03-01-2008, 12:36 PM | #1 | |
قلمٌ ثائر
|
ابو وديع : محمد متذكر هداك اليوم لما انا كنت احلم وانتا جيت فيقتني . محمد نخال : اه متذكر . ابو وديع : طيب منيح . طيب متذكر يوم ما قلتلك انو اخذنا كارين رهينة بالحلم . محمد نخال : اه متذكر . ابو وديع : طيب كويس . بتعرف شو كان نفسي . محمد نخال : شو ؟ ابو وديع : اتصورني لما خطفت كارين وحطيت السكينة على رقبتها . محمد نخال : ليش يعني ؟ ابو وديع : علشان نحط الصورة بـ ِ لصاحبي الاحساس فقط هههه . محمد نخال : ههه حلوة منك . :: الحلقة الثانية :: محمد نخال : ابو وديع .. ابو وديع . ههه ههه ههه ابو وديع : ولك مالك فارط على حالك من الضحك . محمد نخال : ولك وانا مروح هلا باب العامود احزر مين شفت ؟ ابو وديع : مين شفت يعني ؟! محمد نخال : شفت صقر الاقصى بس احزر شو كان يسوي ؟ ابو وديع : شو كان يسوي يعني ؟! محمد نخال : ولك كان يشتري من البسطة مفكات وشواكيش وبراغي لقسم البرمجيات والكمبيوتر . ابو وديع : العيساوي بيعطيه يشتري من الاصلي وهو بشتري من البسطات !! :: الحلقة الثالثة :: ابو وديع : اااخ يما اااخ . محمد نخال : ولك شو مالك مطبش ؟ مين مسوي فيك هيك ؟! ابو وديع : اليوم وانا ماشي بالمنتدى . قلت بميل على كوخ القوة . اااخ يما اااخ . محمد نخال : اه وبعدين . ابو وديع : لقيت الشباب جوا بدربوا حديد . اااخ يما اااخ . حبيت امزح معهم . قلتلهم العيساوي بدو يسكر القسم هلا يلا روحوا كل واحد على بيتو ما الكم محل هون . محمد نخال : هه وبعدين . ابو وديع : شو وبعدين . زي ما انتا شايف عينك ما تشوف الا النور وين الجنب اللي بوجعك . هما مش قوايا كتير بس كانوا اكثار . محمد نخال : ااااه ما هو مبين . ابو وديع : اااخ يما اااخ . الشباب طلعوا مش وجه مزح . محمد نخال : ههه بتستاهل . شاطر بس تتشاطر على كارين . :: الحلقة الرابعة :: ابو وديع : محمد فيق فيق . محمد : هيني قايم يلا . ابو وديع : قوم لنغسل اوجوهنا ونعمل كاسة شاي ثقيلة نعدل روسنا وناكل لقمة ونتسهل عالمنتدى . محمد نخال : ابو وديع . شو هدا شو هالصباح ؟ ابو وديع : شو مالك يا زلمة . يا فتاح يا عليم . محمد نخال : ولك ما في مي بالحمام !! ابو وديع : طيب في حمام بالمي ؟ هههه . محمد نخال : حلوة منك ههه .... ييييي يا زلمة هلا وقت مزحك !! ابو وديع : طيب خلص بلزمش نغسل وجوهنا بطلنا . شكلو المي مقطوعة . محمد نخال : طيب انا رايح اعمل شاي . ابو وديع : نخال ... نخال . محمد نخال : نعم ابو وديع . ابو وديع : انا بشربش غير ليبتون انتا بتعرف !! محمد نخال : اسكت يا زلمة انا بتشرب ليبتون !! هههه اسكت ما احنا دافنينو سوا . ابو وديع : شو رأيك نشرب قهوة بدل الشاي ؟ محمد نخال : اه بصير . ابو وديع : هههه لا والله انك فالح . ما هي المي مقطوعة ! ههههاااي . :: الحلقة الخامسة :: محمد نخال : يلا اسرع يا ابو وديع . ابو وديع : شو مالك يا زلمة على مهلك ما في ولا باص طالع عالمنتدى . محمد نخال : احنا بنوقف عالموقف وهلا بيجي باص . ابو وديع : هي فورد يلا نطلع فيها . محمد نخال : يالله شو بتحب الفوضى . في باصات . ابو وديع : وحيات ابوي وابوك غير نطلع بالفورد . بعدين ولك هلا هدا بضويلنا اغاني بنسلطن . محمد نخال : طيب يلا . ابو وديع : الشفير بدو الاجار ادفع يا نخال . محمد نخال : لا والله غير انتا اللي تدفع . ابو وديع : ولك شو ادفع يا زلمة ما تفضحناش . انتا ادفع هالمرة وانا اليوم بغديك على حسابي بالمنتدى . محمد نخال : طيب امري لله بدفع بس بتغديني على حسابك . ابو وديع : طيب . واجا بالمنتدى وقت الغدا . محمد نخال : ابو وديع شو دفعت عني بالغدا . ابو وديع : لا . محمد نخال : ليش مش اتفقنا انا ادفع بالفورد وانتا تدفع بالغدا . ابو وديع : اه . بس يا صاحبي ما شفت الصبح على باب المنتدا مكتوب ادفع . انتا دفعت بالفورد وانا دفعت باب المنتدا هههه . محمد نخال : ماشي يا ابو وديع 1 / 0 . :: الحلقة السادسة :: محمد نخال بتصل على ابو وديع وبمثل انو العيساوي . توووت توووت توووت ابو وديع يرد وهو موجود بقسم بنات * بنات . بعجب على المشرفات وهو عاملين مؤتمر الهم هناك . ابو وديع : الو . محمد نخال : الو . ابو وديع : ايوا مين بحكي معي . محمد نخال : معك اللي بحكي . ابو وديع : هههاااي بالله عليك . ومين بحكي بلا صغرى ؟ محمد نخال : بحكي اللي معك . ابو وديع : يا زلمة خلصني بدي اعرف اشرب كاسة عالقهوة . يا بتحكي مين انتا يا بسكر . محمد نخال : بحكي معك العيساوي . ابو وديع : مين مين مين . والله كاسة القهوة مش الي لمحمد نخال هو سواها . انا اصلا بشربش قهوة بضرني القهوة . محمد نخال : طيب انتا وين موجود . ابو وديع : والله يا عيساوي انا بقسمي قاعد بشتغل . محمد نخال : وين محمد نخال طيب ؟ ابو وديع : قاعد بلف بالمنتدى وبعجب على المشرفات الو ساعتين طالع من هون لا شغل ولا مشغلة . محمد نخال : انا بورجي لمحمد نخال انا بفكر افصلو . ابو وديع : انتا لازم تفصلو يا عيساوي . وبعد يومين من هذه المكالمة اكتشف محمد نخال نوايا ابو وديع وشكا عنه للعيساوي . العيساوي يبعث ورا ابو وديع . ابو وديع : أأمرني يا عيساوي . العيساوي : ابو وديع .... انتا مفصول !! ابو وديع : كتر خيرك سيدي غلبتو حالكم . العيساوي : الله معك . ^ ^ محمد نخال : ابو وديع الله معك انتا الحلقة الاضعف ههه . ابو وديع : طيب تيجي نلعب من سيربح المليون ههه . |
|
03-01-2008, 01:16 PM | #2 | |
قلمٌ ثائر
|
ترقبوا المزيد وابحثوا في قسم همس القوافي عن حلقات هذا المسلسل . اتمنى لكم قراءة شيقة وترقبوا الحلقات الجديدة بإذن الله . تحياتي الكم والله يوفق الجميع . |
|
03-01-2008, 05:03 PM | #3 |
عيساوي مجتهد
|
فكرة غريبة وجديدة وما صار زيها بالمنتدى شكرا الك ابو وديع على المواضيع الروعة والك يا نخال yaya |
05-01-2008, 06:01 PM | #4 | |
قلمٌ ثائر
|
اشكر لك اهتمامك .. تابعي معنا المزيد .. تحياتي الك والله يوفق الجميع . |
|
|
06-01-2008, 07:02 PM | #5 | |
رئيسة القسم الثقافي
|
وكتير حلوى جد اعجبتني عنجد اشي مميز تقبل مروري اعجبتني الحلقه الرابعه اكتر اشي |
|
06-01-2008, 07:25 PM | #6 | |
قلمٌ ثائر
|
تحياتي الك والله يوفق الجميع . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|