هل تكلمين الشباب عبر المسنجير وهل تكلم الفتيات عبر المسنجير تفضل بدخول

[SoFt G!rL]

انا بفضل ارحل عن الموضوع بدون ما اعلق

لانه بإختصار هادي فترة مراهقة وفشي حدا بمرش بهيك مراحل
هادي سنة الحياة يعني الا ما البنت حدا يضيفها وتحكيلها كلمتين وهيك الشب

[الجرح النازف]

بتشكرك اختي للطرح

بس انا حابه احكيلك مو الكل الي بيستخدمو الاميل او الماسنجر

للحب والعشق او التسلايه بس حابه احكيلك انا اكتر وحده بتستخدم الاميل

وبحكي كمان مع شباب على الماسنجر وبكثره بس لهدف والهدف هو الصحافه

وغير هيك الاستفاده ومعرفه اخبار وعادات اهلنا بالمناطق الي مافينا نعرف اخبارها او نزورها

وكل الاهل بيعرفوا هالشي يعني مو كل الصبايا بيستخدمو للاغراض الي انت بتحكي عنها

على فكره انا مو مع الكاميرا وتبادل الصور بس راح احكيلك انه مو هاي الطريقه الي ممكن نتناقش فيها

يمكن لو سالتي السؤال شو رايكم بمحادثه الشباب والصبايا عبر الاميل

وبعدها رديتي على كل عضو وهالنصائح حكتيها بالنهايه كان افضل

على كلن بتشكرك مره اخرى للطرح

[العيساوي]

السلام عليكم ورحمة الله وبركاته

انا شايف قلبوا الموضوع بعض الصبايا عداوة شخصية مش عارف ليش


على كل الاحوال موضوع عادي

الشباب والبنات جزء من المجتمع وما في دين حرم الحوار بين الجنسين
ولكن يبقى السؤال هو شو نوعية الحوار وعن ماذا نتحدث


ونفس الشئ ينطبق على الماسنجر وكمان هون بالمنتدى شب بيكتب موضوع وبنت بترد وبالعكس

يعني باختصار


جواب هذا السؤال بالحديث النبوي الشريف :
( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) . رواه البخاري و مسلم في صحيحهما .

[همسة الاحساس]

اختي ...مشكورة على طرح الموضوع لكن في مبالغة بعض الشيء المنتدى قريب من المسنجر يعني على سبيل المثال شب كتب موضوع وردت صبية على موضوعه أو بالعكس أو خلينا نحكي وانتي ماشية بالطريق شب سألك سؤال وانتي جاوبتيه فيها شي؟؟ أكيد لاء يعني ان انسألنا سؤال أو اتحدثنا من ِقبل الجنس الأخر وكانت نيتنا نية خير وصافية فما راح يصير معنا الأحداث اللي انتِ سردتيها والله أعلم. يعني ما فيها شي ومو ضروري يكون الكلام عن حب وعشق ياما في مواضيع غير هالموضوع .

والكلام أوله وأخره بكون حسب النية متل ما حكى أخونا العيساوي وهيه ما قصر الله يبارك فيه أعطاكم دليل شرعي :"إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه )
واللي بأكد هالكلام انه اللي روى الحديث هم :"البخاري والمسلم رضي الله عنهما وبالأحرى انه هالحديث الشريف صحيح 100%

مع تحيات
كااانت همسة الاحساس!^!

[رهان الحب]

يسلم تمك يا العيساوي هي الحكى ولا يا بلااش

انا مع اخونا العيساوووي

تحياتي

[AmEeR]

جزاكي الله كل خير
بس المشكلة عنا في هلبلد عايشين بضلمات
الواحد بطل اهمو ولا شي
بس بنحكي الله يصلح الناس

[حلا**]

مشكوره اختي عالموضوع وحكيك مزبوط بس انا برأيي اللي بدو يقنع حدا في اشي ما بيجي بالهجوم كنت قاسيه شوي بالحكي
ومتل ما حكو بعض الاعضاء انو مش شرط متل ما بتحكي ممكن زملاء او شي تاني
وبالأخير كل واحد حر برأيو الشخصي

[صدى الكتمان]

خيتي أمل الحياة

مشكورة على الطرح

بس لو أجيتي بالهداوة مش كان أحسن؟؟

يعني كل الحكي من حضرتك

نزل بالتهديد و الاحتقار و البهدلة و من كل هالحكي

بعدين انتي كبيرة و واعية

لازم تكوني هادية

و مش كل اشي تحرقي دمك عليه

و حكيك و كأنك مكبوتة من زمان وبدك بس اشي تفشي غلك فيه

لا مش هيك الواحد!!

وكلنا بنعرف انه النصح و الارشاد ما بجي بالصوت العالي

كما يقول ديننا الكريم

"لا إكراه في الدين"

كما قال تعالى:

"فبما رحمة من الله لنت لهم و لو كنت فظاُ غليظ القلب لانفضوا من حولك"آية 159 آل عمران

و أنت كنت فظةُ غليظة القلب فتنفضوا من حولك

و انتقدوك و جعلوك مصدراُ للتهديد و التهجم

ولكن لا أنكر أن هدفك رائع

و لكن للأسف

لم تحسني الأسلوب

ويجب أن تعلمي أنه قبل كل شيء

يجب أن يكون الأسلوب جميل

يجعل الناس تتمعن بين الكلمات الجميلة

و كل كلمة تشد الشخص ليقرأ الكلمة التي تليها

ليس أن يأتيكي بالهجوم

بل يشكرك على حسن الكلام و الاسلوب الواعي وليس الطائش

في النهاية

أستغقر الله العلي العظيم

[ساندرا بنت البلد]

[align=center]
وانا كمان رأيي متل ما حكى بعض الاعضاء الي بدو يقنع الواحد مش هيك بيحكي مش بهلهجوم هاد
وبعدين مين منا ما مرت بهيك مرحلة ومين منا ما حكت مع شباب
هاد شي طبيعي بهاد العمر
وكمان مش ضروري تكون العلاقه حب وعشق متل ما بتحكي
[/align]