|
18-02-2010, 06:04 PM | #1 | |
عيساوي VIP
|
heyz مسا الفل و الورد و النرجس و (الريان الأحمر ههههه)...منوووورة كيفك ؟ والله زمان عنك يا بنت؟ اممم يلا نبلش الأسئلة .... ما هو سبب انتقائك لاسمك المستعار (ريّانة) ؟ برأيك ما هو أجمل قسم بالمنتدى؟ ما هو رأيك بأصحاب (القلوب المُسَلَّمة) أي من ينعتون أنفسهم بالعشاق ؟ ما هو مدى تقييمك لمدرستك من ناحية تعليمية ؟ وهل تعجبك ؟ اسألي حالك سؤال وجاوبي عليه ؟ شو رأيك فيني ؟ شو الصفة الي نفسك تغيريها بحالك ؟ ووووو و بس اله يعطيكي العافية أحلا ريانة والشكر للمدمر و كارين على الإختيار تحياتي.. |
|
18-02-2010, 07:24 PM | #2 | |
مشرفة قسم العيساوي العام واخبار محلية وعالمية
|
بعرف انو بوجودي هه يعني ما راح اكتر من اسالتي لانو ما شاء الله الاعضاء كفوو وفوو هه الله يكون بعونك س: ريّانة انتي امام مرآه ما الذي ستقولينه للشخصية التي تريها امامك ,,؟ انتي قوية وخليكي زي ما انتي وما حد يأثر عليكي وعلى شخصيتك وشو ما نقال ما تهتمي .. س2:ما هي طموحاتك التي لطالما حلمتي ان تحقيقيها ووصلت لمرحلة تحقيقها وفشلتي ان كان هناك اي طموح,,؟ أنا ما وصلت الفشل بحد ذاته ، بس ذاكرتي مش مساعدتني أذكر طموح .. س3:هل توفقين بين دراستك (حياتك العلمية )والمنتدى وتواجدك الدائم فيه,,؟ تقريبا أه س4:لماذا اخترتي دراسة علاج الامراض الاخبيثة عن غيرها ؟.؟ أنا كنت مفكرة بطب الأطفال أو جراحه بس مرة سألت أبوي عن اسم هذا التخصص فقلي اياه وحكالي انو قلال الي بيدرسو ، وعلشنهم قلال قررت أدرسه س5: هل بأعتقادك ان في مجتمعنا الفلسطيني يضيع حق الفتاه من التعليم وغيره,,؟ إطلاقاً الي بدها تدرس لو شو ما كان بتدرس وما في شي بيوقف قدامها .. س6:من هو قدوتك في الحياه؟ الرسول عليه الصلاة والسلام . س7:ا لو اصبحتي مديرة هذا المنتدى اول قرار تتخذينه بما انه سيصبح لك الحق بفعل وبتغيير الكثير ؟. أول شي هو انه في كم مشرف مش لازم يضلو وما يكون في قسم افتح قلبك ، وانه في كم قسم انهم يطيرو . س8:شو رأيك في جنّات طبعا انا,, هو في غيري ههه :؟ كويسة وحبووبة وأسألتك حلوة . حبيبتي ان شاء الله ما اكون غلبتك بأسألتي صراحه أه هذه المرة التالته برد عليهم ولما اخلص أحط اعتماد بيصير في غلطه وبيطلعوش هه بس ولا يهمك . تحياتي لشخصك ولشخصك أيضاً .. // |
|
18-02-2010, 07:26 PM | #3 | |
مشرفة قسم العيساوي العام واخبار محلية وعالمية
|
يزيدك عافيه انا والله مش راح اغلبك كتير .. لا ولو غلبتك راحه خيي .. بس سؤال واحد ..اكتر اغنيه بتعبر عن شخصيتك ...؟؟ هه مش عارفه أنا لما أسمع أغاني ما بفكر انه هذه بتنطبق علي أو اشي زي هيك !! مش لاقيه جواب . |
|
18-02-2010, 07:30 PM | #4 | |
مشرفة قسم العيساوي العام واخبار محلية وعالمية
|
أهلا وسهلا ابلش احم احم \ / وشو القسم الي ممكن تضيفه لاقسام المنتدى ؟؟ ولا قسم ، أسأليني شو الاقسام الي حابه تحذفيهم هه هل تخطط لمستقبلك ؟؟ ما هي طموحاتك ؟؟ طبعاً ، أوصل مرحلة التوجيهي بمعدل عالي ، وأدخل الجامعه الي بدي اياها وأتخرج بتفوق قولي ان شا الله .. معلومة بتعرفها عن مدينة القدس وحابب تعرفنا عليها . امم إن القدس تسمى داره ومعناها الأرض التي تحيطها الجبال ، وبكل العالم بس مدينه القدس هيك . شو اكثر موضوع قرأته وأثر فيك كثير وصعب تنساه ؟ كتييير ، بس مش متذكرة واحد محدد ويعطيك العافية يزيدك عافيه |
|
18-02-2010, 07:36 PM | #5 | |
مشرفة قسم العيساوي العام واخبار محلية وعالمية
|
هلااز .. مسا الفل و الورد و النرجس و (الريان الأحمر ههههه)...منوووورة كيفك ؟ والله زمان عنك يا بنت؟ كويسة الحمدلله . اممم يلا نبلش الأسئلة .... ما هو سبب انتقائك لاسمك المستعار (ريّانة) ؟ أنا بحب اسم ريان بس كان بالانجلش وحبيت أعمله عربي بس كان في أعضاء أسمائهم بالعربي فعملت تأنيث هه برأيك ما هو أجمل قسم بالمنتدى؟ قضيتنا طبعاً و قسم ابدعات الشباب . ما هو رأيك بأصحاب (القلوب المُسَلَّمة) أي من ينعتون أنفسهم بالعشاق ؟ عشاق شو بدي أقول !! ما هو مدى تقييمك لمدرستك من ناحية تعليمية ؟ وهل تعجبك ؟ من ناحيه تعليميه من مرة !! وهل تعجبك ؟ عااادي بشوفها كمنظر بس كجوهر لاا اسألي حالك سؤال وجاوبي عليه ؟ شو بدك تعملي بس تقومي عن الجهاز ؟ بدي أروح أكمل حل معادلات . شو رأيك فيني ؟ عاادية وبنت قد حالك . شو الصفة الي نفسك تغيريها بحالك ؟ اني متسرعه ووووو و بس اله يعطيكي العافية أحلا ريانة والشكر للمدمر و كارين على الإختيار تحياتي.. |
|
18-02-2010, 08:18 PM | #6 | |
مشرفة همس القوافي
|
جيت وجايبتلك اكم من سؤال مش راح اطول عليكي هل ندمتي على قرار اتخذته فى حياتك ؟ هل تتقبلي النقد الصريح ؟ ما هو اسعد خبر تلقيته بحياتك؟ موقف أثر فيكي وغير في مجرى حياتك أو نظرتك للحياة ؟ ثلاث كلمات لثلاث اشخاص اثروا في حياتك.. شو بيعنيلك؟؟ الليل: الام: الاسرة: البحر: الطفوله: حكمه ترددينها دائماً؟؟ بتمنالك التوفيق في حل المعدلات |
|
18-02-2010, 09:48 PM | #7 | |
|
اهلا وسهلا بريّانتنا .. بتعرفي انه الخلايلة بحكوا عن اقراص اللحمة ..ريّانه !!! شو يعني ريّانه المعنى الفصيح . انتِ مُحبة للمطالعة ..ما هو الكتاب الذي قرأتهِ اخيراً ؟؟ وما هو الكتاب الذي حفر اسمه في ذاكرتك ؟؟ ريّانه ..حسب ما قرأت لك من ردود ..شخصيتك كتومة ..سياسيّة ..مراوغة .. هل هذه الصفات فعلاً تنطبق عليكِ قلتِ او تمنيتِ ان تنجحي في مسابقة الريّاضيات ..ممكن تحكيلنا عنها ما هي هذه المسابقة ومين مشترك فيها ..المتنافسين ؟ وآخر سؤال ..شو القسم اللي بتحبِ تحذفيه ..وليش ؟؟ وتحية لكِ ولمستضيفيكِ يعطيكم العافية . |
|
19-02-2010, 08:28 AM | #8 | |
مشرفة قسم العيساوي العام واخبار محلية وعالمية
|
جيت وجايبتلك اكم من سؤال يا هلاا مش راح اطول عليكي لا ولوو خدي راحتك .. هل ندمتي على قرار اتخذته فى حياتك ؟ ما اندمتش بس عاتبت حالي هل تتقبلي النقد الصريح ؟ حسب يعني مرات مين هو الشخص الي وجهلي النقد إذا انسان واعي ومثقف اكيد بتقلبلها اما غيره لا وبرضو كمان على الأسلوب يعني النقد كيف طلع منه .. ما هو اسعد خبر تلقيته بحياتك؟ كتااار موقف أثر فيكي وغير في مجرى حياتك أو نظرتك للحياة ؟ مش ملاقيه هيك موقف ثلاث كلمات لثلاث اشخاص اثروا في حياتك.. أبوي .. بحبك كتيير صحبيتي .. الله يخليكي يا رب .. سيدي .. الله يطول بعمرك .. شو بيعنيلك؟؟ الليل:هدووء وراحه الام:ملجىء يلجئ اليه الأنسان في حالة التعب أو في أي حاله تمسه أمه . الاسرة:هي التمام شمل العائلة . البحر: بقدر كبره بقدر غدره .. الطفوله: كلمه كلها شغف و مشاكسه حكمه ترددينها دائماً؟؟ أحبب حبيبك هوناً ما عسى أن يكون عدوك يوماً ما ، وابغض بغيضك هوناً ما عسى أن يكون حبيبك يوما ما .. نقلاً عن ماما بتمنالك التوفيق في حل المعدلات الله يسمع منك .. |
|
19-02-2010, 08:45 AM | #9 | |
مشرفة قسم العيساوي العام واخبار محلية وعالمية
|
اهلا وسهلا بريّانتنا .. بتعرفي انه الخلايلة بحكوا عن اقراص اللحمة ..ريّانه !!! معلومة جديدة شو يعني ريّانه المعنى الفصيح . على ما أظن هي ريّان باب من أبواب الجنه ولكن إن كان الأسم لأنثى فهو بإضافة (ة) ريّانه .. وهنا كان استفسار عن إسم ريّان أجاب عن السؤال الشيخ/ عبد الرحمن البـراك (عضو هيئة التدريس بكلية أصول الدين بالرياض) الجواب: مالكِ ولباب الجنة؟ سمي ابنتك ريّانة، لا تسميها ريان، سميها ريانة، وإن كان ولداً وأعجبك أن تسميه ريان فسمه ريان لا على باب الجنة، سمه ريان من الري خلاف عطشان. انتِ مُحبة للمطالعة ..ما هو الكتاب الذي قرأتهِ اخيراً ؟؟ أنا حالياً لضيق الوقت بقرأ فقط مقتطفات من جميع الروايات التي أملكها .. فهي أكله الذئب لشاكر النابلسي ، نسيانكم لأحلام مستنغامي . و المتشائل لإميل حبيبي . وما هو الكتاب الذي حفر اسمه في ذاكرتك ؟؟ نسيانكم .. ريّانه ..حسب ما قرأت لك من ردود ..شخصيتك كتومة ..سياسيّة ..مراوغة .. هل هذه الصفات فعلاً تنطبق عليكِ انا بكتومة لا مش كتيير لما حد ينرفزني ع طول بحكي .. أما سياسّة ومراوغه فأه ممكن .. هاد حكي إمي هه .. قلتِ او تمنيتِ ان تنجحي في مسابقة الريّاضيات ..ممكن تحكيلنا عنها ما هي هذه المسابقة ومين مشترك فيها ..المتنافسين ؟ هذه مسابقة للمميزين في الرياضيات ، تم إختيارهم على حسب المعدل أعلى من 95 .. ولكن المشاركه كانت إختيارية مع رسوم إشتراك .. فأنا حبيت أشارك .. والمسابقة على مستوى شرقي القدس .. وآخر سؤال ..شو القسم اللي بتحبِ تحذفيه ..وليش ؟؟ قسم افتح قلبك وفش غلك .. لأنه لازم يكون في شوية خصوصية ، والمواضيع التي تناقش هناك أغلبها منقولة عن موقع بانيت إذا لاحظتي ومواضيع أساساً مش للنقاش !! وتحية لكِ ولمستضيفيكِ ولكِ أيضاً يعطيكم العافية . |
|
19-02-2010, 11:04 AM | #10 | |
قلمٌ ثائر
|
قال عليه الصلاة والسلام : " أحبب حبيبك هونا ً ما عسى أن يكون عدوك يوما ً ما ، وابغض بغيضك هونا ً ما عسى أن يكون حبيبك يوما ً ما " .. هو حديث شريف وليس حكمة !!! كتاب أحلام مستغانمي : " نسيان com وليس نسيانكم " , بغض النظر عن مقصد الكاتبة ، ومن باب الحفاظ على حقوق الملكية الفكرية ليس إلا !! كنت هنا والزهر ْ .. تحياتي لكم والله يوفق الجميع . |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|