27-04-2009, 09:33 AM | #11 | ||
|
اقتباس:
حياك الله ابو وديع رأيك واقعي جدا ...للاسف جعلنا العادات تحكمنا ..فاصبحت في بعض الاوقات لبعض الناس مرهقة وخاصة اذا تعدت المفهوم الاساسي من النقوط وهو مساعدة اهل الفرح .. لتصبح دين وسداد دين ...واذا اجيتني بجيك .. وايضا مباهاة ..والله نقطت العريس كذا كذا !!! يعني الانسان لما بيقدم النقوط لازم يعتبره مساعدة ويبتغي فيه وجه الله حتى يؤجر عليه ويكون سبب في جلب الحسنات لا السيئات واحراج بعض الناس . الانسان اذا وضع في حسبانه هذه النية ..لن يهمه اذا هذا الانسان قدم في فرحه او ما قدم لانه في الاساس ابتغى وجه الله .. ولم يقدم هذا النقوط على اساس انه دين .. في نفس الوقت صاحب الفرح ..لن يكون اقل شهامة منك وراح يشاركك فرحك ويقدم قدرته . ابو وديع مشاركة قيمة اشكرك عليها ...يعطيك العافية |
||
27-04-2009, 09:53 AM | #12 | ||
|
اقتباس:
الحاج دكتور مناصرة ...حياك الله تشرفني مشاركتك في موضوع النقاش هذا ورأيك السديد يثري الموضوع .. بالنسبة للولائم وكمية ما يحضره صاحب العرس من طعام .. كانوا زمان يكفيهم من الذبائح ذبحتين او ما يقارب ذلك ..حيث العدد كان اقل ولكن اليوم العائلات تكثر وتتكاثر افرادها .. وصاحب الفرح عليه ان يكون على دراية ووعي جيد بعدد المشاركين في فرحه .. يعني انا اطبخ نص طن لحم واعلم جيدا انه سيكون حضور يأكل هذه الكمية ..صحتين وعافية ولا اعدها خسارة ... على العكس صاحب الفرح يكون في غبطة كبيرة ان يرى الناس تهدف بيته وتشاركه فرحه .. الخسارة بتكون لما بحضّر هالكميات وتبقى ..وفي النهاية يكون مآلها حاويات النفاية اعزكم الله هنا المصيبة .. يعني الانسان يعلم جيدا عدد معازيمه وعلى اساس ذلك يجب ان يحضر الطعام ..دونما اسراف او تبذير وليس التباهي ..والله طبخت نص طن لحم !!!! ونص الطن اليوم بكلف 26 الف شيكل والانسان اللي ما عنده قدرة ..يحدد معازيمه ويكتفي باليسير ..وعليه ان يولم كما امرنا الرسول صلى الله عليه وسلم (اولم ولو بشاة ) دكتور مناصرة سعدت بمشاركتك ..حياك الله |
||
27-04-2009, 05:19 PM | #13 | |||
|
اقتباس:
وعليكم السلام ... حياك الله نعم هي عادة حسنة اذا لم تتعدى معناها الحقيقي وهو مساعدة اهل العرس . وليس اعتبارها دين وكأنه الواحد بستثمر في اعراس الناس .. والله اليوم معي 100 دينار ..احسن ما اصرفهم بدي انقطهم للعريس وبكرة بسدني اياهم !!! مش هيك بتنحسب الامور .. واذا بدنا نحسبه كل شئ قرضة ودين.. معناه لازم الانسان يقدم المعقول والمقبول ..وانه ما يقدم ما قد يعجز عنه اهل العريس مستقبلا . اقتباس:
بالنسبة لدعوة قليل ذات اليد .. انت ممكن تدعوه للفرح ..ولكن هل سيقبل هو المجئ ؟؟؟ كيف سيأتي و القلم نازل يطج على الدفتر مين نقط وقديش !!!.. واللي بيطلع وما بينقط .. الله اعلم شو الكلام اللي راح ينزل عليه ..!! عقاب حياك الله سعدت بمشاركتك ..اهلا بك |
|||
27-04-2009, 11:24 PM | #14 | ||
|
اقتباس:
وعليكم السلام ورحمة الله حياك الله وبياك .. اتفقنا انها عادة حسنة ما لم تكن ملزمة .. في ردك ذكرتني بعادة كانوا يقوموا فيها عند النقوط وهي التخليف خلف الله على العيساوي وهاي بقرة حلابة نقوط منه للعريس !!!! او خلف الله على فلان الفلاني وهذا كيس شعير للحلال !!! يعني ما كانوا يكتفوا يوخذوا النقوط عالسكت لا ..كانوا بالصوت العالي يخلفوا على اللي بينقط . ومثل ما احنا شايفين اختفت هذه العادة ولازم مثل ما اختفت هذه العادة ان تختفي شغلة تسجيل النقوط والقعدة اللي بيكونوا قاعدينها كأنهم في محكمة .. لازم تتغير طريقة تقديم النقوط بوضع صندوق مخصص له بحيث يوضع في مغلف ويتم كتابة الاسم عليه .. في بعض الناس اللي بكونوا فعلا ليس همهم التعريف بانفسهم فانهم يضعون المغلف بدون اسم . بعتقد هذه الطريقة ما فيها احراج . اخي العيساوي حياك الله شاكرة مشاركتك المميزة |
||
27-04-2009, 11:30 PM | #15 | |
عضو مميز |
خالتو ام زيد بالنسبة للنقوط بشكل عام انا مع هاي العادة بالنسبة لألي لانها بتخفف على العريس مصاريف كتيير والواحد ما بسدق وهو يجمع شيقل وقت العرس وزي ما بقول المثل كلشي قرظة ودين هاي العادة ورثناها عن اسيادنا ولازم نتبعها ونتمسك فيها بكفي لهون مشكورة كمان مرة خالتي على الموضوع واللفتة الرائعة منك جزاكي الله كل خير تحياتي ابن فلسطين |
|
27-04-2009, 11:32 PM | #16 | ||
مشرف قضيتنا وقسم هل تعلم
|
اقتباس:
أم زيد كلام سليم من المفروض أن يقدم الانسان المعقول والمقبول وصحيح هي مش ادخار ولكن المقصود من كلامي فلان من الناس قدرني واحترمني فالواجب علي أن أبادله نفس الاحترام والتقدير وأنا ذكرت أنها تتفاوت من شخص لأخر أي أنه في ناس تقدم النقود لوجه الله تعالى والهدف مساعدة العريس لا أكثر وفي ناس بالعكس تمام ومن هنا أنا مع أن الناس يجب أن تقدم المعقول والمقدورعليه من أجل القيام بنفس الواجب وتحياتي أم زيد |
||
28-04-2009, 11:49 PM | #17 | ||
|
اقتباس:
اهلا ندين ...حياكِ الله عزيزتي في نقاش اي موضوع ..ابداً ما بنعمم .. في ناس ما زالوا بيقدموا النقوط وقاصدين فعلا المساعدة للعريس واهله .. ولكن ان تتم المطالبة بالنقوط كما ذكرتِ ..طبعا هذه حالات شاذة ..والشواذ لا يعمم . اما قعدة مجموعة الرجال للتسجيل ..بنتمنى فعلا انها تزول وتستبدل بالمغلفات والصندوق واهل العريس هم من يحدد الطريقة .. واذا بدأها واحد من البلد اكيد راح الكل يصير يعمل مثله .. والدليل على ذلك ان الاعراس قبل عدة سنوات كانت تكون يومين فقط يوم حنا وسهرة ..واليوم الثاني الغدا والزفة وحفلة العرس بس بدأ احدهم بعمل العرس ثلاث ايام ..اصبح الدارج عند الجميع ثلاث ايام .. يعني يكفي ان يبدأ احدهم ..وسيتبعه الكل ان شاء الله ندين سعدت بمشاركتك ..حياكِ الله واهلا بكِ |
||
30-04-2009, 11:02 PM | #18 | ||
|
اقتباس:
عزيزي ابن فلسطين حياك الله وبياك معك حق فهذه العادة من العادات الموروثة والتي يجب ان نحافظ عليها ولكن دون ان نجعلها عبئ علينا .. يعني الواحد يقدم قدرته .. والمثل قال وري عذرك ولا توري بخلك وهي فعلا بتخفف على اهل العريس ولكن مثل ما قلت تعتبر (قرضة ودين ) حياك الله وعقبال عرسك |
||
30-04-2009, 11:05 PM | #19 | |
عيساوي مشارك
|
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين تحية الى من تطرح اهم المواضيع بالبلدوالله يا ام زيد ما حدا الا اكل مقلب في قصة النقوط وهاي انا بعتبرها عاده حلوه لانو ما فيها اجبار ولكن احترام ومساعده للعريس والي بوكلو هوا من ورا وووووووووووووووووووووووووو الكلام كثير ما منو فايده على الاقل في هذه الفتره لانو اصحاب الواجب نسو الواجب والمشكله انو بننفخ في قربة مخزوقه شكرا ام زيد احلى ام زيد والله انك بركة المنتدى وبارك الله فيك لطرحك المواضيع الجميله الذي لها القيمه الفائده بس هاتي مين يسمع[/align] |
|
01-05-2009, 09:29 PM | #20 | ||
|
اقتباس:
وعليكم السلام ورحمة الله وبركاته حياكِ الله خديجة ... سررت بمشاركتك ورأيك .. بس ما وضحتِ كيف اكلوا مقالب بالنقوط ..يعني ما بتزبط الحسبة معهم ؟؟! لا اا ليش ما في فايدة ..والله الناس فيها الخير .. واللي بينوي التيسيير على الناس الله بيسر اموره ان شاء الله واذا كل موضوع بدنا نيأس من عدم التجاوب ..معناها انه احنا سلبيين ..وما لازم نكون سلبيين ابداً يكفي ان يصل صوتنا لشخص واحد عنده المبادرة والاستعداد للتغيير والقدرة عليه صدقيني بنكون حققنا ما نسعى له .. لانه اي موضوع يكفي ان يبدأ فيه شخص واحد ويقوم به بشكل جيد ويكون على صواب ثقي تماما انه سيلاقي من يطبق ما قام به خديجة ..كلماتك اللطيفة تنم عن ذائقتك العالية الراقية .. شكرا لمشاركتك واتمنى ان تكوني على تواصل دائم في مواضيع النقاش |
||
الذين يشاهدون محتوى الموضوع الآن : 1 ( الأعضاء 0 والزوار 1) | |
|