|
منتدى للخير ام منتدى للفتنه
السلام عليكم ورحمة الله
شباب الموضوع لا يحتاج الى الكثير من التحليل في الفتره الاخيرة وللاسف شعرنا اننا نعود الى الفترة التى تم فتح المنتدى بها الا وهي ظهور اسماء الجبهات والاحزاب والتطاول الواحد على الاخر من خلال صفحات المنتدى في تلك الفترة قمنا بحذف الاسماء المذكورة واغلاق كل المواضيع والمناقشات التي تسببت بالمشاكل وبعد طلب العديد من الاعضاء تم السماح بالاسماء كما تريدون ولكن للاسف نرى الظاهره تعود من جديد الان وكما ترون وللاسف اصبحت صفحات المنتدى تستغل من اجل اطلاق الاتهامات المتبادلة وللاسف بصورة غير حضارية وبطريقة تجعل كل من يشاهد يتأسف على فلسطين وابناء فلسطين وعلى الجيل الذي للاسف ينمو بهذه الطريقه !!! الوطنيه طريقها واتجاهها واحد ولا يمكن ان تتجه في في طرق مختلفه فاما ان تقابل عدوك واما ان تلتهي باشياء اخرى ستحول دربك من الصواب الى الخطأ ووقتها فشلت وفشلت وطنيتك لن نسمح لانفسنا بان نكون بوق رنان لهذا او لذاك من اجل ان يطلقوا غضبهم واتهاماتهم على صفحات منتدانا الذي جاء فقط من اجل ان يطور وينشئ ويعطي صورة جميله عن بلدة من اعرق بلدان القدس وفلسطين تاريخا نضاليا وشريقا لنجعله اليوم في اسوأ صورة عرفناها للاسف المشاكل هنا هي بسبب البعض الذي لا يشكلون الاغلبية وللاسف لا نعرف باسم من يتكلمون ومن اصلا عينهم ناطقين رسميين فعادة الناطق الرسمي باسم جهة معينه هو انسان واحد ولكن اليوم نرى ببلدتنا الف ناطق رسمى وكل على هواه وحالنا يقول انا الزعيم واسمعوني وبس .... وضعنا هذا الموضوع لنسمع ما رأيكم بالموضوع ليس من اجل البحث عن من هو السبب ومن الذي بدأ فكل مشكله سببها الخطأ من الطرفين اصلا ... هل سنسير الى الامام و نلتزم بقوانين المنتدى والتي اهمها كما كررنا مليون مره احترام الغير والنقاش الحضاري والراقي ام سنتوقف هنا وكل يبحث له عن منتدى يخدم اتجاهه السياسي وليطلق هناك الاتهامات كما يشاء ملحوظة: لم يتم ايقاف او معاقبة اي عضو حتى نفسح المجال لسماع الجميع ولكن تأكدوا ان المخالفين ستسير عليهم اجراءت المنتدى. |
مشاركة: منتدى للخير ام منتدى للفتنه
والله يا اخوي العيساوي انا معك بكل كلمه حكيتها
لانو المنتدى بأخر فتره انقلب وصار كله طوش بطوش ولازم عملت هذا الحكي من اول بس بتمنى الكل يتفاهمو الموضوع ويعرفو انو المنتدى هذا ((((((( غير تابع لأي حركه )))))))) وشكرا الك اخ العيساوي تحياتي أبو حميد (( لا تعليق )) |
مشاركة: منتدى للخير ام منتدى للفتنه
والله يا اخوي العيساوي وانا كمان معك بكل كلمه حكيتها .
( وشكرا ). ( najeeb alnatsha ). ( التوقيع : حاكم البحار السبعة ). |
مشاركة: منتدى للخير ام منتدى للفتنه
الاخ العيساوي السلام عليكم ورحمة الله مجرد راي
بالامكان استبعاد النقاشات والحوارات السياسية كلية طالما هذه الحوارات تبتعد عن حدود اللباقة الادبية والاخلاقية ووجود اعضاء ل********************************دون ان يستمعوا الا اراءهم ولا يقرؤا الا افكارهم او حتى جميع المواضيع السياسية واقتصار المنتدى على مواضيع المعلومات العامة المفيدة والمواضيع الترفيهية وذلك درء للفتنة |
مشاركة: منتدى للخير ام منتدى للفتنه
كلامك يا خيي العيساوي مزبوط وفش عليه حكي .........
|
مشاركة: منتدى للخير ام منتدى للفتنه
شو بدك تسوي يا اخوي يا عيساوي
هاي ناس زي ما تحكي تفكيرهم غير عن الناس بكونو شوي مراض علشان هيك مش ضروري تسويلهم اهمية زي ما تحكي ومش ضروري تعبرهم والي بسوي اي اشي مخالف للقوانين اتحاسب انت واياه واحرمو المنتدى وهيك الكل ببطل |
مشاركة: منتدى للخير ام منتدى للفتنه
انا برايي المنتدى يتسكر وما يكون في اشي مفيد للبلد خلينا متخلفين
وكتير سوا مشاكل هالمنتدى علشان هيك مش ازا المنتدى بدو يسوي مشاكل بدناش اياه وازا بدو يسوي فتنة برضو بلاش منو وهاد رايي بكل صراحة لانو البلد كانت قبل المنتدى بكتير احسن وشكرا كتير وتقبلو تعليقي |
مشاركة: منتدى للخير ام منتدى للفتنه
كلامك مزبوط يا عيساوي متل ما حكيت الوطنيه مش متل ما بعملو الشباب
الوطنيه انو تواجه العدو وبتمنى من الاخ العيساوي انو يحل هالمشكله وما يصير مشاكل غيرهاا وبالتوفيق للجميع |
مشاركة: منتدى للخير ام منتدى للفتنه
اقتباس:
نعم سنسير ولن نسمح بتلك الأقلية ( الجاهلة ) من من لا يريدون الخير لهذه البلدة أن يقفوا عقبة في طريقنا فعذراً مكانكم ليس بيننا هذا المنتدى لخدمة هذه القرية وهو كوسيلة لرقيها وتطورها. وليس كوسيلة أخرى لإثارة الفتنة بين ابناء البلد الواحد وأبناء الدين واحد !! يااا للخزي والعار لتلك الأحزاب التي فرقت بين أبناء البلد الواحد ، وأبناء الدين الواحد . ياا أسفاااااااه ما موقفكم عندما تقفون بين يدي الله ويسألكم عن شبابكم فيما أفنيتموه !! أفنيته للولاء لحزبٍ قد أعماني عن عبادتك وقد أخرجني عن طريقك من أجل مسميات لا تغني ولا تسمن من جوع !! أفيقوا من جهلكم هذا والله ما هذا البلاء الا بإبتعادنا عن ديننا وأصبح سب الذات الإلهية أهون عليكم من ذكر قاداتكم بسوء !! أو ذكر آبائكم أو أصدقائكم !! ياا أسفااااااه أختم قولي بآيات من القرآن الكريم علكم تتعظون !! {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6 {إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ }الحجرات10 وقال مثلكم الأعلى وقائد قاداتكم رسول الله عليه أفضل السلام وأتم التسليم "المؤمن للمؤمن كالبنيان المرصوص يشد بعضه بعضا" "مثل المؤمنين في توآدهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالسهر والحمي" أخوكم في الله صوت الحق |
مشاركة: منتدى للخير ام منتدى للفتنه
كل كلامك مزبوط وانا بتمنا يرجع المنتدى متل ما منعرفووو واحسن تقبل مروري * AHMAD MAHMOUD * |
مشاركة: منتدى للخير ام منتدى للفتنه
والله يا اخي معك حق في الكلام الي حكيتوا,,
اخر فتره المنتدى قلب الى احزاب وجبهات والمنتدى من الاصـ ـل مش تابع لاي حزب ياريت كل واحد يفهم هادا الشعار وانشاءالله بترجع الامور زي زمان واحسن |
مشاركة: منتدى للخير ام منتدى للفتنه
والله يخي يا عيساوي الكلام كلو على العين والراس وانا معك المنتدا للخير ولتقريب وتبين الاهل المشردين واللاجئين من البلد على البلد وشو الي بسير فيها يعني هما تركوها كويسة كبل ما يطلعو منها وانها في ايد امينة ويوم ما طلع جيل الشباب الجيل البعض فيهم والا احكيلك والله الاكثر فيهم فاشل وجاهلين وما بعرفو مبادئهم ولا اخلاقهم وما بعرفو كيف يعبرو عن انتمائهم لهاي الفصائل صار الشاطر يدخل في اسم اجديد ويزتلو اكم من كلمة ويروح يدخل في اسمو الحقيقة ويسير يبهدل ويختم على الحكي والشباب زي الي عمرهم ما ناقشو ما بعرفو يناقشو ولا بكلمه بس شاطرين يبهدول ويحكو عن فصيلتهم وانا براهن ازا بكونو عارفين مبدئ من مبادئ فصيلتهم والشاطر الي بنقل موضوع شافو في البلد عن فصيلة من الفصائل بنط واحد بسير يبهدل في الي نقل هاي الموضوع وبسير يحكيلو انتا مش منهاي الفصيلة وشو دخلك وانت وانت وبنفتح وبس بدي احكي اكم كلمة للشباب انتو اول اشي اولاد بلد والاد قضية وحدة الي تحرير الاراضي المقدسة من ابن صهيون الحقير تاني اشي فضحتون كدام العالم يعني ما حكو فصائل بين بعض حكو عساسوة في بعض تالت اشي انا بقترح على اكبار البلدوالي من اوجه البلد يا اما يكتون لافتة اول البلد اهلا بكم في غزة الجديدة يا اما يوقفو الي بسير في البلد والله عيب عيب بكفي كلام خلي للباقي يعبر |
مشاركة: منتدى للخير ام منتدى للفتنه
انا معاك في كل كلمه حكيتها لان كلامك مزبوط 100/% وفش عليه اي تعلق
ومن من ناحية فتح حماس:4_12_12[1]: او جبهة ما بسير هيك يعملو كلنا امه واحدة وبرضو حنكون ايد وحدة كمان ان دبننا واحد وكل من هذة الشعبيات دينها واحد يقال عن فتح سارقين ويقال عن الجبعه شيوعيين ويقال عن حماس مخالفين للدين الاسلامي ولا اظن انا كل هذة الاقوال صحيحة لانه من البعض يفعلون ذلك انا بصراحة مع فتح لماذا؟ لا لانهاالاقوى او انها الافضل بس لانني اتبع الي الرئيس الياسر رحمه الله ولانه وصانا على ذلك ووصانا ان نحرر من بعده فلسطين بالقوة وليش بتعلق الصور او بالكلام او اي شيئ بالنسبة للكاتب الموضوع: شكرااااااااااا كتير الك الاخ العيساوي المحترم وشكرا. ملاحظه: لا اظن ان كل ما انذكرت من اسماء على اساس عميل او جسوس الخ بل انطلقتهذه الاسماء لان الذين كتبو هذه الموضوع كانو على فكرة معصبين وانامقدرة الوضع الي صار |
مشاركة: منتدى للخير ام منتدى للفتنه
يجب الا ندخل السياسه بيينا
لانها كلها بتادي للمشاكل |
مشاركة: منتدى للخير ام منتدى للفتنه
والله يا اخي العيساوي انا بعرف انو المنتدى مش لاي حركه ولا تحرير ولا اشي انا بعرف المنتدى الواحد بدو يعرف شو في اخبار البلد بطريقه غير هجميه ولا تجرح شعور اي بني ادم والله هذا رأي لونه عميل واو مش عميل منو لربه وللوطنيه بختلصو هما حرين فيه امن يقعدو يكتبو اسامي او اشي زيهك انا بعتبرو كلام فاضي لو انه زلمه بروح يقتله والله يصلحنا بعدين انا بحكي انو هذا المنتدى لازم يرجع زي ما كنت بعرفه واحسن
اقبل مروري يا اخي العيساوي تحياتي للجميع دمار |
مشاركة: منتدى للخير ام منتدى للفتنه
كل كلامك مزبوط
وانا بتمنا يرجع المنتدى متل ما منعرفووو واحسن تقبل مروري تحياتي |
مشاركة: منتدى للخير ام منتدى للفتنه
معك حق اخي العيساوي
المنتدى المفروض يكون بعيد كل البعد عن الأحزاب والسياسة ويستحسن ما يكون مواضيع سياسية للحوار بالمنتدى لأنة المعروف للكل عنا اكتر من حزب بالبلد واكتر من حركة يعني كل واحد بحب يظهر حزبة وحركتة هو الصح و الحركات التانية غلط لو احنا أيد وحدة وحركة وحدة ما كان وضعنا هيك وكمان بحب اضيف أنة ما عنا مفهوم النقاش وتقريبا النقاش مع هيك ناس عقيم وكل نقاش سياسي بنتهي بالمشاكل وان شاء اللة بيرجع المنتدى متل ما كان وأحسن لخدمة البلد وشباب البلد |
مشاركة: منتدى للخير ام منتدى للفتنه
السلام عليكم
اول شي انا بدي اثني على كلام اخوي العيساوي وانا معو في كل كلمة .....احنا مشكلتنا ما بنعرف نستغل الاشياء لمصلحتنا صح.....يعني منتدى زي هيك انا بعتبرو صرح عظيم لخدمت البلد واحنا لازم نستغلو صح لازم نعبر في عن الوجه المشرق للقرية مش ننشر في غسيلنا الوسخ وعيب الي بنعملو للبلد يعني انا بشوف اذا العقول والتفكير بدو يضل بلطريقة هاي ليش العيساوي يتعب حالو خلص يسكر ويروح ولكم يا عالم واحد تاعب حالو عشانكم بتعملو في هيك ....................وبنفس الوقت بندين وبنستنكر اي عمل بطب با واحد من اي فصيل يعني الي كتب على المنتدى بعرف انو الكتب باسميهم مش عملة هم ناس وطنية وشرفة وانا بترجاكم ما تسهلوا الطريق على العدو .........والسلام عليكم اخوكم ابو محمد |
مشاركة: منتدى للخير ام منتدى للفتنه
العيساوي...... والله يا اخي معك حق في الكلام الي حكيتوا,, اخر فتره المنتدى قلب الى احزاب وجبهات والمنتدى من الاصـ ـل مش تابع لاي حزب....ولا لأي حركه...بس للبلد ولمصلحه البلد ياريت كل واحد يفهم هادا الشعار وانشاءالله بترجع الامور زي زمان واحسن بكتير انشالله تفهموا الازمه الي بمر فيهاااا المنتدى... تحيـــــــ ميشووو ـــــــــتي |
مشاركة: منتدى للخير ام منتدى للفتنه
والله كل الي انحكا مزبوط
.......................... |
مشاركة: منتدى للخير ام منتدى للفتنه
السلام عليكم
خير الكلام ما قل ودل انا من وجهة نظري للموضوع لازم الي عمل هيك يتعاقب وينحذف اسمو من المنتدى حتى ما يرجع ويكرر غلطو وزي ما حكو اخوانا في التعليق هادا المنتدى للفائده وليس للفتنه بين ابناء بلدتنا الحبيبه ((العيساويه)) والله يجيب ما في الخير ويهديهم ويرجع كل واحد لصوابو مع تحياتي :عالم توشيفا |
مشاركة: منتدى للخير ام منتدى للفتنه
نشكر منتدى العيساوية والقائمين عليه ونشد على اياديكم اما بعد:
فبخصوص ماجرى في الماضي والحاضر بالاعتداء على اشخاص بالذم او بالسب او بالشتم باسلوب لم يتعود عليه ابناء قريتنا فهذا خارج عن قيم شباب العيساوية وتنظيماتها فنحن مع طرحكم بعدم اظهار اي سب او شتم لاي شخص او تنظيم كان اما بالنسبة للتنظيمات والجهات الرسمية فنطالبها بفتح منتديات خاصة لها لكي تنقل طروحاتها بشكل رسمي وتفوت الفرصة على المارقين من هؤلاء الشباب وشكرا مع تحيات محمد شرتوك |
مشاركة: منتدى للخير ام منتدى للفتنه
كلامك مزبوط وان شاء الله يرجع
بس انا مش فاهمه على شو صار هالاشي ومين الي كان وراه تقبل مروري سوسو الاموره |
مشاركة: منتدى للخير ام منتدى للفتنه
والله كلامك يا عيساوي مزبوط ويارين يرجع المنتدى زي زمان
تحياتي محمد محمود |
مشاركة: منتدى للخير ام منتدى للفتنه
السلام عليكم
أخي العزيز العيساوي أقترح ما يلي: إيقاف المنتدى لمدة أسبوع بشكل كامل رغم أن الطلب صعب على الكثير من الشباب الطيبة ولكن للضرورة أحكام يفتح المنتدى أبوابه لمواضيع محددة فقط وليس لكل شيْ مثل التعليم والرياضة وضع مشرفين أصحاب فكر سليم ووعي جيد مع صلاحيات لشطب مواضيع غير لائقة |
مشاركة: منتدى للخير ام منتدى للفتنه
اقتراح حلو يا ابو معن / \ ويا ريت الكل ايوافق عليه , , , * * * * * * * * * * * * * * * * * تحياتي & & جنتــــ العيـــــســـاويــة ــــــل & & |
مشاركة: منتدى للخير ام منتدى للفتنه
والله يا خيي يا عيساوي كلامك مزبوط 100%
المنتدى اصلا اتسوى عشان نعرف شو في اخبار بالبلد ونتعرف عليها مش للفتن وللتهديد وللحركات واحنا وانتو وكل الناس بتعرف انو المنتدى هاد مش تابع لاي حركة بس ع الفاضي شو ما بسمعوا في ايشي صار بين فتح وحماس او جبهة وفتح او غيرهم ما بيجوا يحكوا الا ع المنتدى ويفضحونا ويكتبوا اسامي هما ما بيعرفوا انو في كتيير ناس ( زوار ) من خارج العيسوية بدخلوا ع المنتدى وبقرأوا شو في اخبار وافرض انو هادا الزائر كان عمييل وشاف الاسم وعرفوا مش بدو يحكي عنو وبالتالي ينحبس وهادا الايشي مش منيح اولا احنا كشباب بلد وحبايب وقرايب وثانيا مش منيح النا لسمعتنا وسمعة بلدنا مين بقبل ع حالو انو يكون اهلو وشرفوا وبلدو للفتن والفساد ما في حد بقبل ع حالو بعدين يا شباب اللي بدو يخرب علينا يروح يخرب بعييد عنا مش هون عالمنتدى يعني ما بدنا يتسكر المنتدى من تحت راسكم اللي بدو يسوي مشكلة في السياسة ( فتح . حماس . جبهة شعبية . جبهة ديمقراطية . الخ .. ) مش هون لانو في ناس جاية تشارك وتفيد وتستفيد في المنتدى وفي ناس جاية تنخرب ع ناس واخيرا اشكر اخي العيساوي ع الموضوع اللي في غاية الاهمية وان شاء الله يرجع المنتدى زي ما كان تحياتي FaAaAaAaAaAaAaAaAaAaAdY |
مشاركة: منتدى للخير ام منتدى للفتنه
السلام عليكم يا جماعه انا بدي احكي رئي انا بدي احكي انو انسوكو من هل احزاب الفاضيه واحد بيحكيلي انا فتح واحد بيحكي انا حماس واحد انا جبه شو هل حكي الفاضي على ايام الرسول (عليه الصلاة ةالسلام )ما كان في احزاب بس كان في (اسلام ) عمرنا ما سمعنا انو رسول كان عامل احزاب وانا رئي اليبدو يناضل بس في كلمة لا سلام مش في لا حزاب هاي الفارطه ولكم بس اتحدو في كلمه واحده وهي لا سلام و انشا لله يكون نصر عند الله قريب احنا عمرنا ما بننتصر في هاي لا حزاب الشاطر بدو يكبر اسمو هو كل من يلمع ذهب لا ولله بس انتو اتحدو في لا سلام وشوفو انشا لله يكون نصر قريب اتزكرو انو رسول (ص)كان بس يجو عليه لا اعداء كان بس يتذكر ربنا ) ما كان يذكر حماس وفتح
|
مشاركة: منتدى للخير ام منتدى للفتنه
ألف شكر الك يا العيساوي وأنا معك بكل كلمة جوهرية حكيتها وهاد الي لازم يصير من أول ما بدت المشاكل ويطلعوا عيوب بعض وكمان مرة مليون شكر لالك يا العيساوي وهاد الي لازم يصير من زمان وكفانا مشاكل ...............
وشكراً.... |
مشاركة: منتدى للخير ام منتدى للفتنه
بسم الله الرحمن الرحيم
الى الاخوة شباب العيساوية نتمنى ان يكون عندكم االروح الحوار الاجابية وان لا تنجرفوا وراء السراب اخي العيساوي المحترم نحن معكم بكل كلمه قلتها ونتمنى من الشباب ان يكونوا اكثر حرصاً على اولادنا وبناتنا وامهاتنا وشيوخنا يوجد لي رأي في هذا الموضوع : 1- ان يكون المنتدى غير مسيس الى اي جهه مهما ان كانت . 2- نطلب من الاخ العيساوي ان يتوجه الى جميع اعضاء المنتدى المحترمين بان تكون المراسلة على المنتدى بالاخص للشباب بشكل رسمي اي باسمائهم من اجل ان نحصر اي موضوع كان. 3- بالنسبة للاخوات التن لا يردن ان يكون لهم اسم على المنتدى بشكل صريح ان يتقدمو بطلب الى الاخ الرئيس المنتدى وان يكون في الكتاب الاسم وان يكون الاسم الحركي واضح له من اجل المحاسبة الجميع واننا نتمنى من الجميع ان يلتزموا الهدوء وان يكونوا اكثر صحوا وما حدث في الغد هو مأشر يقول احذروا من الطابور الخامس او الخفاش الذي يلعب في الخفاء ويظهر في الليل ونتمنى من الجميع ان يأخذو الحيطة والحذر لان ليس من يقول انا وطني معنا هو وطني وجميعنا نعرف ونعلم ان الجميع الفصائل الوطنية تعمل لتحرير الارض المقدسة وتحرير فلسطـــــــــــــــــــين وجنميعنا نعلم ان الجميع كلهم تحت مظلة منظمة التحرير الفلسطيني ونتمنى من الشرفاء في هذه البلد ان يقومو بمراعات ابنائهم وتوجيههم بطريقة حضارية ونتمنى ايظا من الماسسات الوطنية ان تفتح دورات لشباب لتعاون جميعا على البر والتقوى . ونتمنى للجميع ان تكونو متعاونين وحبين لهذه الارض وهذا الوطن ونطلب من الشباب الصغار ان يفكر قبل ان يعمل مع انه شاب دائما يرا انه هو الاقوة في فتل العضلات ولا يعرف ان العقل هو المجدي لحل اي مشكلة تواجه ان كان في بيته او في خارج بيته وعندما يتعرض الي مشكلة يلتجا الى الاكبر منه سناً ويحل الموضوع بشكل عقلاني قبل ان نندم جميعنا لان الندم يشمل الجميع والفرح يشمل الجميع واننا جميعنا على الدرب سائرون والى الامام يا شباب قرية العيساوية قلعة القدس الشريف تحـــــــــــــــــــــــ ـــــــــــــــياتي |
مشاركة: منتدى للخير ام منتدى للفتنه
اقتباس:
وشـــــــكرا تحياتي احمد عبيد |
مشاركة: منتدى للخير ام منتدى للفتنه
بس انا يا ابو معن ما بوافق على الرأي للاسف مش لكل واحد قرص في كل اشي لانو يا اخوي
بلكي عطوليتم اغلاقه او بلك يالعيساوي محدد اشي او انو يريد ان يسويله سيستيم جديد شكرا ابو معن فــــــــــــــــ(البلد)ــ ــــــــــا رســــــة |
مشاركة: منتدى للخير ام منتدى للفتنه
السلام عليكم
كلام العيساوي مئة بالمئة ولكن هل يستحق المنتدى كل هذا ام لا ,أسئلتم انفسكم ماذا فعل المنتدى بكم , اسئلتم انفسكم لماذا دخلتم الى المنتدى ,ألازعاج الأخرين أم للفت انتباه جنس حواء,أم للتعلم و الأستفادة. قبل ان يتم انشاء المنتدى من منكم كان يستعمل الأنترنت وكيف,للتعلم, لملاقاه الأصدقاء أم لأغراض أخرى. لا اعلم ولكن هل فكرتم ان تفضفضوا عن انفسكم في مكان جيد ؟؟ بعض الأخوة لم تتاح لهم فرصة للتكلم فأتى لهم هذا المنتدى ليفضو طاقاتهم المحبوسة و لرميها في هذا المنتدى لتخلق مشاكل (أنا لا اقصد الأهانة لأي عضو في هذا المنتدى) وبالنسبة للأستاذ خضر اقتراح جيد بأن يتوقف المنتدى ولكن لمدة اقل , يوجد في هذا المنتدى قرابة 3500 عضو ولكن لو قلنا 20 منهم تسببو بمشكلة ما دخل الأخرين!!!!! وبالنسبة للمواضيع المحددة التي انت قلت للعيساوي ان يضع لها اقساماً التعليم :انت استاذي و انا احترمك ولكن ليس كل شيء للتعليم فلا بد للشخص ان يرفه عن نفسه ,|أما بالنسبة للرياضة: حلمك منذ الصغر ولكن ما دخلي انا به انا خمول كما وصفتني سابقاً فلا ابرع بالرياضة ولكن لي الحق في الأبداع في شيء معين وقد قمت بكتابة الشعر و التأليف وأنا سعيد الأن وأشكر العيساوي لأنه اتاح لي الفرصة لذلك لأكون مشرفاً على هذه القاعة وبالنسبة للمشرفين الم نعجبك نحن يا استاذ اتكلم بالنيابة عن جميع المشرفين أم نحن لا نتحمل المسؤلية نحن تربيتك يا استاذ (تتلمذنا و تربينا على يديك)انحن لا ننفع!! انا لا اعلم ولكن كلامك قد اثرني لكتابة الموضوع هل انا اغضبتك؟؟ هل المشرفين وجدت منهم ما يضر لتعلم مدى صدقي معك اننا كنا لمصلحتك أرجوك ان تنظر الى توقيعك لتفهمني وقول كلمة اخيرة اتمنى ان يرجع المنتدى كما كان و ان كل عضو يستغله في ما لا يضر بل ينفع والسلام عليكم تحياتي م.ك.ح |
مشاركة: منتدى للخير ام منتدى للفتنه
السلام عليكم والله ما في داعي لكل هادا الاشي انشاالله بتهدى النفوس و كل واحد بعرف مصلحتو وين احنا شعب النضال احنا شعب الانتفضا علمنا العالم كيف تنضفضو ياريت انكون اوعى واحسن من هك مع الشكر للاخ العيساوي .
مع تحياتي عاشقت الحب الجميل |
مشاركة: منتدى للخير ام منتدى للفتنه
السلام عليكم
أخواني أخواتي الأعضاء ((المنتدى)) -----------همزة وصل بين أبناء البلد الحريصين على المصلحه العامه ((المنتدى))-----------روح الأخوه والصداقه بين أبناء البلد كبارا كانوا أم صغارا ((المنتدى))----------أفكار أبناء البلد الواعي للرقي ولتطوير هذه البلده الطيبه ((المنتدى))----------ليس لشخص ولا لحزب ولا للفتنه !!!!!!!!!!!!!!!!!!!!! هكذا أنا أراه أرجوكم كونوا اليد التي تبني لا التي تهدم وكونوا اليد التي تزرع لا التي تقلع:36_1_41: :36_3_9: |
مشاركة: منتدى للخير ام منتدى للفتنه
اقتباس:
كلامك ذهب يعني بدل ما يقعدو يخربو في منتدى بلدهم ويسبو ع بعض في الفاظ رذيئة يفتحو الهم منتدى ويسو شو بدهم فيه اما بخصوص الي بلشو المشاكل وزي ما قلت انت عنهم يا اخي العيساوي وهم الاقليه بيننا بامكانك توقفهم ومنعهم من انهم يسو اي شي غلط وغير لائق واتقوا الله في انفسكم |
مشاركة: منتدى للخير ام منتدى للفتنه
كلامك يا خيي العيساوي مزبوط وفش عليه حكي
وبتمنى يرجع المنتدى زي ما كان وأحسن .... |
مشاركة: منتدى للخير ام منتدى للفتنه
--------------------------------------------------------------------------------
انا معاك في كل كلمه حكيتها لان كلامك مزبوط 100/% وفش عليه اي تعليق أحنا كلنا ولاد وطن واحد ولازم نعمل ايد واحد . |
مشاركة: منتدى للخير ام منتدى للفتنه
العيساوي
كلامك مزبوط وانا معك بكل كلمة حكيتها ويا ريت يحسنو التعامل مع بعض والسياسة خليها برا المنتدى بكون احسن تحياتي اخوكم رورو |
مشاركة: منتدى للخير ام منتدى للفتنه
استاز خضر
افرض وصار زي ما بدك شو دخل كل الي بالمنتدى في اعلانات لطلاب التوجيهي بدها تنزل وفي موضيع مهمة بدها تنكتب وفي وفي وفي... عشان شغلة زي هاي تحرمو كل الاعضاء من المنتدى..؟؟ ما بأيدكم انا بحكي انو ينفتح ويتم حذف كل الاسماء الحركية.. واذا لا يتم مراقبة بعض الاعضاء... |
مشاركة: منتدى للخير ام منتدى للفتنه
وأنا بأيدك يا مدمر انا ضد تسكير المنتدى ولو لثانيه وحده
|
مشاركة: منتدى للخير ام منتدى للفتنه
يا ريت يتم فتح المنتدى بأسرع وقت
ويا ريت يتم فتحه قبل 1-1 / \ / \ |
مشاركة: منتدى للخير ام منتدى للفتنه
انا معك اخي في كل كلمه قلتها
.................. |
مشاركة: منتدى للخير ام منتدى للفتنه
السلام عليكم ورحمة الله وبركاته
احنى النا رئينا ويا ريت تعاودو تفتحو المنتدى وما يضل مسكر والي معي برئيي يحكي انو ما يسكرو ويفتحو باسرع وئت ويا ريت ما يضل هيك المنتدى مسكر وتحياتي |
مشاركة: منتدى للخير ام منتدى للفتنه
بسم الله الرحمن الرحيم انا بدي احكي شغلة اذا الجبهه وحماس وفتح اذا ما بكونو ايد وحدة والله فلســــــــــــــــــــطين ما بتحرر وانا عن نفسي انا من الجبهه ليش عشان فتح وحماس دايمن بتكاتلو وهات خلص بس الجبهه الشعبية وديمقراطية زي الاخوة وانا جبهاوي وشكرا |
مشاركة: منتدى للخير ام منتدى للفتنه
استاذ خضر على فكرة يعني بالك اذا تسكر المنتدى حتى لو سنة كامله ما رايحة تفرق معهم هما يعني انا ضد انو المنتدى يتسكر وشغلة الحركات والاحزاب بفضللهم يعملو منتدى خاص فيهم والله حرام هيك وكمان فكرة بنت البلد بجد بتريح برضو انو كل شاب بدو يتسجل بالمنتدى لازم يتسجل فقط باسمه الحقيقي وليس المستعار وبالنسبة للبنات بس بيحكو للعيساوي اسمهم وبيتسجلو باسم مستعار والله معكم ويوفقكم |
مشاركة: منتدى للخير ام منتدى للفتنه
بتمنى ترجعوا تفتحوا المنتدى
وبأسرع وقت ممكن وشكرا |
مشاركة: منتدى للخير ام منتدى للفتنه
وانا ما بأيد تسكير المنتدى
يا ريت تفتحوا المنتدى لانة هو لمصلحة البلد وشباب البلد |
مشاركة: منتدى للخير ام منتدى للفتنه
السلام عليك والله ما بصير هادا الاشي الي انتو ابتعملوالله يرحم زمن الا نتفاضة ورجال الانتفاضة وبتمنى
انا نكون اوعى واصحى من هك لان احنا شعب الجباري الشعب الذي لايقهر مثل ما قال رئيسا رحمه الله اشكرك اخي العيساوي على هادا الموضوع مع التحيات عاشقت الحب الجميل |
مشاركة: منتدى للخير ام منتدى للفتنه
السلام عليكم ورحمة الله وبركاته
انا بتمنى ترجعو تفتحو المنتدى في اسرع وقت ممكن وما بصير هك ايضلو المنتدى امسكر مع تحيات عاشقت الحب الجميل |
| الساعة الآن 01:02 PM. |
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author