24-07-2009, 04:37 PM | #1 | |
الوسام البرونزي
|
احمد(جوز وحدة منهم): اركبوا السيارة خلصوني بعد ما سكروا باب السيارة بلشن الحكي ع الناس حنين(اخت احمد): ايش فيكي تأخرتي؟ مرام(زوجة احمد): ساعة قاعدة ادور ع اخت العروس اباركلها انتي ما شفتي كيف النسوان هاجمات حنين: ياريت ما رحنا على عرسهم احمد: ليش؟ مرام: زحمة والولاد لصغار قاعدين بتضاربوا بقشر البرتقال وبلعبو بالميه حنين: ما شفتي المره الي كبت الكولا عالمره الي جنبها؟ مرام: لا والله ما شفتها كنت قاعدة بدور ع كندرة بنتي مها حنين: ايش رايك بالفستان الي لابسيتو هدى؟ مرام: مو حلو ضيق عليها والسحاب مبين بس اعجبني مكياج امل قال بتحكي انو زوجة خالها جابتلها اياه معها من باريس حنين: ههههههه من باريس بتضحك عليكي يا هبلة بتلاقيه من محلات ابو عشرة شيكل *************** لما كانوا عم يحكوا حكوا لبعض والله عيب خلص مش لازم نحكي ع الناس حنين: صح والله حكيك يا مرت اخي ما بجوز نحكي ع الناس بس شفتي اللي كانت قاعدة جنبي ع العشا وبتقطع باللحمة؟ سميرة: اه واللحمة كبيرة و في نسوان ما تعشن قاعدات ع الكراسي الي ع الكوشة مش عارفة ع شو شايفات حالهن حنين: حتى ام العروسة مسكينة ما تعشت طول الوقت عم تبكي سميرة: ههههه تبكي من الفرحة يا هبلة ما شفتي عبها منتفخ من المصاري بس خلص ما بدنا نحكي حرام حنين: اه والله حرام بس شفتي وشفتي وشفتي الخ... واخيرا وصلوا البيت احمد: شوفولي حبتين اكامول حتى بالبيت كملن حكي مرام: ههههههههههههه شفتي خديجة متوصية فيكي شكلها بدها تخطبك لأبنها حنين: وجع في شكلها هي وأبنها قاعدة بتقطعلي من اللحمة الكبيرة الي ما بتتاكل وهي طايحة اكل باللحم لمنيح اقتراحات للي بدو يتزوج 1-اعطي حبة اكامول لكل رجل بعد العشا 2- لا تقدم للبنات رز ولحم واللي منو 3-قدم للسحالي كت كات وطاسة كولا وبصحن صغير ورق دوالي وحبة علكة لبعد الاكل راح يدعونلك 4- لازم كل مره تدفع عشرة شيكل كتأمين عن التخريب والتكسير الي عملوه ولادها بالعرس ولازم تكتبو هادي الجملة ع كرت العرس 5-اخيرا يوضع اسم المره الي ما بتلتزم بالقوانين في اللائحة السوداء للقاعة |
|
24-07-2009, 05:28 PM | #2 | |
عيساوي زعيم
|
شـكــ وبارك الله فيك ـــرا لك ... لك مني أجمل تحية . |
|
24-07-2009, 05:46 PM | #3 | |
عيساوي جدع
|
|
|
24-07-2009, 09:50 PM | #4 | |
عيساوي مشارك
|
هاد هو الحكي المزبوط مشكور ........ هه |
|
24-07-2009, 11:12 PM | #5 | |
عيساوي مشارك
|
لسه انت سمعتي شي بلاوي في منو حكيك بس الي بنحكا عنا ابلا وحيات عينك هههههههههههههه خديجه عبيد |
|
03-08-2009, 02:51 PM | #6 | |
عيساوي مشارك
|
بس حرام مشكلهم بحكوا . شـكــ وبارك الله فيك ـــرا لك ... لك مني أجمل تحية . |
|
04-08-2009, 05:04 PM | #7 | |
الوسام البرونزي
|
ونورتونا بوجودكم // |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|