منتديات العيساوية - للبنات المستعجلات على الزواج

لاتحسبين العرس توفي وكتكات
ولاتحسبينه توكس ولابونتي

ولاتحسبين العرس تصفيق واصوات
وأنتي على صوت الغطاريف همتي

ولاتحسبين العرس كوشه ولمبات
وأنتي كما الطاؤوس فيها جلستي

ولا تحسبين العرس أحلام بالشات
ياما بنيتيها وياما هدمتي

ولاتحسبين العرس روحه وجيات
هيا اقضبي بيتك عسى مانهبلتي

ليله سعيده وأنتي أحلى الجميلات
تشخص عيون الناس اذا حضرتي

(واللاينر)حطيه بلا زيادات
لايخرب المكياج اذا دمعتي

(والمسكره)تحتاج لطف ومدارات
حتى يبان الزين اذا رمشتي

(والاسبريه)رشيه حتى الخصيلات
يمسك شعرك زين لو كان زدتي

وترى(المحدد)فن يحتاج رسمات
يبان رسمه زين اذا ابتسمتي

العرس يابنيه ماهو شعارات
تفنى مراسيمه وتبقين أنتي

ويبقى شريك العمر راعي الطويلات
هذا هو العرس حقيقه عرفتي؟

أول نصيحه لك حفظ الصلوات
صلي العشاء والفجر في كل وقتي

وفي ليلة العرس الموقف بالذات
ادعي الكريم اذا سجدتي

والتعري لاترضين عند الكوفيرات
ولبسك يملى العين اذا لبستي

والي على زوجك تحرضك مرات
أرجوك شوتيها شوتت بلنتي

والصبر في العشره حتى على فتات
ياما حلا فعلك يومك صبرتي

واذا حفظتي السر مع المدارات
زوجك ترى في عيونه كبرتي

والسوق يعني هاه وقت الضرورات
ولاترى زوجك يدور لمفتي

زيدي الغطايه وكثري في العبايات
والله يرضى عليك اذاسترتي

أوصيك بالكبسه وكثر اليدامات
حتى لو انك من سببها متنتي

وخلي الرجيم الي فشلتي فيه مرات
سويه مره وحده اذا ولدتيhttp://forum.te3p.com/images/smilies/f55.gif

منقول لعيون احلى بنات ولاحلى منتدى[FONT=:Arial][SIZE=:6;"][FONT=:Arial][SIZE=:6;"][FONT=:Arial][SIZE=:6;"]
[/SIZE][/FONT][/SIZE][/FONT][/SIZE][/FONT]