|
25-04-2009, 07:12 PM | #1 | ||
قلمٌ ثائر
|
اقتباس:
أخي الدكتور مناصرة .. أريد أن أقول تعليقا ً على كلامك المتعلق بموضوع النقوط أو الدين وكلاهما في سلة واحدة .. مثلا ً أنا داينت فلان من الناس .. وهذا الفلان اتوفى وما سد ما عليه من نقود أو ما عليه من دين .. أنا برأيي حتى وإن كنت بأمس الحاجة إلى تلك النقود .. لا يجب إلا مسامحة هذا الشخص حتى وإن كان له فروع فأنا أرى أنه لا يجب طلب الدين منهم .. وجه الله أفضل من كل مال الدنيا الزائل .. وليس هناك شئ أجمل من أن تريح شخص في قبره .. وكذلك مسألة النقوط في الأعراس .. تحياتي الك والله يوفق الجميع . |
||
27-04-2009, 09:53 AM | #2 | ||
|
اقتباس:
الحاج دكتور مناصرة ...حياك الله تشرفني مشاركتك في موضوع النقاش هذا ورأيك السديد يثري الموضوع .. بالنسبة للولائم وكمية ما يحضره صاحب العرس من طعام .. كانوا زمان يكفيهم من الذبائح ذبحتين او ما يقارب ذلك ..حيث العدد كان اقل ولكن اليوم العائلات تكثر وتتكاثر افرادها .. وصاحب الفرح عليه ان يكون على دراية ووعي جيد بعدد المشاركين في فرحه .. يعني انا اطبخ نص طن لحم واعلم جيدا انه سيكون حضور يأكل هذه الكمية ..صحتين وعافية ولا اعدها خسارة ... على العكس صاحب الفرح يكون في غبطة كبيرة ان يرى الناس تهدف بيته وتشاركه فرحه .. الخسارة بتكون لما بحضّر هالكميات وتبقى ..وفي النهاية يكون مآلها حاويات النفاية اعزكم الله هنا المصيبة .. يعني الانسان يعلم جيدا عدد معازيمه وعلى اساس ذلك يجب ان يحضر الطعام ..دونما اسراف او تبذير وليس التباهي ..والله طبخت نص طن لحم !!!! ونص الطن اليوم بكلف 26 الف شيكل والانسان اللي ما عنده قدرة ..يحدد معازيمه ويكتفي باليسير ..وعليه ان يولم كما امرنا الرسول صلى الله عليه وسلم (اولم ولو بشاة ) دكتور مناصرة سعدت بمشاركتك ..حياك الله |
||
26-04-2009, 07:29 PM | #3 | |||
|
اقتباس:
رفيع المستوى ...اسعد الله مسائك وحياك الله عبرت عن رأيك المجمل بشكل مختصر مفيد ..شاكرة لك مشاركتك واهلا بك اقتباس:
مثل ما احنا شايفين كل اسبوع في عرس وعرسين في البلد والمعظم بكون مدعو على على كل هذه الاعراس وذوي الدخل المحدود راح يشعروا انه شئ مرهق ينقطوا في كل عرس . ولكن الواحد لازم يقدم اللي بيقدر عليه ..ولازم انه احنا نتحكم في العادات مش العادات تتحكم فينا .. والواحد ممكن يشارك اهل الفرح بمساعدتهم ليس فقط ماديا .. يكفي انه يتواجد معهم ويعونهم في التجهيز للفرح .. يعني تصرف جميل جدا ويقدروه اهل الفرح لما اي شخص يقف معهم يعاونهم في تقديم الطعام او تجهيزه .. الاخ رفيع المستوى ... شاكرة مشاركتك ويا هلا فيك [/align] |
|||
26-04-2009, 09:41 PM | #4 | |
واحد من الناس
|
انا مع النقوط اذا لم يكن ملزما طبعا عادة جيده خصوصا للعريس الذي يتكبل الكثير من المصاريف والنقوط ستساعده ان يرى النور في نهاية النفق بيرجع اولا واخير للشخص كويس اذا بيرد ما قدم له الاخرين من نقوط سابقا ولكنه غير ملزم وكويس ايضا اذا قام بالتنقيط لاول مره اذا كان قادرا عادة جيدة اذا لم تكن ملزمة لاني بصراحه في كثير اعراس ما بروحها لان جماعه التنقيط بكونوا واقفين على المخرج بيستنوك بعد ما تقوم من الاكل مثل الفريسة ويا ويلك اذا بتوكل وبتطلع بدون ما تروح تطلع كل الي في جيبتك عندهم على الطاولة بتصير انت سبب خسارة العريس كلها ... اجيت اكلت ... ما نقطت ... خسارة الي عزمناك ...هههه |
|
27-04-2009, 11:24 PM | #5 | ||
|
اقتباس:
وعليكم السلام ورحمة الله حياك الله وبياك .. اتفقنا انها عادة حسنة ما لم تكن ملزمة .. في ردك ذكرتني بعادة كانوا يقوموا فيها عند النقوط وهي التخليف خلف الله على العيساوي وهاي بقرة حلابة نقوط منه للعريس !!!! او خلف الله على فلان الفلاني وهذا كيس شعير للحلال !!! يعني ما كانوا يكتفوا يوخذوا النقوط عالسكت لا ..كانوا بالصوت العالي يخلفوا على اللي بينقط . ومثل ما احنا شايفين اختفت هذه العادة ولازم مثل ما اختفت هذه العادة ان تختفي شغلة تسجيل النقوط والقعدة اللي بيكونوا قاعدينها كأنهم في محكمة .. لازم تتغير طريقة تقديم النقوط بوضع صندوق مخصص له بحيث يوضع في مغلف ويتم كتابة الاسم عليه .. في بعض الناس اللي بكونوا فعلا ليس همهم التعريف بانفسهم فانهم يضعون المغلف بدون اسم . بعتقد هذه الطريقة ما فيها احراج . اخي العيساوي حياك الله شاكرة مشاركتك المميزة |
||
26-04-2009, 10:07 PM | #6 | |
عيساوي VIP
|
في الوقت الحالي النقوط امر ملزم ودّين عليك لازم نوفيه بالنسبه لموضوع سداد الدين والناس الي مش متزوجين بس بنقطو مرّ علي حادثه انو الشخص نقط بعرس صاحبه بعد العرس بسنتين هيك شي الشخص شاف صاحبه العريس بحكيله انا نقطتك بعرسك 200 شيكل هاتهم لاني مش ناوي اتجوز وبدي اياهم بموضوع .. على ذمة الي حكالي ,, كمان بالنسبه الي قعده اهل العرس اخر الغدا ابداً مش حلو لانو كأنك رايح على مطعم اكلت ودفعت حق الاكل .. وأكيييد أحياناً بكونو طالعين مش من النفس لأنو امر ملزم وضروري لانو بالاخر كل شي بتسجل موضوع حلو الخاله ام زيد يعطيك الف عافيه |
|
28-04-2009, 11:49 PM | #7 | ||
|
اقتباس:
اهلا ندين ...حياكِ الله عزيزتي في نقاش اي موضوع ..ابداً ما بنعمم .. في ناس ما زالوا بيقدموا النقوط وقاصدين فعلا المساعدة للعريس واهله .. ولكن ان تتم المطالبة بالنقوط كما ذكرتِ ..طبعا هذه حالات شاذة ..والشواذ لا يعمم . اما قعدة مجموعة الرجال للتسجيل ..بنتمنى فعلا انها تزول وتستبدل بالمغلفات والصندوق واهل العريس هم من يحدد الطريقة .. واذا بدأها واحد من البلد اكيد راح الكل يصير يعمل مثله .. والدليل على ذلك ان الاعراس قبل عدة سنوات كانت تكون يومين فقط يوم حنا وسهرة ..واليوم الثاني الغدا والزفة وحفلة العرس بس بدأ احدهم بعمل العرس ثلاث ايام ..اصبح الدارج عند الجميع ثلاث ايام .. يعني يكفي ان يبدأ احدهم ..وسيتبعه الكل ان شاء الله ندين سعدت بمشاركتك ..حياكِ الله واهلا بكِ |
||
27-04-2009, 11:32 PM | #8 | ||
مشرف قضيتنا وقسم هل تعلم
|
اقتباس:
أم زيد كلام سليم من المفروض أن يقدم الانسان المعقول والمقبول وصحيح هي مش ادخار ولكن المقصود من كلامي فلان من الناس قدرني واحترمني فالواجب علي أن أبادله نفس الاحترام والتقدير وأنا ذكرت أنها تتفاوت من شخص لأخر أي أنه في ناس تقدم النقود لوجه الله تعالى والهدف مساعدة العريس لا أكثر وفي ناس بالعكس تمام ومن هنا أنا مع أن الناس يجب أن تقدم المعقول والمقدورعليه من أجل القيام بنفس الواجب وتحياتي أم زيد |
||
30-04-2009, 11:05 PM | #9 | |
عيساوي مشارك
|
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين تحية الى من تطرح اهم المواضيع بالبلدوالله يا ام زيد ما حدا الا اكل مقلب في قصة النقوط وهاي انا بعتبرها عاده حلوه لانو ما فيها اجبار ولكن احترام ومساعده للعريس والي بوكلو هوا من ورا وووووووووووووووووووووووووو الكلام كثير ما منو فايده على الاقل في هذه الفتره لانو اصحاب الواجب نسو الواجب والمشكله انو بننفخ في قربة مخزوقه شكرا ام زيد احلى ام زيد والله انك بركة المنتدى وبارك الله فيك لطرحك المواضيع الجميله الذي لها القيمه الفائده بس هاتي مين يسمع[/align] |
|
01-05-2009, 09:29 PM | #10 | ||
|
اقتباس:
وعليكم السلام ورحمة الله وبركاته حياكِ الله خديجة ... سررت بمشاركتك ورأيك .. بس ما وضحتِ كيف اكلوا مقالب بالنقوط ..يعني ما بتزبط الحسبة معهم ؟؟! لا اا ليش ما في فايدة ..والله الناس فيها الخير .. واللي بينوي التيسيير على الناس الله بيسر اموره ان شاء الله واذا كل موضوع بدنا نيأس من عدم التجاوب ..معناها انه احنا سلبيين ..وما لازم نكون سلبيين ابداً يكفي ان يصل صوتنا لشخص واحد عنده المبادرة والاستعداد للتغيير والقدرة عليه صدقيني بنكون حققنا ما نسعى له .. لانه اي موضوع يكفي ان يبدأ فيه شخص واحد ويقوم به بشكل جيد ويكون على صواب ثقي تماما انه سيلاقي من يطبق ما قام به خديجة ..كلماتك اللطيفة تنم عن ذائقتك العالية الراقية .. شكرا لمشاركتك واتمنى ان تكوني على تواصل دائم في مواضيع النقاش |
||
الذين يشاهدون محتوى الموضوع الآن : 1 ( الأعضاء 0 والزوار 1) | |
|