05-12-2009, 12:52 PM | #41 | |
مشرفة قسم التراث الفلسطيني
|
س _ لماذا هاجروا ؟ ان كانت الارض هي العرض و الولد ج _ ( الهجره بقينا نفكر انها كم يوم و بنرجع .. بقينا نقول كلها جمعة زمان و جيوش العرب بترجع الارض ... في وحده يا ستي تركت في حيفا ميتين ليره ذهب ابوها قال محنا كم يوم و بنرجع ... حفر حفره تحت التينه و حطهن فيها و بعدهن لليوم من وقت 48 لليوم و هني تحت التينه ... و راحت هي و ابوها و عيلتها على الاردن على امل الجيش يتحرك و يرجع الارض بعد كم يوم و بعده يا ستي ما رجعها .. تركنا مالنا و دارنا و قلنا محنا راجعين ... ما أخذنا الا المفتاح ) .... |
|
05-12-2009, 12:53 PM | #42 | |
عيساوي زعيم
|
موضوع فعلا جميل ... مع تحيات اخوكي المظلوم |
|
07-12-2009, 02:05 PM | #43 | |
مشرفة قسم التراث الفلسطيني
|
ج _ ( بقوا الناس يقعدوا و يناموا على اعصابهم و ممقوتين على البلد و الارض و كل ما في خبر يستنوه و يستنوا اي خبر عن اي اشي بخص الاحتلال ... بقى راديو بهذيك الايام كل البلد تتجمع تستنى اي خبر عن العرب و جيش العرب ... و كل يوم نقول اليوم بطلعوا و بكرا بطلعوا و لليوم بعدها الارض مع اليهود .. ) |
|
15-12-2009, 01:53 PM | #44 | |
مشرفة قسم التراث الفلسطيني
|
س _ أعطينا مثال عن شهيد استشهد في زمن الانجليز يا جدتنا الغاليه ؟ ج _ ( والله الامثله كثير ... بقى في واحد من رجال البلد ما شاء الله عنه دائما يخبي الثوار في داره ايام السته و الثلاثين و السبعه و ثلاثين و هذيك الايام .. مره بعد المغرب بكثير اجى عنده الثوار مثل العاده و عشاهم و أكرمهم من كل اشي عنده .. و بعدها اجى واحد خاين خرب عليه كل اشي و قال للانجليز في بدار فلان ثوار أجو الانجليز على ع الدار و معهم السلاح و قتلوا الزلمي و استشهد عليه رحمة الله بس قبل ما يقتلوا الله يرحمه خلى كل الثوار تهرب من البيت و دلهم على طرق و حارات ما فيها خطر .. و استشهد و لليوم كل الناس بتفخر بيه .. ) |
|
29-12-2009, 02:58 PM | #45 | |
مشرفة قسم التراث الفلسطيني
|
ج _ ( بقوا الناس يا ستي كلهم نخوه و محبه للارض ... بقى يسير بينهم مشاكل و يتقاتلوا مين بدو يطلع يواجه الاحتلال و مين بدو يضل ... بقوا الناس ما عندهم سلاح كثير بس كل عيله عندها سلاح واحد يوخدوا واحد من العيله و الباقي ما يطلعلهم سلاح .. ) |
|
29-12-2009, 03:48 PM | #46 | |
عيساوي VIP
|
وتأبى الذاكره نسيان أيام الانجليز والثوار وأيام الدراسه على القش وفي عتمه الليل متابعه بصمت |
|
29-12-2009, 05:04 PM | #47 | |
عيساوي مجتهد
|
مشكوره يا اختيزوزي على موضعك الجميل كتير مناسب يا القرية ( مع تحياتي ضعت الحياة ) |
|
الذين يشاهدون محتوى الموضوع الآن : 3 ( الأعضاء 0 والزوار 3) | |
|