|
زوج وزوجة فى مطعم؟
السلام عليكم ورحمة الله وبركاته هو: بدي اطلب بيتزا .. بدك اشي؟ هي: لا هو: اوكي هي: و لا اقولك .؟ هو: ها .. بدك اطلب لك كمان؟ هي: مش عارفة هو: مش عارفة اذا بدك اشي؟ هي: لا هو: انتي جوعانة؟ هي: يعني هو: شو يعني يعني...؟ هي: يعني معناها مش متأكدة اذا كنت جوعانة او لا هو: الواحد لما يكون جوعان بيعرف هي: مهو يمكن اجوع بعدين هو: معناها اطلب لك بيتزا هي: طيب و اذا ما كنت جوعانه وقتها..؟ هو: ما تاكلي هي: بس هيك بيكون تبذير هو: طيب .. بتاكليها بكرة هي: و اذا ما كان الي نفس آكل بيتزا بكرة؟ هو: هاي ما بدها نفس .. الواحد بيقدر ياكل البيتزا كل يوم هي: انا لا .. ما باكل بيتزا الا لما يكون عندي نفس للبيتزا هو: معناها بطلب لك اشي تاني هي: بس انا ما بدي اشي تاني هو: يعني بدك بيتزا؟ هي: لا هو: يعني ما بدك اشي؟ هي: امبلى هو: جننتي سماي شو بدك؟ هي: اطلب انت لحالك هو: اخيرا .. ماشي هي: بس اطلب بيتزا بالتونا هو: بس انا ما بحب التونا هي: بس انا بحبها هو: هو انا بدي اطلب الي و لا الك...؟ هي: الك طبعا هو: طيب و ليش بالتونا...؟ هي: يمكن اجوع لما يوصل الاكل هو:و شو يعني؟ هي: بالله؟ شو يعني فكرك آكل اشي ما بيعجبني؟ هو: ليش هو انتي بدك تاكلي؟ هي: ليش لا ؟ هو: يا مثبت العقل و الدين .. هسه انا لازم اطلب بيتزا الي , عشان انتي تاكليها اذا كنتي جوعانه؟؟ هي: بالضبط هو: و انا شو بدي آكل؟ هي: مهو يمكن ما أكون جوعانة هههههههههههههههههههههههههههه تحياتي : مجد نخال |
رد: زوج وزوجة فى مطعم؟
بسم الله الرحمن الرحيم
يسلمو ايديك على الموضوع لكتير حلو خيو مجد وانا بقول ما يطلبو بيتزا بيجوز ما يكلوها وهذا تبذير.هههههههههههه تقبل مروري اختك لولو |
رد: زوج وزوجة فى مطعم؟
ههههههههههههههههههههههههههههههه
مشكور خيو على الموضوع تحياتي اسيرة الالم |
رد: زوج وزوجة فى مطعم؟
مشكوره اختي لولو1985 على الرد الحلو والرائع لموضوعي وان شاء الله عجبك الموضوع تحياتي : مجد نخال |
رد: زوج وزوجة فى مطعم؟
مشكوره اختي أسيرة الالم على الرد الجميل والرائع لموضوعي
وان شاء الله اعجبتي في النكته الجميله والرائعه تحياتي : مجد نخال |
رد: زوج وزوجة فى مطعم؟
مشكور اخي مجد نحال على النكتة الروعة
تحياتي...... |
رد: زوج وزوجة فى مطعم؟
مشكور اخي eminem على الرد الحلو لموضوعي وارجو المزيد من تواصلك في مواضيعي تحياتي : مجد نخال |
| الساعة الآن 11:29 AM بتوقيت العيساوية |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
جميع الحقوق محفوظة لمنتديات العيساوية...المشاركات والمواضيع في منتديات العيساوية لا تعبر بالضرورة عن رأي إدارته بل تمثل وجهة نظر كاتبها
All participants & topics in forum esawiah.com
does not necessarily express the opinion of its administration, but it's just represent the viewpoint of its author