![]() |
#1 | |
مشرفة قسم العيساوي العام واخبار محلية وعالمية
![]() ![]() |
قالولك اسكت ما تحكيش ! انت خلقت للتلطيش . للحواجز للمعابر للتفتيش ! كتبوا علي جبينك ينداس من الضابط للشاويش فلسطيني قالولك ممنوع تعيش فلسطيني ممنوع تثور و مش مسموح تكون مقهور اياك تطالب بحقك اوعك بيوم تشوف النور *** ممنوع تجدد هويه ممنوع تجدد بسبور فلسطيني و بدك تتعلم هاي الشغله ضد الدستور فلسطيني لازم تتألم من دون ما يشوفك دكتور فلسطيني ممنوع تتظلم و لا يطلع بجناحك ريش فلسطيني ممنوع تعيش *** فلسطيني بكل المطارات اسمك بالاحمر مكتوب و على شباك مصلحه الجوازات كتبوا علي جبينك مطلوب لازم تتوقف ساعات مذنب او مندون ذنوب و يتوجه الك اتهامات انك سبب كل الحروب كأنو بسببك الحق مات و العدل بارضك مسلوب و كأنك سبب النكسات و كل ازمات الشعوب و كأنو بسببك مجرم فات على جنين بلحظه الغروب و دبح صبيان و بنات و عجز على امرها مغلوب *** مع انو الحقيقه انا الي بالدنيا ضحيه عملتوني ماده للغنى و قضية للي ما عندو قضيه انا الي راسي ما إنحنى بوجه الريح القويه انا الي شعبي صمد في الضفه و بالرشيديه انا الي شعبي انتفض و بحجر حارب دوريه و اليوم و بكره و للابد عنا كلمه وحده هي *** فلسطين عربيه و راح تبقي عربيه و راح ترجع عربيه تحياتي .. |
|
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|