انت [you] قاتل ولا تقل لي لا ....

[no love]

ميرسي يا عيساوي عالموضوع هاد والذي يعتبر من أهم المواضيع لانه يرجع بالفائدة الى أبناء قريتنا
وانا ضد هذه الاعمال والتي تعتبر سلبية
تقبل مروري no love

[The Prince of Angels]

يسلمو ايديك عالموضوع بس ليش حاطت العنوان
The Prince of Angels قاتل ولا تقل لي لا
شو سويتلك يا عمي ليكون قتلتلك واحد من اهلك لا سمح الله
الرجاء تغيير عنوان الموضوع

[مغرمة القمر]

ههههههههههههه برنس انا افهمت الموضوع منك طلع اي واحد بدخل بأسمو بطلع عندو العنوان باسمو هيك صار معي هههههههههههههه

[The Prince of Angels]

هههههههه
اه عرفت بس بعد ايش

يعني بقول مش متذكر قاتل حدا

[YâŖâ]

بصراحة موضوع حلو كتير وبدو نقاش

.

.

اول شغلة هالشباب في الايام ما بعرفو شو معنى وحدة وطنية ولو بعرفو بفكرو انو لمين تكون سيارة هالاسعاف ومش شرط تكون فيها يهود او اعداء النا

.

.

يسلمو اخي العيساوي وبصراحة انا حكيت اللي عندي

[OdAi]

اصلن تطبيش سيارات الاسعاف هاد شغل ولاد

لانو الي بفهم ما بتطبشها لانها جاي تسعف

شخص مسلم وبجوزك بقربلك

لانو هاي الايام بموت المريض وهو يستنى الاسعاف

الاسعاف بتكون جاهزه و بتستنى الجيش لانها ما بتنزل
ع البلد لحالها


مشكور اخي العيساوي ع موضوعك

[العيساوي]

بسم الله الرحمن الرحيم
اشكر كل من مر على الموضوع وقال كلمته وارى رأي الاغلبية واضح
بعض التعليقات

أنا ضد وبشجب كل من تسول له نفسه على حمل حجر ليلقيه على سيارة الاسعاف ولكن :
بداية كيف نقدر على أن نجعل سيارة الاسعاف تدخل الى البلد دون مرافقة الجيش وأتوقع بأن دخول سيارة الاسعاف الى البلد دون مرافقة الجيش يؤدي الى عدم رشقها بالحجارة
لا أريد أن أنظر الى السلبيات في هذا الموضوع بل أريد أن أنظر الى الناحية الايجابية توقعاتي بأن شباب العيسوية يتمتعون بالشهامة وحب المساعدة ولهم الكثير من المواقف التي تثبت ذلك وهم واعين تماماً الى أن رشق سيارة الاسعاف بالحجارة هو عمل همجي .
واذا سمح لي كاتب الموضوع الأخ العيساوي على أن يطرح السؤال التالي هل اذا دخلت سيارة الاسعاف الى البلد دون مرافقة الجيش ترشق بالحجارة أم لا ؟؟؟
شبعنا وطنية مع احترامي للشباب والصبايا الذين ردوا من قبلي على الموضوع في أن نقّيم بأن ذلك خروج عن الصف الوطني أو هو عمل غير وطني وهذا الكلام مفهوم ضمناً لدى كل شباب البلد ولكن علينا أن نقف وقفة وقد بادرت بذلك والموضوع بحاجة الى عمل جماعي بأن يتوجه مجموعة من الشباب الى نجمة داود الحمراء وتتعهد بعدم رشق الحجارة على سيارة الاسعاف التي تدخل البلد دون مرافقة الجيش وهذا أمر وارد ومن حقنا لأننا نحن في العيسوية أيضاً نعاني من سيارة نجمة داود الحمراء التي تأخذ وقت طويل حتى تصل المريض لأنها تنتظر مرافقة الجيش وهذا بحد ذاته يقلل من العمل الانساني الذي تقوم به تلك السيارة واسألوا الكثير من الناس الذين يشهدون على هكذا مواقف وكذلك من المواقف الاخرى الغير انسانية من تلك السيارة بأن يقولوا لك أحضر لنا المريض الى طريق معاليه أدوميم وهذا غير مقبول فهيا نقف معاً لكي نجعل سيارة الاسعاف تدخل البلد دون مرافقة الجيش وتنتهي المشكلة
وانني واثق بأن المشكلة لا تنتهي تماماً من أول مرة ولكن فلنتبع قول رسولنا الكريم "من رأى منكم منكراً .........الخ" ونمنع بعض الأطفال الصغار من رشق تلك السيارة بالحجارة
أعتذر عن الاطالة وأشكرك مرة أخرى على الموضوع يا عيساوي

مشكور استاذ خضر على الكتابة وابداء الرأي
اولا شخصيا شفت اخر سيارة اسعاف قبل يومين وبساعه متأخرة بالليل دخلت مع صافرة الاسعاف وبدون اي جيب جيش وسبحان اله النايم فاق وحس بالوطنية وقرر انو وقت الضر اجا و وما خلوش ومع هذا سيار ةالاسعاف كملت شغلها ...
بالنسبة انه نتوجه لنجمة داوود الحمرا ونوعدهم ان ما حد يطبش عيهم ؟؟؟
استاذي انت بتقدر تعطي مثل هذا الوعد؟؟؟ للاسف بلدنا من القرى الي ما شاء الله كل واحد فيها زعيم حاله وما حدا بيقدر يحكمه ولا يقوله بلاش ...


بالنسبة لاختي ريم الفلا

مرحبا : العيساوي

انا مع تطبش سيارات الاسعاف , ليش ؟؟؟

لان اليهود لما يضربو غزا بيستهدفو سيارات الاسعاف وبشلو حركتها وفي كمان كتير ناس من الضفه بحاجه لتلقى العلاج داخل القدس و بيمنعوهم وكتيير وكتييييير يعني النسوان الي ولدن ع المحاسيم احسن ؟؟؟؟؟

هدول يهود هاد مش محلهم وانا بلاحظ انو الوطنيه قاعده بتخف عنا بشكل
كبير وملحوظ


ومشكور :::: يا مسيو العيساوي جزيل الشكر :::::

يا خيتي

مرحبا : العيساوي

انا مع تطبش سيارات الاسعاف , ليش ؟؟؟

لان اليهود لما يضربو غزا بيستهدفو سيارات الاسعاف وبشلو حركتها

يعني في رأيك هذا صح؟؟؟ ولازم نكون مثلهم؟؟؟
لعلمك اختي اسرئيل بتعمل كل شئ لتعيق اسعاف فلسطيني اينما كان وانتي اذا ضربتي سيارة اسعاف جوا العيساوية مثلا بتكوني مثل اسرائيل لانك بتعيقي اسعاف فلسطيني مثلك في البلد لان ما اظن سيارة الاسعاف جاية تسعف يهودي ببلدنا !!!! اذا شو الفرق بينك وبين اسرائيل؟؟؟انت وهم بتعيقوا اسعاف فلسطيني ...

الوطنية تحتاج الى مخ واسع وفهم اوسع من تفكير محدود

[أسير فلسطين]

معك حق في كل الي بتحكي و يسلمو اديك على الموضوع الحلو


تحياتي:أسير فلسطين

[أحلى توتو]

شكرا أخي العيساوي
و اليكم ردي
لما تيجي الاسعاف على البلد طبعا بكون معها جيبين جيش او اكتر
و الولاد و الشباب ببدو يطبشو حجار بس بتوقع انه بكون هدفهم يطبشو على الجيش مش على الاسعاف
بس اذا كان هدف احدهم انه يطبش على الاسعاف بكون بتحدى ابن بلده
وتحياتي

[احلا احساس]

يعني هادا اسلوب خارج الوطنية وان كانو قرائبك او اعزاءك اما ادا جيش خاص بدون اسعاف

فأْنتم تعلمون ماذا يصبح

تحياتي

الجبهة الشعبية لتحرير فلسطين