|
رد: مسلسل : الوجه الأخر
السلام عليكم ورحمة الله وبركاته
يعطيك الف عافية اخوي ابو النون سيناريوهات جميلة جدا وحقا وجهان مختلفان لمشكلة واحده والحل اتفضل اختار والعاقل بيوصل للصح تحيه لاهل دار عجيب كلهم |
رد: مسلسل : الوجه الأخر
والله يا ابو النون كل حكايه احلااااااا من التانيه لك كل الاحترام والتقدير خييي ابو النون بس انا بستنى شو بدو يصير بهالعجيب
|
رد: مسلسل : الوجه الأخر
بسم الله الرحمن الرحيم
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اخي ابو النون يعطيك العافيه فعلا وجميل جدا ومفيد هذه الحلقات التي تقوم بعرضها علينا وما اجمل اختيارك لوجه ابو عجيب الوجه الرائع من الناحيه الايجابيه يعطيك العافيه فعلا تقبل مروري واحترامي |
رد: مسلسل : الوجه الأخر
بسم الله الرحمن الرحيم
وعليكم السلام ورحمة الله وبركاته اخى ابو النون حلقاتك راقيه وحساسة للتمعن والتفكر والابحار فى الروح الانسانية التى تكون ظاهرة للعيان و فى نفس الوقت مخبئة فى الحنايا والخبايا كل شىء فى الدنيا له و جهين متناقضين حتى عند اغلب الناس يكون له وجهان اللهم عافنا كوجه ابو عجيب وعائلته الذى هو من وحى حياتنا اليومية ان كتاباتك وحلقاتك لا جدال فى انها رائعة ومفيدة لا بعد الحدود لمن يعى ذالك |
رد: مسلسل : الوجه الأخر
[align=center]الله يعطيك العافيه أخي ابو النون .....
مزيد من التقدم الله يوفقك مسلسل رائع أمتعتنا فيه برمضان...... تحياتي........[/align] |
رد: مسلسل : الوجه الأخر
حلقات رائعه تسلم لنا يا ابو النون ويسلم قلمك المبدع دائما وحضورك المتألق كل تحيه واحترام
|
رد: مسلسل : الوجه الأخر
بسم الله الرحمن الرحيم
السلام عليكم ورحمة الله وبركاته خيي ابو النون من ابداع الى ابداع وتميز بوركت خيي على مجهودك مزيدا من التقدم والنجاح .... |
رد: مسلسل : الوجه الأخر
عمو أبو النون جزالك الله كل الخير على هذا العرض
لهذه الحلقات وبشكل رائع اتمنى لك المزيد من التقدم وبأنتظار كل جديد ومفيد لديك أحترامي |
رد: مسلسل : الوجه الأخر
السلام عليكم ورحمة الله وبركاته
مسى الخير اشتقتلكم والله بس كان في عنا خلل بالنت واخيرا صلحوه بصراحة يا ابو النون كل حلقة احلى من التانية وكل يوم بتبدع اكتر من يلي قبلو بس لما اقرأ حلقاتك بيعجبني الوجه الايجابي بابو عجيب كتيرر بس بفكر كتير وبقول لو كل الناس متل ابو عجيب بس بالوجه الايجابي كان كل الناس بألف خير ونعمة ولما اقرا الوجه السلبي بابو عجيب بضحك كتير لانو في كتير من هالوجه عنا ههههههههههههههه احترامي للجميع اختكم الفراشة |
الحلقة الثانية عشر : الوجه الأخر
بسم الله الرحمن الرحيم السلام عليكم و رحمة الله و بركاته الحلقة الثانية عشر أبو عجيب : شو هالصباح المعفـّن ! ليش هالمخفي أبو غريب بيمشي وين سيـّارته , بس ما يوقـّفني و يركب معي إف ما بينفع , قردين بكيس بنصير فغيص خلـّيني أعمل حالي مش شايفه و أنفد بجلدي منـّه و من لساني أصلا ً أنا و هو لساناتنا ما أسخم من جدّي إلا جدتي و بالفعل يستطيع أبو عجيب التهرّب من أبي غريب و عندما يصل إلى عمله أبو عجيب : صباح السَعـَدين على الناس المليانين أبو مـُريب ( زميل أبي عجيب في العمل ) : الله لا يجيب الغلا , وين يا سيّد شمسك عالية كثير اليوم , روح تلقّى وعدك المدير بدّه ايـّاك أبو عجيب : مسكين يا أبو عجيب هربت من الشتا للمزاريب خلصت من المخفي أجاني المضوي و هي الخالص أبو تعـّيب زيادة البيـّاع أبو تعـّيب : ما تكثـّر حكي فاضي بكفي منظرك مثل القرد اللي رايح عالقاضي و روح تلقـّى قضاك المدير ألف مرّة إلا مرّة سأل عنـّك أبو عجيب : و ليش إلا مرّة !؟ أبو تعـّيب : عشان ما يحطـّوك بكتاب جينيس لأني مرشح فيه لشي ثاني أبو مـُريب : و شو الشي الثاني يا عيون سعداني ؟ أبو تعـّيب : الرقم القياسي في ثقالة الدّم و وساخة اللسان و إلك يا روح قطة جيرانـّا الجربانة برشحك للرقم القياسي في حشر الأنف , ما بكفي مرشّح روح حل عنـّا الوجه الآخر أبو عجيب : الله الله , الحمد لله حسنات بتمشي على الأرض خير يا جارنا العزيز ؟ ليش ماشي وين سيـّارتك !؟ أبو غريب : الله يسعد هالصباح , هلا بجار الرضا , سيارتي عند الميكانيكي و اليوم بعد الظهر رايح أخذها أبو عجيب : شو بتستنّا ؟ بسرعة تفـضـّل اركب و عندما وصل أبو عجيب إلى العمل أبو عجيب : صباح فتـّاح , أسعد الله أوقاتكم و بنور الإيمان أنار حياتكم أبو مـُريب : الله ما يحرمنا هالصباح النـّدي , خير إن شاء الله ليش تأخـّرت ؟ مش عادتك ! أبو عجيب : خلـّيها مستورة , الله يعينـّا إسأل أبو ديع بقول لك أبو مـُريب : مين أبو وديع !؟ أبو عجيب : له يا رجل هو في حد في البلد ما بيعرف مين أبو وديع !!! هيك بتزعـّلني منـّك ! أبو مـُريب : إن شاء الله ما بصير أي زعل أبو عجيب : أهلا ً بحبيبنا أبو تعـّيب أبو تعـّيب : صباحك معطـّر و بنور الحبيب المصطفى عليه السلام منوّر , أخي أبو عجيب لو سمحت المدير بدّه ايـّاك انا قلت له إنـّك على الطريق و بالعادة ما بتتأخـّر أبو عجيب : تسلم و عندما عاد أبو عجيب من العمل و أثناء قيادته للسيارة اكتشف أن أحد العجلات به ثقب و قد فرغ من الهواء أبو عجيب : الحمد لله الذي لا يـُحمد على مكروه سواه , الله يبارك لك يا أبو العجلات أجتك رزقة أبو غريب : السلام عليكم , شو يا أبو الحبايب مال السيـّارة ؟ أبو عجيب : مثل ما انت شايف يا طيّب , المشكلة إنـّي نسيت مفتاح العجلات في الدار أبو غريب : خلـّي عنـّك أنا بسوّيه أبو عجيب : بس إذا بتتكرّم تعطيني المفتاح من عندك و أنا بسوّيه , بدّيش أغلبك أبو غريب : لا و الله ما حد بسوّيه إلا أنا , غلبـَتـَك راحة , بدنا خدمة تحرز اللهم صل ِ و سلم و بارك على الحبيب سيدنا محمد وعلى آله و أصحابه أجمعين |
| الساعة الآن 09:27 AM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author