|
اكذب و استر نفسك ; ... أو ; اصدق و افضح نفسك !!!
يـسـعـد صـبـاحـكـمـ / مسـاكـمـ
كيفكم شباب وصباياا طبعا موضوعي واضح من عنوانه جميعنا نتعرض لمواقف يمكن نضطر فيها للكذب (لمداراة ) الفضيحة ولكن البعض يرفض هذا المبدأ ويصرّ على قول الحقيقة نفترض إنك انت انسان عندك ذنب معين - و جلّ من ليس له ذنب - نفترض مثلا ً إن الذنب هذا هو التدخين .. و سألك أحدهم : أتدخن ؟ و قبل ما تجاوب ينادي داخلك رأي يقولك : لا تفضح نفسك أستر نفسك طالما ربك ساتر عليك و الرسول عليه افضل الصلاة و السلام قال : "كل أمتي معافى إلا المجاهرين" .. ليرد ذاك الصوت في الجانب الآخر ناصحا ً إياك : انت انسان طيب و عيب أنك تكذب هل سـتـكذب لـتسـتر نفســك ؟ أم ستصدق وتـفضـح نفســك ؟ وبانتظار آرائكمـ |
مشاركة: " اكذب و استر نفسك " ... أو " اصدق و افضح نفسك "
موضوعك حبيبتي ساندرا كتيير حلو
اول شي .. انا ازا توجهلي سؤال من هالنوع يمكن اكزب لأنو بدي احمي حالي .. مع انو انا بكون عارفه انو انا غلطت بس بحاول اصحح غلطتي .. وأرجع احكي الصراحه .. انا صارت معي وكزبت ما بنكر .. ( بس مش نفس السؤال ) ورجعت صلحت غلطتي ^_^ وبتمنى انو اسمع رأيك .. بهمني ( انا رديت ع الموضوع من دون ما اكزب ) تحياتيــ ... |
مشاركة: " اكذب و استر نفسك " ... أو " اصدق و افضح نفسك "
ريان
اولا اختي اعجبني موقفك ، يعني صحيح انه كان خاطئ في البداية بس رجعتي وصححتيه اما انا عن نفسي ، ما بنكر اني احتمال كبير اكزب حتى احمي حالي من العقوبة بس كمان اذا كان الي عملته راح يأثر بشكل سلبي على غيري ويخليه يتحمل نتيجة أخطائي طبعا وقتها بيختلف الوضع بيصير واااجب عليي احكي الصدق لو شو ما صار هاد رأيي وبانتظار باقي الآراء .. |
مشاركة: " اكذب و استر نفسك " ... أو " اصدق و افضح نفسك "
موضوعك بجد حلو وبدو صراحة
بس انا ما بقدر أعطيكي الجواب الأأكيد لأنو على هوا المشكلة يمكن اكزب ويمكن احكي الصدق بس بفضل أبين على حقيقتي ولا أخلي الناس تنخدع فيني وأعيش بوجهين تحياتي الك : مغرمة القمر |
مشاركة: " اكذب و استر نفسك " ... أو " اصدق و افضح نفسك "
مشكورة اختي ساندار على موضوعك
وسؤالك الحلو انا مش دايما بفضل الكزب لانو اذا الواحد تعود عليه بتصير كل حياتو كزب في كزب بس اذا حدا سألني سؤال انا عارف اذا جوبت عليه راح يعملي فضيحة بكزب وبحاول اصحح هاد الاشي لاني انا كزبت لاني عارفة انو هاد الاشي في حياتي غلط تقبيل رأي ومروي تحياتي ஜღSaLLyஜღ |
مشاركة: " اكذب و استر نفسك " ... أو " اصدق و افضح نفسك "
بصراحه بصراحه بصراحه
اول شي انا بدي اغير المثال لاني بحبش الدخان ممكن اكزب عشان أنجي حالي المهم انو بكزبي ما بأثر ع غيري او ما بسوي مصايب لغيري وممكن بعد مده ارجع أصلح كزبتي يعني كزبه مؤقته يسلمو ساندرا والله الموضوع حلو وصحبيتو أحلى |
مشاركة: " اكذب و استر نفسك " ... أو " اصدق و افضح نفسك "
ساندرا سؤال حلو
والذكي فقط الي بيقدر يمرق من موقف معين بخطة ذكية ممكن اذا سؤلت السؤال وانا فعلن أُدخن راح اقول: لاء شو ادخن؟؟ انا هلحين بدي ادخن ؟؟ والله لاء..! (هلحين يعني بالوقت الحالي وقدام عيونكم ) س: هل أُعتبر كاذبة في نظرك ؟؟ ام صريحة ؟؟ بانتظار اجابتك ساندرا انا لو وضعت بهاد الموقف( لا سمح الله) في هاي الطريقة بعمل كل انسان بوقف وقفة مع نفسه وبيصحح غلطو وبعد شك الاهل فيّ وبعد حلفاني راح اضل تحت المراقبة راح اثبت اني ما بدخن وابتعد عن التدخين بهاي الطريقة ما باكل بهدلة ... ولا بتبهدل وبرجع للتدخين |
مشاركة: " اكذب و استر نفسك " ... أو " اصدق و افضح نفسك "
اقتباس:
الاحلى هو ردك اختي اعجبني موقفك يعني بتصور انك ممكن ما تقولي الصدق بس ما بتحبي العالم تشوفك بوجه او شخصية غير شخصيتك الاصلية اشكر لكِ مرورك على صفحتي دمتي بكل ود .. |
مشاركة: " اكذب و استر نفسك " ... أو " اصدق و افضح نفسك "
اقتباس:
كلامك صح مية بالمية اختي الكذب الزائد عن حده ممكن يوصل بالانسان الى حد الادمان وما يستغني عنه بأي موقف بحياته شكرا ع مرورك سالي دمتي بكل خير .. |
مشاركة: " اكذب و استر نفسك " ... أو " اصدق و افضح نفسك "
اقتباس:
ردة فعل بتستحق كل احترام بجد لانه محاولة مداراة الكذبة توقفت عند التعدي على حقوق الغير عيونك الحلوين ندوو شكرا ع مرورك .. |
مشاركة: " اكذب و استر نفسك " ... أو " اصدق و افضح نفسك "
اقتباس:
بهاي الحالة ان كنت انا من ضمن الاشخاص الي حلفتي امامهم انك ما بتدخني فـ ما راح اعتبرك صريحة ولا كاذبة لاني ما بقدر احكم عليكي بانك مذنبه او انك بتحكي الصدق لانه ما ثبت اي شي يبين عكس الي بتحكي . وان كنتي فعلا مذنبة وحلفتي على العكس فـ ما بتردد لحظة باني اقول انك (مو صريحة ) ، حتى لو الكل اقتنع مية بالمية انك بريئة من الي اتهموكي فيه . اما طريقة اثبات البراءة امام الاهل ومن وراهم بتعملي الي بدك اياه فـ بظن بهاي الحالة انتي بتخدعي نفسك قبل ما تخدعيهم .. نرمين أسعدني مرورك اختي ودمتي بكل خير |
مشاركة: " اكذب و استر نفسك " ... أو " اصدق و افضح نفسك "
يعني اختي انا راح اكون صريحة معك بالموضوع اللي طرحتي يعني انااا ممكن اكزب ازا كنت بعرف انه هاي الكزبة الي كزبتها فيها توئعني بمشكلة او بفضيحة لا سمح الله فبكزب مو معناتو ازا كذبت هاي المرا اضل اكزب ع طول لا بتعلم طبعن من غلطتي وما برجع بعيدها لانه ازا عدتها حتصير حياتي كلها كزب بكزب وبعدين باغلب الاحيان بفضل الصراحة اكتر من الكزب شكرا كتير ع الموضوع الذي يستحق فيه ابداء الراي دمتِـ بهذا الابداع تحيــ,ــتي |
مشاركة: اكذب و استر نفسك ; ... أو ; اصدق و افضح نفسك !!!
مشكووووووور على الموضوع الحلو
والمميز اكتيـــــــــــــــــــــــر تحيـــــــــــــــــــــــــاتي ŞāᆻǾ كل عاو وانتو بالف خير |
مشاركة: اكذب و استر نفسك ; ... أو ; اصدق و افضح نفسك !!!
يسلمووو اخت ساندرا بس والله انتي حطتينا بموقف انو الواحد هلحين يكزب :--) مثلاً : انتي كتبتي احكو ادا بتكزبو ولا لا يمكن الي بدو يكتب رأيو يمكن رأيو يكون كزب صح لا لا هههه فعشان هيك انا معرفتش شو ارد اه ولا لا وانا مرة صارت معي هيك بس ما كزبت حكيت انو دخنت ويا ريت الأعضاء ما يكزبو برأيهم بلآخر انت لا مقتول ولا اشي تقبلي مروري اخت ساندرا http://www.alshohooh-upload.com/uplo...2c9960d66c.gif تحيــــــــــــــاتـــيـــ" ღ♥R∂R∂O∂♥ღ |
مشاركة: اكذب و استر نفسك ; ... أو ; اصدق و افضح نفسك !!!
اناا من جهتي يا اختي بحكي الحقيقة لانو اول على اخر راح كل شي يبين بس يمكن اتردد في قول الحقيقة بس بالاخر بحكيها..........مشكورة على الموضوع
|
مشاركة: " اكذب و استر نفسك " ... أو " اصدق و افضح نفسك "
اقتباس:
شرفني مرورك اختي دمتي بكل خير اختك SaNdRa |
مشاركة: اكذب و استر نفسك ; ... أو ; اصدق و افضح نفسك !!!
samo
شكرا ع مرورك اخي رامي صحيح انه الصراحه راحة بس كمان مش كل مرة بتسلم الجرة يعني اول مرة مشت وما صارلك اشي اذا جربت تكزب تاني مرة .. الله اعلم وشكرا الك ع مرورك المغرورة فعلا .. الحقيقة عاجلا ام اجلا رح تظهر فـ الواحد يكون صريح من اولها لعل وعسى يقدر يتدارك الموقف مشكورة ع مرورك حبيبتي ودمتم بكل ود |
مشاركة: اكذب و استر نفسك ; ... أو ; اصدق و افضح نفسك !!!
مممممم
انا بالنسبة ل الي ممكن اني اكزب في بعض مواقف بس مش اكزب اول مرة ومشت هالكزبة اعملها تانية وتالتة بس طبعا لمصلحتي ومصلحة الكل نقول الحقيقة ع اساس ما نوقع بمشكلة اكبر وهادا رأيي .. موضوعك حلو كتير بس بدو صراحة دمتي بــوود اختك YaRa |
مشاركة: اكذب و استر نفسك ; ... أو ; اصدق و افضح نفسك !!!
اختي ساندرا
الصراحه فوجئت بهذا الموضوع الرائع والمثير للجدل بداية اشكرك اختي على طرح هذه الفكرة وانا قمت بقراءة جميع ردود الاعضاء واعجبت بصراحتهم في الرد ولكن احب ان اقول للجميع ولا ازكي نفسي عنكم وهي اسئلة تدور في خاطري اي مشكلة يكون حلها والتخلص منها هو الكذب لماذا نعتبر الكذب حل ولا نعتبره هروب وضعف امام مواجهة المشكله هل الغلط يكون حله بالغلط ام الصواب هل الكذب حاله حسنه الكذب انجي به نفسي بالدنيا ولكن هل انجي نفسي من الاخره الكذب في اغلب حالاته بحاجة الا القسم بالله او الحلفان لانه يكون ظاهرا فاذا الكذب لم ينجيني من المشكله لوحده فاني اكون مطرا الى القسم فالى اين اخذني هذا الكذب دون ان ادري لماذا نقول بان هذه المسئله بسيطه ممكن فيها الكذب لماذا لا ندرك بان الكذب حله مؤقت ولا ندرك بانه ذات يوم لا بد من اظهار الحقيقه تساؤلات كثيره بحاجه الى اجابات والاجابة الاوحيده عليها هي الصدق في القول والصدق بالتعامل والصدق بالعمل والصدق والصدق والصدق الف شكر الك مره تانيه اختي اخوكي دعاء الكروان |
مشاركة: اكذب و استر نفسك ; ... أو ; اصدق و افضح نفسك !!!
اقتباس:
الكذب اغلب الاحيان يوصلنا لمشاكل اكبر يارا شاكرهـ لك مرورك غاليتي دمتي بكل خير .. |
مشاركة: اكذب و استر نفسك ; ... أو ; اصدق و افضح نفسك !!!
اقتباس:
وفي النهاية فان ظهور الحقيقة امر محتم أشكر لك مرورك على موضوعي ولك مني اجمل تحية .. |
مشاركة: اكذب و استر نفسك ; ... أو ; اصدق و افضح نفسك !!!
انا راح احكي بصراحه بصراحه اوقات بتمر علي مواقف الا لااكذب فيها عشان بكون محتاجه اني اكذب لابروح فيها يعني في كتير بتمر علي مواقف بذااااات مع اهلي بكذب فيها شو بدي اعمل بنجي حالي ا
مع انو الكذب حبلو قصير بس غصبن عني مابلاقي حالي الا وطولت كذبه وحكتلهم ياها بس طبعا انو بتعلم من الغلط عشان مارجع اللغلط وارجع اكذب لانو الكذب كتير مش حلو وبضل هيك متعوه على اي ايشي اكذب شو مكان وانا بنسبه ئلي الكذب كتير مش حلو ومابحب اتعامل مع ناس الي هيك بالعكس بحتقرهم وببعد عنهم عشان هيك كمان هاده شي مابحبو لانفسي مشكووووووووره سندرا |
مشاركة: اكذب و استر نفسك ; ... أو ; اصدق و افضح نفسك !!!
FOFO
متل ما قلت برد سابق الكذب ينتج عنه ادماان يجعله احد ضرورات الحياة والصراحة رااحة ويمكن اغلبنا لا يحب التعامل مع اشخاص ليسو صريحين ولو بامور بسيطة شرفني مرورك اختي دمتي بكل خير .. |
| الساعة الآن 02:58 PM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author