|
البنت ام القلب النونو
" 1 " البنت ام عيون سرحانة بتركُّز دايما فى خيالها وتَّدور على أقرب " سوبر ماركت " للأحاسيس وماتلقاش غير حبة أحاسيس منباعة لناس من غير أحاسيس فابترجع وبتكتب ع القلب النونو . مقفول . مش للبيع ماهو أكتر كلمة بتكرههاعنيها كلمة " بيع " فتعاود تانى عيونها السرحانة تركز فى خيالها ************************** " 2 " البنت الواخدة عنيها م الأرض خضارها وم البحر مداه وم السما تواهانها قادرة عنيها على رمى شباكها على كل عيون هاتبص عليها. البنت دَهيَّة تتمنى عيون تشبكها وتشبٍَكها وتشَبِّك روحها وتخطفها لدنيا بعيدة أبعد م السما . أوسع م البحر . أجمل من كل خضار فى الأرض فاتواجه روحها ف قلب الحلم فاتخاف من روحها ......... وتصحى فاتعاود تانى عيونها السرحانة تركز فى خيالها ************************** " 3 " البنت الحلوة عنيها لجل الناس بتخاصم روحها وتقطَّع شرايين أفكارها وبتنزف أحاسيس ع الأرض والناس . نفس الناس بتبص عليها وتصَّعب ولا حدش منهم فكَّر يمسك منديلة بطرف ايديه ويمسح دمعتها ولا كلِّف نفسه وقال معلهش ولا حتى استفسر ع اللى بيحصل . فابترجع وتطبطب على روحها وتصالح روحها . فتعاود تانى عيونها السرحانة تركز فى خيالها . مع تحياتي اخوكم(صقر الاقصى) |
| الساعة الآن 06:11 PM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author