واموره وزي باقي البنات كانت تهتم بجمالها بيوم من الايام حطت مناكير " مونيكير " على ايديها الصغنونات فأبوها شافها وعلى ايدها الي بسمو مناكير وعينكم ما تشوف الا النور ابوها جن جنانه لما شافها بهالوضع اتخذ قرار يا حرام بحقها هههه حكالها روحي قيمي هاد الشسمو الي حاطتي في الكماشه بدي اياكي تقيمي اظافرك معو يا حرام كان يومها عيد فراحت تقيمهم ما عرفت ايش بدها تسوي و طبعاً ما كان عندها الاستون هاد الي بقيمهم فقمتهم بالشفره يعني شحطتهم تشحيط ولليوم ما بتنساله اياها هههه الله يخليهم التنين وابوها لليوم عايش الله يطول بعمره بس هو ما بتذكر هاد الاشي ههه خلص نساه وتوته توته خلصت الحتوته حلوه ولا فتفوته راجعتلكم في قصه مشتركه لتاتا ام ماما وام بابا سوا تناموش قبل ما نحكي القصه |
|
20-05-2009, 02:08 PM | #10 | |
مشرفة قسم العيساوي العام
|
بس ستاتكم حلوين قصصهم هههههههههه ....................... بس اتأكر قصة عن ستي بحكي يسلمو على الموضوع الحلو |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|