إفطار : بمناسبة نجاح محمد نخال [الأرشيف]

مشاهدة النسخة كاملة : إفطار : بمناسبة نجاح محمد نخال

أبوالنون

13-09-2009, 11:38 PM

بسم الله الرحمن الرحيم
السلام عليكم و رحمة الله و بركاته

إفطار جماعي إحتفالا ً بنجاح محمد نخال المصور الشهير

قام السيّد أبو كايد المحترم بدعوة مشرفي المنتدى و وجهاء من رجال البلد على إفطار جماعي , و ذلك بمناسبة نجاح مصورنا المشهور و المحبوب الأخ محمد نخال
و الدعوة كانت منذ فترة و قد حان وقتها

شو رايكم وين احنا ؟!
https://esawiah.com/hosting/files/1vxssoq97lc76dk6sew0.jpg (https://esawiah.com/hosting/files/1vxssoq97lc76dk6sew0.jpg)

نصيحة لا تنظروا إلى الصور و انتم صائمون

https://esawiah.com/hosting/files/lthul0n8l3kyifu1q9zu.jpg (https://esawiah.com/hosting/files/lthul0n8l3kyifu1q9zu.jpg)

https://esawiah.com/hosting/files/x0g6eu96wvhb8vxsu8ea.jpg (https://esawiah.com/hosting/files/x0g6eu96wvhb8vxsu8ea.jpg)

محمد نخال عاجكها

https://esawiah.com/hosting/files/hk8umjf1ftiqi6qdi2ds.jpg (https://esawiah.com/hosting/files/hk8umjf1ftiqi6qdi2ds.jpg)
يعطيك العافية أكيد تعبت من حمل الجمل !

https://esawiah.com/hosting/files/d77w2qu9tb9x55m6kafg.jpg (https://esawiah.com/hosting/files/d77w2qu9tb9x55m6kafg.jpg)

أمـّا الشباب شو , نظافة top

https://esawiah.com/hosting/files/501t7ly8t15olnbihbzt.jpg (https://esawiah.com/hosting/files/501t7ly8t15olnbihbzt.jpg)

https://esawiah.com/hosting/files/1thvp39mi7985z87wmcb.jpg (https://esawiah.com/hosting/files/1thvp39mi7985z87wmcb.jpg)

مخبـّي الأكل لليش ؟!

https://esawiah.com/hosting/files/xobhvae0ddzjeiidfpkw.jpg (https://esawiah.com/hosting/files/xobhvae0ddzjeiidfpkw.jpg)

قال يعني مش عارفين إنـّه في حدا بصوّرهم

https://esawiah.com/hosting/files/db9rj11wkr7tp635687n.jpg (https://esawiah.com/hosting/files/db9rj11wkr7tp635687n.jpg)

و المرّة الجاي , الله يسعدك وصّيلنا على ونش لرفع الكراسي

https://esawiah.com/hosting/files/xs0eyhk2cgohpxe1ubpq.jpg (https://esawiah.com/hosting/files/xs0eyhk2cgohpxe1ubpq.jpg)

ما شاء الله , معلـّم و أنا بقول ليش المخلل هالقد زاكي

https://esawiah.com/hosting/files/lpu60k0g5pem24nshmbk.jpg (https://esawiah.com/hosting/files/lpu60k0g5pem24nshmbk.jpg)

يا عالم فهمنا بتوزعوا , خلصونا بدنا ناكل

https://esawiah.com/hosting/files/0ngx19oppfju9j7hitsz.jpg (https://esawiah.com/hosting/files/0ngx19oppfju9j7hitsz.jpg)

ما يدرى هبّوش إنـّك بتصب اللبن بيعمل عنـّك نشرة غسيل قصدي نشرة أخبار خاصة

https://esawiah.com/hosting/files/d0fgis4x0iapcss8hyhx.jpg (https://esawiah.com/hosting/files/d0fgis4x0iapcss8hyhx.jpg)

هذا لازم يسمـّوا نحلة مش حنظلة , ما شاء الله بتلاقيه في كل مكان

https://esawiah.com/hosting/files/sg7a2y30bi4ditjwbhxd.jpg (https://esawiah.com/hosting/files/sg7a2y30bi4ditjwbhxd.jpg)

كل اللي بتحكوا صح , ولو إنـّي ما بعرف شو هو !

https://esawiah.com/hosting/files/7kgc09lhsqdw620v8yzt.jpg (https://esawiah.com/hosting/files/7kgc09lhsqdw620v8yzt.jpg)

تدريب على السفرجية بالمجان , صحتين

https://esawiah.com/hosting/files/mkjn8zx0ig0d9q2kfn35.jpg (https://esawiah.com/hosting/files/mkjn8zx0ig0d9q2kfn35.jpg)

آها , هالحين حلوّت الشغلة

https://esawiah.com/hosting/files/8hiwb582ohxftla9g6yq.jpg (https://esawiah.com/hosting/files/8hiwb582ohxftla9g6yq.jpg)

شو كمان هذي بدها بروفسور ؟! هههه

https://esawiah.com/hosting/files/3oild5tkzkf1rpqsfrsj.jpg (https://esawiah.com/hosting/files/3oild5tkzkf1rpqsfrsj.jpg)

بالراحة يا شباب على بطونكم , صحيح الأكل بشهـّي بس بطونكم يا عالم , على كل ٍ صحتين و مليووووووووووووووووووووووون عافية

https://esawiah.com/hosting/files/l459bv1mqqc8amvghvmw.jpg (https://esawiah.com/hosting/files/l459bv1mqqc8amvghvmw.jpg)

صاحب النظرات الذبـّاحة

https://esawiah.com/hosting/files/runuoozmvtsec898lykd.jpg (https://esawiah.com/hosting/files/runuoozmvtsec898lykd.jpg)

هلا و ميت مرحب بالشيخ طراد

https://esawiah.com/hosting/files/u6kcr78ba40wguyw9let.jpg (https://esawiah.com/hosting/files/u6kcr78ba40wguyw9let.jpg)

يا رب تديم هالضحكات الحلوة

https://esawiah.com/hosting/files/kr8hhpxueh8nss6i6265.jpg (https://esawiah.com/hosting/files/kr8hhpxueh8nss6i6265.jpg)

https://esawiah.com/hosting/files/5enfnredsb7ksx6mct68.jpg (https://esawiah.com/hosting/files/5enfnredsb7ksx6mct68.jpg)

منورين , كان لازم نطفي الكهربا ما الها عازة

https://esawiah.com/hosting/files/gtsymlnmklnnadcqqa6h.jpg (https://esawiah.com/hosting/files/gtsymlnmklnnadcqqa6h.jpg)

حبيبنا يا شيخ العرب , الكاميرا هون تخافش ما راح نحسد عيونك الحلوين , ما شاء الله عليكم شو هالهيبة

https://esawiah.com/hosting/files/geah1tsmnaws28r0n16i.jpg (https://esawiah.com/hosting/files/geah1tsmnaws28r0n16i.jpg)

يا ترى شو حكيتلهم يا عمي لكل هالضحكات الحلوة ؟ الله يديم الود و الفرحة

https://esawiah.com/hosting/files/6xv12mrkn6xuvugk46kr.jpg (https://esawiah.com/hosting/files/6xv12mrkn6xuvugk46kr.jpg)

ولّعت

https://esawiah.com/hosting/files/5wf8swsolyoy8qghpgii.jpg (https://esawiah.com/hosting/files/5wf8swsolyoy8qghpgii.jpg)

ريته مليار صحة و هنا , بس نفسي أعرف هو بيقول بعقله عقبال محمد و للا عقبال عنده هو !!!!!!!!!!!!!؟؟؟

https://esawiah.com/hosting/files/tfcpx1lyzndzgdjc36jz.jpg (https://esawiah.com/hosting/files/tfcpx1lyzndzgdjc36jz.jpg)
هذا الحليوة محمد بس اللي جنبه ....بشبهني !!!

https://esawiah.com/hosting/files/0l8m22jvlj9xplsun6f3.jpg (https://esawiah.com/hosting/files/0l8m22jvlj9xplsun6f3.jpg)

أكيد يا عمي العز للرز , الله يديم المحبة

https://esawiah.com/hosting/files/9vidjrkq8ksntc3xtnbd.jpg (https://esawiah.com/hosting/files/9vidjrkq8ksntc3xtnbd.jpg)

هذه الصورة عشان اللي ما اجا يعرف شو راح عليه

https://esawiah.com/hosting/files/7jl19dudpjpyedzi16c3.jpg (https://esawiah.com/hosting/files/7jl19dudpjpyedzi16c3.jpg)

تقبـّـّل الله , الحمد لله الكل قلب واحد في الصلاة

https://esawiah.com/hosting/files/6j6q3dup7je9uzo6gjta.jpg (https://esawiah.com/hosting/files/6j6q3dup7je9uzo6gjta.jpg)

https://esawiah.com/hosting/files/marlzxu8mt8y2vzbom3f.jpg (https://esawiah.com/hosting/files/marlzxu8mt8y2vzbom3f.jpg)

https://esawiah.com/hosting/files/y8m71l2yctrabu8akqee.jpg (https://esawiah.com/hosting/files/y8m71l2yctrabu8akqee.jpg)

https://esawiah.com/hosting/files/gkqw3kbolnisgwc16c6h.jpg (https://esawiah.com/hosting/files/gkqw3kbolnisgwc16c6h.jpg)

قعدة حلوة , إن شاء الله دايما ً بالأفراح , بس ما حدا بيعرف شو أبوالنون بسوّي وراهم

https://esawiah.com/hosting/files/jo3myasen7ozia19hfhq.jpg (https://esawiah.com/hosting/files/jo3myasen7ozia19hfhq.jpg)

الهدووووووووووووووووووووء الذي يسبق العاصفة

https://esawiah.com/hosting/files/uj6hwv2vn3sv36ruc69e.jpg (https://esawiah.com/hosting/files/uj6hwv2vn3sv36ruc69e.jpg)

شوو هاذ اللي بإيدك يا اللي بتحب التوت ؟؟

https://esawiah.com/hosting/files/u9852iej3ejtd5y2tvm7.jpg (https://esawiah.com/hosting/files/u9852iej3ejtd5y2tvm7.jpg)

ما قلنا لازم نطفي الكهربا ما حدا بيسمع , ما شاء الله شو هالأنوار

https://esawiah.com/hosting/files/6l0yvdo99p07ub8w2b1q.jpg (https://esawiah.com/hosting/files/6l0yvdo99p07ub8w2b1q.jpg)

https://esawiah.com/hosting/files/rz43xx8dkltvc8hq209b.jpg (https://esawiah.com/hosting/files/rz43xx8dkltvc8hq209b.jpg)

ما بيعرفوا شو بيستنـّاهم

https://esawiah.com/hosting/files/26tdmw5uyzsb782tnu0a.jpg (https://esawiah.com/hosting/files/26tdmw5uyzsb782tnu0a.jpg)

يا عالم ما حدا يفكـّر إنـه هذه وجهنة , المحبّة عمار في القلوب
بس لحظة ! شو هذا اللي يإيدك يا عمـّوه ؟!

https://esawiah.com/hosting/files/ulrigq5zo8sz32266u5k.jpg (https://esawiah.com/hosting/files/ulrigq5zo8sz32266u5k.jpg)

ضحكت هاللي جنبك يا عمـّوه بتخوّف
شو ماله ؟!
شو صاير من ورانا !؟
قال يعني أنا مش عارف
ههههههههههههههههههههههههههههههه

https://esawiah.com/hosting/files/kbz1bwbit9wzuonrn4df.jpg (https://esawiah.com/hosting/files/kbz1bwbit9wzuonrn4df.jpg)

أبوالنون بين المعازيم أكيد دبـّر شي
بس شو هو ؟
إففففففففففففففف بعدين معي لعيت قلب حالي قبلكم

طيّب
إسمعوا
ولا لأ بنفعش , شوفوا او إقرأوا
ابوالنون عمل معاهم فعالية صغيرة
ما بدّي احكي , يا عالم ما بدّي خلص
هووهووهووو
الله يسامحكم
طيّب علشان عيون محمد بقوللكم إنـه
/\

/\

/\

الفيديو بس يجهز إن شاء الله بتعرفوا لحالكم و بدكوش جميلة حدا

سامحونا

بس بجد كثير انبسطنا بهالعزومة بوجود هالوجوه الطيبة
و كنـّا نتمنـّى باقي المعازيم يحضروا
بس معذورين

طوّلت عليكم
أنا آسف
خلص صورة جماعية و بتروحوا

https://esawiah.com/hosting/files/c9ikmtpb4gbfs4nvi9gt.jpg

:36_19_3:
كيييييييييف
؟؟؟؟؟

و الحمد لله تمت على خير و بركات و سعادة

اللهم صل ِ و سلم و بارك على الحبيب سيدنا محمد
و على آله و أصحابه أجمعين

ام زيد

13-09-2009, 11:53 PM

السلام عليكم ورحمة الله وبركاته

يعطيك العافية ابو النون على التقرير الوافي ..

بانتظار الفيديو الذي سيكشف المستور ..

بارك الله فيك عمي ابو كايد على الدعوة ..
ومحمد نخال يستحق كل خير ..

ومن الصور يظهر الترتيب والنظام والاكل الزاكي
يعطيكم العافية وتقبل الله منكم

هدايه

14-09-2009, 12:44 AM

بسم الله الرحمن الرحيم

السلام عليكم ورحمة الله وبركاته

يعطيك الف الف عافيه ابو النون علموضوع الرائع

وجد كان شي بجنن بس بدنا نكشف شو الي مخبه منستنى ههههههههه

سلامو والله بستاهل محمد نخال كل خير

بس يا جماعه مين جلى الجليات ^_*

قاهر الاعداء

14-09-2009, 03:06 AM

السلام عليكم ورحمة الله وبركاته

مبروك الف مبروك يا محمد نخال با لنجاح
تهانينا و تهانى المنتدى كله

و ربنا دائمن يفرحنا في نجاح الطلاب

و إن شاء الله يبقوا مسلمين يعزوا الاسلام و يفرح بيهم رسول الله

يوم القيامة

اما الموضوع جميل كثير حبيت نشارك فى الفرحة

و نحتفل بنجاح معكم

ربنا يوفقهم جميعا يارب

و منتظرين الاخبار الجميلة وبارك الله فيك اخي ابو النون

العيساوي

14-09-2009, 09:17 AM

السلام عليكم ورحمة الله وبركاته

اكلنا
شربنا
وفزنا بجائزة

يعيني اليوم كان تمام التمام

طبعا بنشكر عمنا ابو داوود على العزيمة والجمعة الجميلة فالف الف شكر عمنا
قدمت وما قصرت يعطيك الف عافية

والف مبروك النجاح والف شكر لمحمد نخال على جهده الكبير
وما بننسى ابو النون رجل الاضواء الي بيضع بصمته في كل جمع ويرسم البسمه ويرسل المعلومة ويحرك الافكاء في العقول بطريقة جميله وهادفة الله يوفقك اخي ويعطيك من علمه

واكيد شكرنا للشباب الي ما قصروا خصوصا واني قدرت احصل على صحنين من الرز بالواسطه :)

تحياتي

سفير الأقصى

14-09-2009, 01:11 PM

الله يعطيك الف الف الف مليون مليار عافية يا أبو النون ويالله بنستنا بالفيديوووو

محمد هيثم

14-09-2009, 04:33 PM

BuTTerFly

14-09-2009, 07:03 PM

مبين الاكل كان زاكي كتيييير

شـكــ وبارك الله فيك ـــرا لك ...
لك مني أجمل تحية .

عقاب

14-09-2009, 11:56 PM

السلام عليكم ورحمة الله وبركاته

في البداية بشكر أبو كايد على الافطار الشهي وعلى الجمعة الحلوى

للمشرفين والأعضاء وكذلك بعض الشخصيات من البلد فكل الاحترام والتقدير

لشيخ المنتدى العم أبو كايد ودمت لنا ذخراً

وطبعاً مبروك لنخال النجاح والامانة نخال شاب يستحق كل خير وهو من

زينة الشباب وأكيد نتمى له النجاح الدائم ان شاء الله

والشكر واصل للمشرف المتألق الأخ العزيز أبو النون على تميزه وحضوره القوي

وجزاك الله كل خير يا أبو النون

وفي النهاية بشكر كل من حضر للافطار وساعد فيه وان شاء يا أبو كايد عقبال ما

ناكل ونجتمع في نجاح الشباب وفرحتهم والله يحفظلك اياهم .

هدايه

15-09-2009, 08:23 AM

يعني يا ابو النون ضرور فضايح؟؟؟؟؟؟؟؟؟
هههههههههه
يعطيك العافيه غلبناك معنا ... بس اكلت 3 صحون رز خخخخخخ

هذايه الجليات دورنا على صابون نجليهم تحت الطاولات في الخزاين بين الكتب ما لاقينا
وبكل بساطه حكينا (اجت منك ما اجت منا)ههههههه

عمي ابو داوود سلم ايديك على الفطور الرائع والله كان مناسبه كتير رائعه وجمعه اروع

ومشاريع ابو القلم وما يسطرون ما شاء الله ما راح تنتهي ,, افكار روعه ابو النون

محمد هيثم يلا يعني هلمرا ما حدا جلى

هههههههههههههه انبسطو عليها عشان ما لقيتو طيب خلتوهم من دون جلي الا يكونو انجلو مين جلاهم هههههه

بطريقه او باخرى انجلى الجلي صح الله يعين الي جلاه ههههههه

ابو كايد

15-09-2009, 11:53 AM

ام زيد[/color];510612]السلام عليكم ورحمة الله وبركاته
يعطيك العافية ابو النون على التقرير الوافي ..
بانتظار الفيديو الذي سيكشف المستور ..
بارك الله فيك عمي ابو كايد على الدعوة ..
ومحمد نخال يستحق كل خير ..
ومن الصور يظهر الترتيب والنظام والاكل الزاكي
يعطيكم العافية وتقبل الله منكم

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

دمتم جميعاً بود ومحبة لوجهه الكريم
البركة في الشباب جهودهم جبارة
نشاطهم كان فعال وإيجابي بارك الله فيهم

الشكر والتقدير للعيساوي وأبو النون
ونخال وخيّال البلد ومحمد هيثم وكل المشرفين والأعضاء
وعلى رأس الهرم أم زيد خيركم السابق فوالله ما قصرتوا
وما بنسى العم طراد شيخ العرب أبو معاذ
وأولاده معاذ و معتصم
وأولاد أخيه " أبو داود " داود و علي و أمين
لما بذلوه من جهود خيرة

أبو النون دبنامو الفعالية ونوارتها مشكور
ونخال ومحمد هيثم عملوا شغلهم
والله يسترنا شو صورا
وبننتظر الفيديو والكاميرا الخفية

وأكيد جميع من حضر تولى مَهَمَّةً وأتقنها
تنظيف ترتيب تحضير تعاون وبهدوء تام
وتصوير س ج ونكت فكاهية
وصلاة جماعة والحمد لله...ألخ

الصحيح "الصيت لـِ أبي زيد
والفعل لـ ِ ذياب "؟

أم كايد هههههه بل أم داود بتستحق كل خير
أنتم هيك ورطوني مع أم داود لما شافت الصور والتعليقات عليها
وبهيك أم داود طلعت من المولَد بلا حمص ..ألله يجزيها كل خير

وكنكم نسيتوا المثل إللي بيقول :..ما بيجيبها إلا نسوانها
صلحولنا الوضع معاها بلاش توخذ فينا تأبيدة ههههه

قدر الله أن يتغيب نصف المدعوين تقريباً لظروف خاصة
كنا نرغب تواجدهم وتشريفهم والخير في الجايات

=========================
أكيد المشرفات وأمهات الأسرى وأخواتهم
لهن دعوة مميزة لاحقاً
حيث أن ظروف شهر رمضان المبارك تحد من تفعيل هذه الدعوة
والترتيبات ستتولاها في حينه أم زيد مشكورة
بعد عيد الفطر بعون الله
=========================
بشكر كل من قام برد
وبالنسبة للجلي الصحيح الخطة أن لا نكلف أحد بجهد إضافي
يكفينا حضورهم وتعلمكم دورة سفرجي وتنظيف

محسوبكم نظف الجليات ورتبها
وأم كايد ليفتها وشطفتها

بوركتم وفقكم الله وسدد خطاكم

تقبل الله طاعاتكم وسدد خطاكم
وأطلب من الله أن يتقبل منا ومنكم
وأن تكون خالصة لوجهه الكريم

موفقين بإذنه تعالى
ولك مني أجمل تحية .
ويحزيكم الله عنا كل خير

محمد هيثم

15-09-2009, 06:05 PM

يعطيك العافيه عمي ابو داوود
والله كانت افطار من ارع الافطارات التي انعزمت عليها خلال شهر الرحمه

والله يبارك بأمنا وعمتنا وخالتنا (ام داوود) والله نشكرها من اعماق قلبنا على الطبخه التي لا يصفها الواصفون

ويعطيكم العافيه على جلي الجليات بس اكيدما تعبت يعني الشباب قامو بالواجب والصحون البلاستك الله يخليلنا الصين ام الاختراعات

هههههههه

نلقاكم قريبا ان شاء الله ... السلام عليكم

همسة الاحساس

15-09-2009, 06:09 PM

هع... اعرفت ايش هوي السبب طلع من شان التوجيهي ههه

أكيد انبسطتو بهاللمة (المميزة)

والإفطار باين انه حلو وع (الأصول) من الصور

بس أكيد يمكن كل واحد فيكم هناك صار يحكي ويونون في عقله انه يا ريته لو هو محمد نخال ليكون الإفطار على شرفه ههههههههههههههه :spiteful:

مشكور أبو النون ومشكور أبو كايد
ومبروك محمد نخال (بس بعرفش على شو هههههه)

تحياتي
همسة الاحساس:victory:

محمد نخال

15-09-2009, 10:00 PM

ساعة صمت !

ابحث عن حروفي لأعبر عن مدى سعادتي .. فأعجز

عم أبو داوود والخالة ام داوود ، اعتذر جداً ، فلقد خذلتني كلماتي ، لم أجد ما يليق لشكركم

عم ابو كايد الله يجزيك الخير يا رب ، كانت جمعة مميزة بوجود تلك الشخصيات الراائعة ، وان شاء الله دائماً نجتمع على الخير والمحبة ،ولا أنسى ما وعدتني به مقابل نجاحي ، وها هو المقابل جاء أكثر مما أستحق ، وربنا يكرمك وتعزمنا مرات ومرات والمناسبة نجاح أولادك وفرحة ابنك البكر زينة الشباب داوود .

خالتي ام داوود حصلنا على شرف تذوق الطعام من تحت يديكِ الكريمتين ، سلمت يمناكِ فلقد قدّمتي لنا من الطعام ما لذَّ وطاب ، ولا ننسى صراحة مخلل الباذنجان الغزاوي من صنع العيساوي "ابي كايد" الذي سار مفعوله حتى على الغزازوة أنفسهم .. (ولا شو يا غزاوي في البلد ههههه)

ولصاحب الظهور المميز والطلة البهية كل الإحترام والتقدير على ما يقدمه دوماً في جميع المحافل سواء بميعاد او دون ميعاد ، حاز على إهتمام الحضور وقدم لنا فعالية رائعة كروعته ، لفتت أنظار الجميع بل وشاركوا بها بشغف فرسم البسمة على وجوهنا و ............ لن اتكلم أكثر من ذلك .. !
فموعدكم مع الفيديو الذي سأعرضه قريباً في هذا الموضوع من خلال ردي القادم ... ترقبوه ^_*
وأعتقد لا داعي بان أخبركم عن من اتكلم .!

أما ما قرأته من كلامٍ جميل من أناس أجمل ، فلا أدري صراحةً ما أقول :;3:.. شكراً جزيلا لكم

وختامي أن دعوتي لأن تظل المحبة والتكافل عنواناً نسطره يومياً في حياتنا

بارك الله فيكم وجزاكم الله كل خير

إحترامي

ثائر ابو لبدة

16-09-2009, 12:11 AM

الله يديم المحبة و المودة ..

و إن شاء الله يا عمي أبو كايد إيدك ما بتكون طايلة إلا للخير ..

و جمع هالوجوه الطيبة ..

العقبى لك بفرحتك بداوود , الله يطول عمرك و يعطيك الصحة و العافية ..

و محمد نخال ..

تستحق كل خير , و منها للأعلى يا رب ..

كل عام و أنتم بخير ..

تحياتي الكم والله يوفق الجميع .

قصر المحبة

16-09-2009, 05:17 AM

دعوة كانت لا على البال ولا على الخاطر

نسجت خيوط الأمل والتواصل وقربت القلوب

جمعت أناس أحبة وأناس رائعون على مائدة واحدة

مائدة متواضعة لرب العالمين

خالصة لإفطار الصائمين

جمعت كبير السن والشاب جمعت الرجال والصبيان
توحدت اسمائنا وألواننا وجنسياتنا وتوجهاتنا تحت عنوان رمضان
على مائدة من موائد الرحمان

تقول الأميرة شهرزاد للملك شهريار الحكيم
بلغني أيها الملك الرشيد ذو العقل السديد
أنه منذ ألف ليلة أو يزيد وصلني خبر سعيد
بقلوب كالعسل المفيد أقوى من الحديد
تجمعو على مائدة طعام جديد

فما كان من الملك أبو داوود والأميرة أم داوود الا أن أتحفوهم
بلذيذ الطعام وجميل القوام وحسن الختام ( الحلو يعني )
فخرج الجمع وأنقشعو والبسمة على وجوههم تبدو

فأهلا بكل من حضر وزار
وللعم أو داود الشكر على حسن الأختيار

خيّال البلد

18-09-2009, 02:41 PM

ابو كايد

18-09-2009, 05:59 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

التحية والتقدير لكل من قام بالرد

أكيد زيدنا خيّال البلد " أوحشنا بعدم تمكنه من الحضور
نلمس له الأعذار هو ومن لم يحضر
وخيرها في غيرها
محمد هيثم
والله كان افطار من اروع الافطارات التي
انعزمت عليها خلال شهر الرحمه

عزيزي محمد هيثم الظاهر أنت مش حاضر عزومة المنتدى الأولى
بشكرك على هذا التعبير هذا بفضل الله وهمتكم وفعالية نوارتنا أبو النون

الصحيح مقلوبة خالتك أم زيد بالنسبة لي كانت مميزة
وخاصة فيها باذنجان وأكيد أنت ما تذوقتها وراحت عليك
وأنا بفضل المقلوبة والمنسف والمعكرونة مع البقدونسية والهش والنش
وأوزي أم داود ممتازة من شان ما تزعل علينا
شو بدنا نسوي لازم نداري وقتنا معاها آخر هالعمر
ههههههه وأكيد محسوبكم ما بيكره إلا الصحن الفاضي

همسة الاحساس
بس أكيد يمكن كل واحد فيكم هناك صار يحكي ويونون في عقله انه
يا ريته لو هو محمد نخال ليكون الإفطار على شرفه ههههه

الدعوة كانت العام الفائت من شهر رمضان
العزومة قديمة جديدة لمدير ومشرفي و عدد من أعضاء منتدانا الموقر
وعلى شرفهم جميع بس محمد نخال موضوع هذه الدعوة
تقديراً لجهوده المميزة وإكراماً لأهل غزة هاشم
والغزازوة في البلد لأنهم على وزن عساسوة
وإن هم " غزيين " وكمان أم داود أصلها غزاوي " غَزِيَّة "

محمد نخال
ولا أنسى ما وعدتني به مقابل نجاحي ، وها هو المقابل
جاء أكثر مما أستحق ، وربنا يكرمك وتعزمنا مرات ومرات
والمناسبة نجاح أولادك وفرحة ابنك البكر زينة الشباب داوود

بدون مجاملةأنت بتعرف شو كانت الخطة
هش ونش مميز تحت الخروبة
فلم نوفق وحولناها لكرم الويز "التلة الفرنسية "
فلم يسمحوا للغيرنا عمل هش ونش

الله يجزي شيخنا أبو معمر كل خير
الذي إستضافنا في الديوانية

أنت والله تستحق أكثر من هذا كله
وأكيد بعد العيد ستكون مفاجأة للجميع مع شيخ العرب شيخنا طراد
هش ونش مميز وعلى حسابي وفي الهواء الطلق
وكل شيء في وقته حلو

محمد نخال
.ولا ننسى صراحة مخلل الباذنجان الغزاوي
من صنع العيساوي "ابي كايد"
الذي سار مفعوله حتى على الغزازوة أنفسهم

صح 100% الباذنجان مميز وأكيد رايح أعمل مخلل من جديد
ونعظي لأم زيد مرتبان كبير بعد العيد من شان تصوره وتحطوا في المنتدى
وإنتوا بس شمو ولا تذوقوا ههههههههههه
وبهيك بنشوف حكمها عليه
كيف لا وهي طاهية ماهرة وإحنا بنتابع مطبخها في المنتدى
وأكلاتها المصورة الشهية
وصدقوني إعملنا خلطتها للقظايف
وكانت ممتازة ولذيذة من أول مرة

ابو وديع
عقبال بفرحتك بداوود , الله يطول عمرك
و يعطيك الصحة و العافية ..

تسلم تراها قربت بس ربنا يعطينا الصحة وطولت العمر
لازم نعمل فيها فعالية مميزة للأطفال مع هدايا رمزية لكل طفل الله يقدرنا
الصحيح 2 صبايا خطبوا داود مني بالتصريح وأخرى بالتلميح وأنا والله صادق
س داود الظاهر مدبر حالوا وناوي السنة الجاية
تراه حضر مع عمه أبو سليمان وأخوته
خيمة 18متر في 10 متر بدون أعمدة وجهز أكثر من 150 كرسي
وأكيد شفتوها في عرس عاصم درويش قرب مستشفى هداسا

بعون الله بعد العيد بجهز باقي العدة وبيصلح الدار
وأكيد بنعزمكم في الصيفية الجاية إن شاء الله
وغقبال عن العزابية وعند.......!!!!!!!!
أكيد أنا مش قدها ههههه

قصر المحبة

فخرج الجمع وأنقشعو والبسمة على وجوههم تبدو
فأهلا بكل من حضر وزار
وللعم أبو داود الشكر على حسن الأختيار

لا أدري المحبةمن الله هذا ما لمسته وصرح لي به الجميع
وهذا ما كنت أهدف إليه سعادة الجميع
لا تنسى عدد منهم من تلامذتي في روضة أحد الإسلامية
الصحيح لم ينقشعوا فصورتهم في الذاكرة مثبتة
وبشكر العيساوي مؤسس منتديات العيسوية والذي شرفنا بحضوره

وأكيد أبو النون وإللي كان ينطنط بناتنا مثل الغزال المصور محمد هيثم
وكمان محمد نخال كانت له حركات مميزة في التصوير
وخاصة لما زبط الكاميرا للصورة الجماعية
وجاءنا يركض مثل السبع ليجلس بجانبنا في الصورة الجماعية
والله أعلم شو عملوا فينا مقلب بالفيديو ................ألله يسترنا
ننتظر الفيديو وإحنا على أعصابنا

إلى حد ما ضقت ذرعاً لعدم حضور الجميع ولكن كانت لهم ظروف
فيوم السبت حال من إمكانية تلبية جميع المدعوين بحكم عندهم عزائم
والخير في الجايات واختيارنا لمحمد نخال لأن تكون على شرفه
أمر يقدره الجميع ويستحق هذا هو وزيد وعبيد وحسن وحسين
وفي الحتام قبل نصف ساعة من الإفطار واجهتنا
مشاكل إدارية قهرية حالت من حضوري مبكراً للديواتية
مما لم يمكنني من ‘إستقبال الجميع كما كنت مخططاً لذلك
وأكيد الخيرة في الشباب قاموا بالواجب

يجزيكم الله عنا كل حير
موفقين بإذن الله ... ولكم مني أجمل تحية .

ابو كايد

18-09-2009, 11:23 PM

السلام عليكم ورحمة الله وبركاته

ما شاء الله عنكم .. الله يجزيكم كل خير ..

الشباب منورين .. والجمعة حلوة ..
بشكر عمي ابو داوود على هذا الافطار الجميل .. وبنشكر الخالة ام داوود على تعبها ..

الله يجزيها كل خير ان شاء الله ...

ومحمد نخال بستاهل اكثر والله ...

وانا بعذر لاني م قدرت اجي .. لاسباب حكيتلكم اياها مسبقا ...

سامحوني ..

والله يعطيكم الف عافية ..
مع التقدير والاحترام

اخوكم
خيّال البلد

بسم الله الرحمن الرحيم
السلام عليكم ورحمة الله وبركاته
تسلم يا زيدنا أنت في الذاكرة
لا تثريب عليك وعذرك مقبول

وتحية خاصة من أم داود لجميع الشباب وصحتين وعافية
والصبايا كمان إلهن حفلة مميزة ستكون مفاجأة إلهن بعد العيد
بعون الله بمناسبة عزيزة عليها

محمد نخال

20-09-2009, 01:56 AM

السلام عليكم

حان وقت الفيديو الموعود ...

ستشاهدون فيه فعالية شيّقة قدمها لنا مشرفنا المميز ابو النون ، حيث جاءت في وقتها بعد وجبة دسمة قدمها لنا العم أبو داوود "ابو كايد" بأيدي الخالة ام داوود

اتمنى لكم مشاهدة ممتعة .... وعذراً على التأخير

منتديات العيساوية في ضيافة العم ابو كايد جزء 1 (http://www.youtube.com/watch?v=d-HzejAJiA8)

منتديات العيساوية في ضيافة العم ابو كايد جزء 2 (http://www.youtube.com/watch?v=bVjiMMFxgU8)

منتديات العيساوية في ضيافة العم ابو كايد جزء 3 (http://www.youtube.com/watch?v=KWJuNKkEvRQ)

إحترااامي

هدايه

20-09-2009, 02:24 AM

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

اخي محمد نخال

يعطيك الف الف عافيه يا رب على الفيديوهات بجد روعه

يعني عنجد عنجد كأني موجوده بينكم ههههههه وبضحك معكم وكلشي جد

اشي حلو كان موجود والفعاليات حلوه والبطيحه حلوه والخاء محل الحاء والحاء محل الخاء ههههه بردو حلوه

يعني كل هلاشياء الي شفتها بتجنن

يعطيك الف عافيه يا رب وان شاء الله دايما ملمومين هيك على الفرحه وتكون دايما الجمعه هيك ضحك ولعب

كل عام وانت بخير

والجميع ايضا كل عام وهم بخير

أبوالنون

20-09-2009, 09:31 AM

بسم الله الرحمن الرحيم
السلام عليكم و رحمة الله و بركاته

تجمعنا
أفطرنا
تسلينا
ضحكنا
و لم ننسى

.: اليتيم :.

نسأل الله أن يفرّح يتامى المسلمين في كل مكان

جزاكم الله كل خير
اللهم صل ِ و سلـّم و بارك على الحبيب سيدنا محمد
و على آله و أصحابه أجمعين

محمد هيثم

20-09-2009, 09:58 AM

وعليكم السلام ورحمة الله وبركاته
بسم الله الرحمن الرحيم
يعطيك العافيه ابو النون ... تسليه حلوه مشكوووووووور
محمد نخال الله لا يحرمنا منك يارب ومبااارك النجاح مره تانيه
عمي ابو كايد الله يخليلنا اياك فوق راسنا ويحفظك يارب
العيساوي ... مبارك الجاائزه هههههههه

شباب المنتدى يعطيكم العافيه وتذكروا ابو النون بدوووووووووون ميعااااااااد
ههههههههههه

قصر المحبة

20-09-2009, 10:04 PM

يسلمو محمد نخال على أنزال الفيديو

عنجد أجواء الأفطار عكستها وفضحتنا وأحنا بناكل
ههههههههههه

مشكور ويسلمو دياتك

وأنت يا أبو التوت

بتبعت الرساله عشان الفيديو وكاتب فيها عيد ميلاد حدا بآخر يوم برمضان

وأنا كمان كان عيد ميلادي آخر يوم برمضان

ولا التهنئات لناس وناس

الله يسامحك بس الله يسامحك

أبوالنون

20-09-2009, 10:30 PM

وأنت يا أبو النون

بتبعت الرساله عشان الفيديو وكاتب فيها عيد ميلاد حدا بآخر يوم برمضان

وأنا كمان كان عيد ميلادي آخر يوم برمضان

ولا التهنئات لناس وناس

الله يسامحك بس الله يسامحك
بسم الله الرحمن الرحيم
السلام عليكم و رحمة الله و بركاته

شكرا ً على الدعاء بأن يسامحني الله
مهمـّتك الجديدة أن تدعوَ لي بأن يسامحني الله 10 مرات فإن أحسست أن ذلك كثير فأكتفي بـِ 100 مرة و لكن لا تطلب مني أن أتنازل عن 1000 مرّة
لكن لأنك تحب التوت فسأتسامح معك هذه المرّة و أطلب أن تدعوَ لي فقط مليون مرّة
أمـّا كون تاريخ ميلادك أمس فمن ناحية كل عام و أنت بخير
و من ناحية ثانية فضحتَ نفسك يا مسكين و أنت لا تدري بأنك لم تسجـّل تاريخ ميلادك الحقيقي يا عزيزي *_^ و إلا لكان ظهر مثلما ظهر لغيرك يا بابا في الوقت الصحيح
كيف أنا معك هههههههههههههه
هديّة مني لك
اللهم اغفر لأخي زلـّته هذه و كل زلـّة
و لا توقعه بين أسناني مرّة أخرى

اللهم صل ِ و سلـّم و بارك على الحبيب سيدنا محمد
و على آله و أصحابه أجمعين

قصر المحبة

21-09-2009, 10:59 PM

الله يمسيك بالخير

وانت بالف خير يا رب

يسلموو

بس تصحيح لكلامك انا جبت هالصوره

وبدي رأيك فيهااااااااااا

http://www12.0zz0.com/2009/09/21/19/478652886.jpg (http://www12.0zz0.com/2009/09/21/19/478652886.jpg)

ابن فلسطين جيفارا

22-09-2009, 10:04 PM

الله اوفقك يا رب
يا محمد
جيفارا القدس
ابن الديمقراطيه