06-09-2009, 08:57 PM | #1 | |
عيساوي جدع
|
مرحبا بكم اعزائي اود ان نطرح موضوع للنقاش عن بعض البرامج التلفزيونية التي لفتت نظري بشكل كبير ......... يعرض الان بشهر رمضان على قناة ال mbc الساعة السادسة برنامج اسمه خواطر يعرفنا هذة البرنامج على بعض عادات وتقاليد بعض البلدان الغربية .. ومقارنة البلدان العربية بها اليابان انضربت سابقا بالهروشيما وراح ضحيتها 140 الف قتيل بس من بعد شهر وقفو ع اجرهم وعاهدوا انفسهم انو ماضي بشع لكن مستقبل افضل في احدى الحلقات قارنو ما بين اليابان ودول عربية عن اهمية العامل بنسبة للبلد والذي لا يسوى عنا اجورة باليابان العامل مثله كمثل وزير في اليابان اما لدى الشعوب العربية .... بسواش اشي ... الطلاب في اليابان ينظفون مدارسهم يوميا ... الاقتصاد باليابان يعلمون اولادهم بالمدارس منذ صغرهم عدم ترك حبة صغيرة بالصحن اما العرب ببقومو عن صحن زي مهو وكب ع زبالة لحدا حوش ... وبحكولك احنا اهل توفير والاقتصاد وعدم الاسراف الحدائق العامة نظيفة جدا سأل المذيع احدى شباب باليابان ليش بتنظف وراكم بالحديقة جوابو كان سهل وصريح زي ما بحب اقعد واتمتع بحب غيري ينبسط بمناظر حلوة .. نعم تعلمو حب مسؤولية حب روح الجماعة وليس حب الذات بكواكب عربية اخرى بتقعد بمحل بتقوم منه بتلاقي مزبلة وراك .. بالعمل نادرا ما يغيب موظف عن عمله وسبب ان لا يقدر ان يرمي عبئ العمل او المكتب على زملائة اما بكواكب عربية يأخذون اجازة مرضية بس بروحو يصيفو فيها والناس عمرها ماردت احنا لازم نوعي حالنا اكتر من هيك لازم نتعلم اكتر من هيك لازم نخلق جيل واعي هادف يتجه الى طريق صحيح هالبرنامج ازا بتحضرو بتصير منك لحالك بتستحي وبتصير تسوي زيهم تعمل مرة ع مرة نظام بالبيت تعلم ولادك مسؤولية تفكير كيف ينمو بشكل صحيح ..لتخلق جيل هادف واعي متعلم كي يرفع من مستوى البلد لا يهبطها .. . كتبتلكم الموضوع لنشعر ونصحى ع حالنا احنا وين رايحين ولنتعلم من غيرنا كيف نوقف ع اجرنا ونمي حالنا .. لانو الحياة ..... اخلاق+علم+نعمل = نهضة ... هيك قيم لازم نحافظ عليها ... ولمن فاته متابعة برنامج خواطر ..بامكانه مشاهدتها على اليوتيوب .. خواطر 5 تحياتي لكم |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|