29-09-2009, 01:22 PM | #1 | |
الوسام البرونزي
|
تعالو يا ولاد ... يلاا اقعدوا عالأرض هان تعالوا.. اعملوا دائرة حوليا يلا .. يا ساتر يا رب ,,اححم.. بدنا نكول الحكاية يا شاطرين و يا حلوين .. القصة من تراثنا يا ولاد ويا بنات من تراث فلسطين فلسطين بعتت سلام للجميع .. وحكتلي .. قول لأولادي .. اشتقت كتير للكعدات الحلوة .. ضو القمر .. ولكلوب الحبايب .. والقصص الندية .. والحكاوي .. تعالوا لنرجع أيام زمان .. كل يوم قصة .. كل يوم حكاية .. مش لحتى نام .. عشان يصحى فينا إشي ما بنام .. ليالي كانت في فلسطين .. وقصص نحكيها لنبقى احنا في الوطن عايشين .. فلسطين بتسلم عليكم : وعم بتقولكم .. كان يا مكان يا سادة يا كرام .. كان يا مكان يا مستمعين يا كرام .. وما يحلى الكلام الا بالصلاة على الحبيب محمد خير الأنام .. زيدوا الصلاة صلاة .. هاد يا سادة يا كرام .. يا أهل الجود والإكرام .. كان في .. ولم كان في .. كان هناك كل شي .. كان في بلد ما تعرف الشمس غيرها وطن .. والقمر فيها وجه صبية مليحه .. وكان فيها ناس .. الحب والخير فيهم أساس .. كان يا مكان .. وطن .. حب .. سلام .. أمن .. شجر .. عمر .. قمر .. كان يا مكان .. كان في وطن .. اسمه فلسطين .. ويا حبايبي يا سامعين .. ما في منها اثنين .. ما بدي أكتر عليكم حكي .. طلع في يوم عليها الصبح .. هجمت الدبابة .. وما كانت خيابة .. هجموا على البيوت .. على الكروم .. ع الخوابي .. حرقوا الروابي .. وقلعوا عين الصبية .. وطفوا الشمس .. وصار الشعب الحر ساكن بخيام .. وما بكى عليهم حد .. لأنه البكي بده زلام .. سكنوا بالخيام .. ايش ضل بالقصه .. طلعوا عليهم بقصة توطين .. وأكياس طحين .. يا ويلي على المساكين : طلع فيهم منادي قال يا عالم ياهوووووو .. يا سمعين الصوت .. ورب السما والدنيا .. ترابك يا فلسطين ما يهون .. أنا لاجئ ساكن بخيمتي لحتى أرجع أو القيامة تقوم .. ما برضى بالذل .. راح أبقى عربي فلسطيني .. عاشق ع طول العمر عشقي فلسطيني .. يا سامعين الصوت .. أنا فلسطيني .. أنا فلسطيني .. أنا فلسطيني .. وهيك يا سادة يا كرام .. صلوا على النبي قبل ما نكمل الكلام .. وبقى الفلسطيني جرح بصدر الزمان .. حامل جروحه وين ما كان .. لسه ما بدت القصه حتى تنتهي .. لسه الحكي قدام .. بس الفلسطيني وصاني أبلغكم السلام .. ادعولهم .. لحتى ربي يفرج الكرب .. ويرجعوا زي زمان // |
|
29-09-2009, 02:42 PM | #2 |
عيساوي جدع
|
|
29-09-2009, 02:55 PM | #3 | |
مشرف رياضه عالمية وقسم قضيتنا
|
أم البدايات ام النهايات كانت تسمى ومازت تسمى فلسطين.. هي الأم الروحيه ... \ دمتي بعشق الوطن |
|
30-09-2009, 10:52 AM | #4 | |
الوسام البرونزي
|
شكرا على مرورك الطيب بس انا بنت مش شب :s عكل حال اهلا وسهلا فيك // اخوي حنظله مشكور على مرورك وردك واهلا وسهلا فيك دمتم فلسطينين // |
|
30-09-2009, 11:03 PM | #5 | |
عيساوي مشارك
|
تحياتــــــــــــــــي |
|
30-09-2009, 11:36 PM | #6 | |
عيساوي زعيم
|
فكرة الموضوع رائعة كالعادة يا اختي العزيزة ... اتمنى لكي التقدم دائماا وانتظر بكل شوق الي جديدك .... تقبلي مروري يا اختي العزيزة.... |
|
05-10-2009, 12:14 AM | #7 | |
عيساوي مجتهد
|
البداية كانت في يوم 26-9-1996 كان يوما أسود في تاريخ الاحتلال فقد اتخذت الحكومة الاسرائيلية بقيادة زعيم حزب اليكود آنذاك بنيامين نتنياهو قرارها الأحمق بفتح نفق تحت المسجد الأقصى المبارك بطول 450 مترا.. وتأتي هذه المحاولة لفتح النفق بعد محاولتين فاشلتين عام 1986 وعام 1994.. ولكن كان لهذه المحاولة ما يميزها.. فقد جاءت من حكومة يمينية متطرفة ترفض اعادة شبر واحد من فلسطين للفلسطينيين ، كما وجاءت عشية عيد الغفران اليهودي ، لتكون ما يشبة الهدية الى المتطرفين الصهاينة. وجائت أيضا في وقت كان الأفضل بالنسبة للهدوء الأمني والازدهار الاقتصادي. وعند قيام القوات الاسرائيلية بفتح النفق اشتعلت غزة والضفة والقدس نار ودارت المعارك في كل نقاط التماس وفي كل مدن الضفة والقطاع. وكانت أعنف تلك المعارك في غزة ، وتحديدا على مفرق محررة نتساريم.. فقد دار اشتباك بين قوات الأمن الوطني والارتباط العسكري بمؤازرة الأمن الوقائي ضد القوات الاسرائيلية اعترفت فيه اسرائيل بمقتل 14 جندي واصابة 30.. وسيطرة قوات الأمن الفلسطيني على الموقع الاسرائيلي لعدة ساعات قبل انسحابها.. وفي الضفة الغربية حاصرت قوات الـ 17 وحرس الرئاسة الفلسطيني النقطة العسكرية الاسرائيلية قرب قبر النبي يوسف بمدينة نابلس ، ودار اشتباك عنيف قتلت خلاله قوات الأمن عدد من الجنود الاسرائليين فيما استسلم العدد الباقي.. وكانت المرة الأولى التي تنقل فيها وسائل الاعلام مثل هذه الصور ، كانت صور 41 جندي اسرائيلي يسيرون أذلاء منزوعي السلاح تحت قبضة رجال الأمن الفلسطيني. لقد استمرت تلك الانتفاضة والتي اصطلح على تسميتها لاحقا بـ "هبة النفق" حتى يوم 29-9-1996 وأدت الى استشهاد 63 فلسطيني وجرح 1600 آخرين. فيما قتل 36 جندي صهيوني واصيب المئات في الطرف الآخر. شكلت هبة النفق حلقة جديدة في سلسلة النضال الفلسطيني التي أثبت فيها الشعب الفلسطيني تمسكه بأرضه ومقدساته حينما هبّ الشعب الفلسطيني بكل فئاته في موقف فاجأ العالم قبل أن يفاجئ إسرائيل فتوحدت جميع فئات الشعب الفلسطيني في خندق المواجهة والتصدي لقوات الاحتلال الغاشمة، مؤكدين من جديد أن المساس بالمقدسات خط أحمر وعندما يتعلق الأمر بها فإن أي شيء يهون.. وكانت تلك المرحلة الفاصلة التي وضعت نقطة تحول كبيرة في مسار القضية الفلسطينية ، وأفشلت مشاريع التطرف الاسرائيلي التي تعتمد على فرض سياسة الأمر الواقع. |
|
05-10-2009, 12:14 AM | #8 | |
عيساوي مجتهد
|
|
|
05-10-2009, 11:50 AM | #9 | |
الوسام البرونزي
|
شكرا الكم على المرور الحلوووو دمتم بكل خير // |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|