منتديات العيساوية - كلمات في غاية الروعة لفتح

منتديات العيساوية (https://esawiah.com/vb/index.php)

- قــــــــضــــيـــتــــــنــــــا (https://esawiah.com/vb/forumdisplay.php?f=15)

- - كلمات في غاية الروعة لفتح (https://esawiah.com/vb/showthread.php?t=20527)

كلمات في غاية الروعة لفتح

فتحاوي
فتحاوي والله فتحاوي
فتحاوي ليش انا فتحاوي!!!
إحترت وما لقيت إجابه لسؤالي
رحت وسألت إمي ليش أنا فتحاوي
قالتلي بتتزكر يمّا الكوفيّه اللي كانت تحميك من برد الشتويّه
قلتلها بتزكرها أيام ما كنت يمّا بالكفوله
قالتلي فتحاوي بحليب صدري ورضعتك يوم الطفوله

بعد ما عرفت اللي مخليني أحتار بالليل والنهار
رحت قلت لستي عن اللي صار
قالتلي أنا يا ستي أنا مرضعتش من حليب إمي لأنها كانت بالأرض مدفونه
قلتلها كيف إنتي فتحاويه وموشّحه ع راسك بالكوفيّه
أنا يا ستي لما كنت أبذر القمح كان مكتوب على السنابل فتح ومكتوب بالمي والملح فتح ع توب الفلاح فتح ع الطاحونه ومفتاح الدار في السما وبالأرض بالطول وبالعرض بتلاقي فتح كيف يا ستي ما بدك إيّاني أكون فتح

رحت لسيدي قلتلو إنت فتح ؟
مردش غير كلمه نطق الحق وبالفعل وقتها كان يأدن الصبح
طب كيف يا سيد صرت فتحاوي ؟
قلي يا سيد لما كنا نسمع حان الآن موعد الأدان بعد الصلاه كنا نفتح القرآن لقيت كلمة الفتح بالقرآن وكان شعارها زمان ولحتى الآن فتح وبكل مكان بالفرح وبالترح بتلاقي فتح بحيفا وعكا وغزه ورفح بتلاقي فتح بمينا سدود بالسبع بالضفه بالأردن بليبيا بسوريا بعُمان بتونس والجزائر بمصر ولبنان بتلاقي فتح ، بالسما وغيومه بالليل ونجومه بتلاقي فتح كيف يا سيد ما بدك إياني أكون فتح

مافي حد بقي إلا ما سألتو بالدار
إتطلعت لصورة أبوي وقبل أسمه مكتوب الشهيد المغوار رحت لإمي وقلتلها عن اللي صار
قالتلي روح لأبوك بجاوبك
قلتلها أبوي إستشهد بس قبل ما يموت يا إمي أعطاني تزكار
أخدت التزكار وموجود فيه رقم 65 وشعار
رحت لسيدي وقلتلو ايش يعني 65
قلي 65 كان لفتح الشراره
طب يا سيدي الشعار
قلي العيلبون والكرامه
يا سيد يا سيد كرمال الأرض ورملها كرمال السبع وصخرها كرمال فلسطين وأهلها كرمال فتح ورجالها ما تحكي عن فتح يا سيدي اللي ما إلو خير بفتح ما إلو خير بـ بلده

يعني فتح عمرها ما بتموت وأنا بقول بعالي الصوت أنا فتحاوي أنا فتح أنا وأبوي وإمي وأخوي فتح الدار فتح النصر حليف فتح لأنه بالقرآن فتح ولك على كعب البارود فتح على الشبابه والعود فتح الآباء والجدود فتح والأرض هتعود على إيدين فتح ومافي حد وحدود لحب فتح التحدي والصمود يعني فتح مهما سمعنا كلام وردود حنضلنا فتح لأنه أهل الكرم والجود فتح وما حد يسألني إنت ليش فتح

قسماً برب الأرض اللي مالكها بطول وعرض وكل مسلم صلى سنّه وفرض وبرب الكون اللي عينه ما بتنام وركنه ما بضان على درب الختيار لأسير ودرب الشهيد والأسير ما دام دم الشهيد فتح وشمع العيد فتح الدم والوريد فتح ما بقدر أن أتخلى عن فتح في البحر الغواص فتح بالأرض الرصاص فتح بالحرب القناص فتح وبكفي نحكي عن فتح ما دام في بالسما طير لسا فتح بخير وفتحاوي أنا إبن فتح

أنا إبن فتحِ وما هتفت لغيرها ولجيشها المقدام صانع عودتي
فهي التي صنعت لشعبي ثورةً وهي التي شقت طريقاً لعزّتي :

صراحة سمعت هاي القصيدة وجد كتير مؤثرة ومع اني ما بحب الفصائل تحياتي بيشوووووووووووووووو