21-10-2008, 11:45 PM | #21 |
عيساوي مجتهد
|
اكيد المسئوليه بتقع على الاهل وعدم اهتمامهم بابناءهم على الاهل متابعة ابناءهم والسؤال عنهم ويجب عليهم ان يعرفوا من رفقاء ابناءهم ولايتك الامر فوضوي هكذا الحلول اكيد متل ماتفضلتم بعمل لقاءات توعويه للاهل وورشات عمل للاهل وايضا للطلاب |
21-10-2008, 11:54 PM | #22 | |
عيساوي مجتهد
|
وضع الصبايا والشباب اليوم هو محزن أكتر من أي وقت مضى ناس كل حياتهم النت والموبايل والشلل الي أكثر تأثيرها بيكون سلبي على بعض, حد بيقدر يقولي إيش البدائل الموجودة للشباب يعني أنا بتذكر من فترة كان في المجموعة الكشفية الي بتربي على قيم كلها إحترام وكتير بتثري الشخصية الشي الي بيشبها اليوم برامج تطوع الهلال والي أكيد ما راح تغطي كل الفئة, وكمان اليوم في موضوع الحقوق الزايدة الي أساسا المجتمع مش جاهز الها وخربت أكتر ما صلحت, في البيت والمدرسة إذا المراهق ما أعجبه الوضع بيهدد بالشرطة وبحقوقه الي الإحتلال بيدمره فيها أكتر من أنه بيحمي, بإختصار هذه الفئة بحاجة لبرامج أكتر وناس تتفهمهم ليتخطوا هده المرحلة من عمرهم ويكونوا ناس إيجابيين في المجتمع وكمان الأهل بحاجة لتوعية وإعادة نظر بطريقة تعاملهم مع أبناءهم. |
|
22-10-2008, 12:10 AM | #23 | |
عيساوي مميز
|
بالنسبه للقضيه اقول لكم اذا مانظرنا الي الطالب فاننا نرى بان كل شيء يؤثر به ويدفع الى الاهمال الى هذا الحد اولا البيئه او المجتمع والمحيط الذي يعيش فيه هل يهتم بالعلم والنظام والترتيب هذا الطالب هل يذهب الى دور العباده ويحفظ القران ويستمع الى الخطب في المسجد الذي يدعو الي الترتيب والنظام والحث على العلم ثانيا الاسره التي تعد النواه الاولى لنشأه الطفل او الطالب ننظر الى مستواها العلمي والثقافي هل تشجع التعليم وليسال كل منا نفسه سؤال لماذا نسجل ابناءنا بالمدارس ماهو الدافع وراء ذالك ؟؟انو انا اريح راسي منهم ومن غلبتهم ولا اصبح روتين انو الطفل عند هذا السن يجب ان يسجل بالمدرسه ومافي حدا احسن من حدا ولا انا بدي سجل ابني بالمدرسه لهدف اسمى واعلى هو انه يكون متعلم وعندو وعي وادرك بجميع مجريات الامور وبالتالي ينفعني ويرفع راسي وراس بلده ويساهم برقيها ثالثا :الوسط التعليمي كيف معامله الاستاذ مع الطالب اذا وجد هاي الامور موجوده بحوذته كيف بتعامل للاسف النمطية بالتعليم بتاثر بشكل سلبي على نفسية الابناء وايضا على مجريات الامور بشكل عام حيث ان الطالب او حتى الطفل اصبح راسه ممتليء بالعلوم نعمد دائما الى زياده معلومات الطفل والمناهج صعبة وبنحكي الطلبه اغبياء ومابيدرسو الاطفال بحاجه لمهارات ليطوروا انفسهم مو بس معلومات معلومات ماالطفل محتاج ليفرغ هالكم من المعلومات لو غيرنا بنمط التعليم داخل الفصل ووجود الاخصائي الاجتماعي والنفسي داخل المدرسه امر ضروري وهام وايضا ضروره عمل مجلس للاباء والامهات لتثقيفهم وبيان خطورة الاهمال وضروره المراقبه لابناءهم وهذا لسلامه الابناء والاهل والمجتمع ككل بتمنى عقد ندوات وورشات عمل للطلاب والاهالي وتشجيع الطلاب على العلم والنظافه والترتيب واعطاءهم حوافز لذالك وعقد مسابقات مثل مايحدث في مدارس غزة كارتب صف وارتب طفل والطفل النظيف على مستوى الصف والمدرسه وهذا تشجيع لهم انا لدى اخوة في المدارس الابتدائيه يتسابقون من سيحصل على لقب ارتب طفل والطفل النظيف بتمنى ارسال الابناء الى المساجد فهو اكبر مدرسه في التتيب والنظافه والعلم وانا بوعدكم عمل تحقيق صحفي عن هادا الموضوع وراح اجريه مع بعض الطلاب وايضا مع د.وليد شبير المحاضر في الجامعه الاسلاميه د.فضل ابو هين دكتور في علم النفس ود. درداح الشاعر وسوف اعلمكم بالنتائج |
|
22-10-2008, 12:26 AM | #24 | |
مشرف العيساوية خلف القضبان
|
السلام عليكم ورحمته الله وبركاته اشكرك أخي الزير على طرح الموضوع طيب ازا الاهل مش مناح كيف اولادهم بدوهم يطلعوا مربين وكثير من المشاكل من ناحية الاهل هما الا بدهم هيك بس كيف يرضون بتخلي عن اولادهم بهذه السرعه طيب من ناحية شبكة الانترنت ازا شاب\ه بشوفوا الأهل على الانترنت للتعارف من خلال المسنجر مع احد الأشخاص شو برأيكم راح يعمل الولد طبعا نفس العاده ومثال على ذالك هناك من متزوجييييييييين اسمعتوا متزوجيييييييييييين ..... يرضون التخلي عن اولادهم بحكم من احد المعارف من خلال الانترنت ومن خلال الماسنجر وهذه الحقيقه من ناحية الاهل ( وخليني ساكت بكون احسن) بلاش فضايح احسن ما يبلشو اتصلات على الدار هههههههههههه الأولاد ليسوا لهم اي تعليق على مشاكلهم بل هم الاهل الذين يرضون التخلي عن اولادهم واهمالهم وليس الاولاد وكل شاب و فتاة تبين من خلال تربيتهم الحسنة من الاهل وكل شاب وفتاة ايضا تبين تربيتهم السيئة من الاهل كذالك (( كما دعا النبى صلى الله عليه وسلم إلى تأديب الأطفال وغرس الأخلاق الكريمة فى نفوسهم . ورغب فى ذلك كما فى قوله ( ألزموا أولادكم وأحسنوا أدبهم ) فالمولود أمانة عند أبويه خال من كل نقش قابل لما يلقى إليه من خير أو شر يستطيعان أبويه أن يحسنا تربيته إذا أصبحا قدوة حسنه له وإلا صار الولد معول هدم عند كبره إذا فقد قدوته الحسنه فى صغره .)) ولذالك ايها الاخوه الكرام هذا الموضوع قد اطرحه برأيي شخصياً لأهل هؤلائك الشباب والصبايا مع الأحترام أخوكم صقر الأقصى |
|
22-10-2008, 01:29 AM | #25 | |
عيساوي مجتهد
|
مش عارف من وين ابدا ... ومش عارف ازا حد راح يمرق على تعليقي من بين كل هالتعليقات ...؟؟؟ بس حابب اشارك برأي في الموضوع واحكي شو بشوف وشو بقترح .... انا شايف انو ... احنا واقعين في كارثه انو احنا بنحكم على الطفل او الولد او الشاب مع انو مش هو المشكله ... الاهل الي وصلوه للمشكله ... وتركوه يقع فيها من كثر الاستهتار والا مبالاه والترباي الغلط ... طيب ما الكل بعرف هاد الحكي ... !!!! طيب حاولوا صلحوا الوضع ... بلش انت في بيتك وانا ببلش في بيتي بس اعملوا شي قبل ما نغرق اكتر من هيك ...!!! يا ولي الامر... روح شوف ابنك في اي صف وصل ... بعرف يكتب اسمه ولا لا .... اقعد معه درسه ,فهمه لانو ما بفهم لحاله حاول تربيه صح !! احكي معه كون صاحبه من هو اصغير على شان ما تخسره وتلاقيه في الشارع وهو كبير وكمان بدي احكي مع( الشباب) طلاب المدارس ...! اصحوااااا يا شباب انتو ضايعين الي ما بتعلم ما اله مستقبل ... صدقني ما في احسن من تعليمك! ... لانوا مستقبلك وحياتك لما تكبر؟ ... مش راح اتضل شباب واصغير راح تكبر وتبني جيل ...ازا انت يا شب فشلت وضيعت تعليمك ومستقبلك اليوم على شان تلحق البنات ؟ولا عشان تعمل طوش كل يوم والتاني ؟ولا عشان بتضلك بتروح اتعجب على الاستاز واتضيع حصص على الفاضي ... واخرها... !!! انت بتقشر بصل في مطعم عند اليهود... ! كيف بدك بكره لما تكبر ابنك ينجح ...؟ ابنك راح يطلع متلك... لا حاول ما تغلط وتضيع حالك ...!! نظم وقت ... ادرس .. احترم حالك على شان غيرك يحترمك وبكفي تضيع وقت اصحى قبل تغرق ... اتعلم ... وكون محترم ... بتعيش احلى حياه ... وبتبني احلى حياه ... ابوك مش راح يضل يصرف عليك ...! بدك تصير عتال عند اليهود ولا طبرجي ولا تشتغل في التنضيف ...؟ لا صدقني ما بنفعك الا تعليمك ... على شان تقدر تبني حالك ... وازا انت بنيت حياتك ودولتك الصغيره بتساهم في انك تبني جزء من دولتك لكبيره ... فكروا يا شباب وحاولوا تصلحوا قبل ما تضيعوا حالكم... تحياتي mustafa |
|
22-10-2008, 03:12 AM | #26 | |
عيساوي مبدع
|
بسم الله الرحمن الرحيم الموضوع كثير عجبني انا بدي أحكي شغله وحده لا غير بدي أعرفها من جيل 1980لجيل1986 ليش ما كان يصير هيك أشياء يمكن عشان التربيه كانت شديده أو عشان كان الأنتفاضه شغاله أو كان في أحترام بين الشب ولبنت بس بلوقت هاض انا شايف العكس لا في تربيه وله فيه أهتمام بتعليم وله في مسؤليه وشكراً ربيـــــــــ البلد ــــــــــــــــع |
|
22-10-2008, 04:14 AM | #27 | |
|
لا حول ولا قوة الا بالله العلي العظيم اخواني واخواتي سبق وقالها اخي العيساوي من قبل انه شاف منظر قبل يومين شو بدو يكون جواب الانسان على هيك موضوع خطير ومهم بهذا الشكل عمالنا بنشوف ومنقرء على الانترنت كل يوم بل كل ساعه عن مصائب العام ومنقول الله يستر لسا والحمد لله ما وصلنا لهون او لهاي المرحله بس احنا او مجتمعنا بالاحرى ما بيحب يسمع او يستوعب او حتى يتعظ من ما بهذه الدنيا من بلاء ومصيبه كبيره حلة على العالم العربي كله بدون تجزئه يا اخوان ما نراه اليوم هو كارثه اجتماعية بل قوميه زال الحياء والخجل من حياتنا بل اصبحنا لا ادري لا اريد ان اعمم ولكن سامحوني بالجمع في مفردات كلماتي وتعبيري عن هكذا موضوع اننا واحسها بكل جوارحي نعيش في مجتمع غربي او شبيه بالمجتمع الغربي ونحن خير مقلدين له بل الغرب يعجز عن ما نفعل لا ادري هل اقول الحمد لله او حسبي الله على ما نحن عليه كفر فجر عنجهية عاريات كاسيات الشباب كالبنات والبنات كالشباب ولا رادع ولا مسؤول ولا احد لاحد وكله على الله اكيد وصلنا لهون لانه ما في لا بابا ولا ماما الله يرحم ايام ما كان رحمة سيدي يضربني علشان ادرس ويا ويلي اذا غلطت او حتى رفعت عيني اليوم اذا الاستاذ ضربني بروح على الشرطه وبحبسوا وشو ما بيطلعلو يحكي عاجبه عاجبه مش عاجبه يروح على مدرسة تانية انا حر واذا ابوه للطالب عرف عادي ولا يهمك يابا بندعس عليه ومنضربه اسف بس هذا يلي بيصير من يومين بدون ذكر اسماء طالب عمره تقريبا 12/13 بس مش اكتر عامل مشكله والمدير متدخل وضارب الطالب بتخيل علشان غلطان ولازم يتربى بس خوال الولد وامه راحو للشرطه ومبلغين عن الضرب يعني انا مش فاهم ليش شو المشكله اذا المدير او الاستاذ ضرب الطالب من شان التاديب وبس يعني شو خايفين عليه يا حرام واالله ما انا عارف شو احكي بس خلص الام والاب هم الاساس واكيد الجو المحيط بالاسره انا ما بتوقع اليوم انو في ام سائله شو مع بنتها او تعالي يما او حتى تعرف شو بنتها برا البيت المهم تخلص منها اكم من ساعه والاب اخخخخخخ من الاب بدل ما يكون قيادي ورجل عنده موقف بتلاقيه ولا هو سائل عن شي بالعكس راميها ورا ضهره وبيقول بتفرج والله موضوع شائك كتير وبدو دراسه واهتمام من الجميع والملام الاول والاخير هم رب العائله وزوجته في يا اخوان عالم او علامه اسلامي من مصر سافر الى دول اوروبا وعاش فيها فتره لنشر الدعو ولابحاث علميه وعندما عاد وفي مؤتمر اسلامي في الازهر الشريف سالوه غيره من علماء كيف كانت وماذا رايت وهكذا فقال يا اخوان والله رايت اسلاما ولم ارى مسلمين المعنى انو النظام والالتزام بالقواعد والقوانين مهم جدا في الحياه ونحن نفتقر لهذا بل لسنا مستعدين لتقبل اي شيئ يلزمنا بشيئ اخر لا حاكم ولا محكوم هكذا نشانا وهكذا تاقلمنا ومهما تكلمت ربما لا اعطي هذا الموضوع اي شيئ من حقه ولكن اسال الله عز وجل الرحمه والحكمه والسبيل الى الهدى سامحوني اذا زل لساني وتاهت كلماتي والشكر الجزيل لصاحب الموضوع وللمنتدى الكريم والقائمين عليه جزاكم الله كل خير |
|
22-10-2008, 11:38 AM | #28 |
عضو جديد لنج
|
كذلك لا اعطية الحرية لان يرتكب المحظور يعني الشغله اهدى من كذا |
22-10-2008, 01:00 PM | #29 |
عضو جديد لنج
|
وينتج عن ذلك عدم اهتمام بالاولاد . فالمسؤلية توضع على عاتق الاهل . |
22-10-2008, 01:32 PM | #30 | |
عيساوي مجتهد
|
اول اشي موضوع مهم كتير وحلو في نفس الوقت بس بحب اقول عن القضيه الاحتلال الاحتلال ما كان ولا راح يكون سبب من اسباب انه واحد ما يتعلم اصلا اذا احنا قمنا في هذا اشي الي هو انا انحط الوم على الاحتلال بكون غلطان لانا اذا حطينا الوم على الاحتلال بكون من شد على ايد الاحتلال علشان هيك لازم وضروري نشتغل على هذه القضيه ونقيم فكرت الاحتلال انومسيطر علينا وبقول لكل واحد بهمه هذه القضيه انو يشتغل عليها لان ما بدنا نأخذ بس كلام وحكي وبنسبه لقضيه المجتمع هي القضية ابنائنا وذهابهم الى المدرسه هذه القضيه ترجع الى اهل اذا عندهم اهتمام على ابنائهم او اذا الاهل اصلا متعلمين ابو بدهم يعلمو ابنائهم وخاصه في مجتمعنا هذا لا نروح الى بعيد واشكر كل من يهتم الى هذا الموضوع او الى هذه القضيه وانا جاهز الى اي عمل تقومو فيه . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|