السلام عليكم...
عجبني السؤال.... وخصوصا انو بيطرح اكتر من فكره...
1- الحب اكتر من مره
2-نسيان الحب
بدي احكي نقطه وبتمنى تشاركوني فيها....
الواحد لما يكون عم يطلع بالدائره وهوه فيها اكيد مش ح يشوفها متل لو كان خارجها...
وهيك الحب....لما نطلع ع الحب او ع الشخص اللي بنحبوا واحنا معو واحنا بداخل دائره الحب... بنشوف انو حبنا صادق وانو حب حقيقي وحتى لو بعدنا عنو...(بس بقينا مسجونين فيه وبذكراه)...بردو ح يكون بنظرنا انو حب حقيقي...بس لو بعدنا عنو ولقينا حب جديد..بغض النظر عن السبب اللي خلانا نبعد عنو اذا كان بارادتنا او لأ... بمجرد ما انو لقينا حب جديد... ح نقدر نشوف اللي فات ح حقيقتو... ح نلاقي انو احنا اما كنا معجبين بالشخص(ما بنحبو)...او انو كنا محتاجين لانو نحب فما صدقنا واحنا نلاقي حد نعلق عليه حبنا... او انو الحب كان من طرف واحد وهوه من الطرف التاني... بس احنا توهمنا الحب او يمكن حبينا الحب بس فعليا ما حبينا الطرف التاني....
يعني فعليا ما في حب بيمحي حب...... لا...في حب بخليك تعيد النظر بحياتك السابقه... لانك بكل بساطه اذا قارنت الحب الاول بالتاني ح تلاقي الفرق كبييييييييييير ووقتها ح تعرف بجد شو الحب....
اللي بدي اقولوا انو الحب واحد... يا بنعيشو ومش ممكن ننساه...يا بنبعد عنو وبردو مش ممكن ننساه... وما في شي اسمو حبين صادقين...
ما بعرف يمكن ما قدرت اوصل الفكره اللي براسي بكلمات مفهومه...يمكن التعبير خانني ببعض الجمل...
بس بالنهايه بتمنى تكون فكرتي وصلت
وبالنهايه بحب اشكرك اخي ع السؤال...
دمت بحفظ الله
اختك ليل الهجر
|