وعليكم السلام ورحمة الله وبركاته
أول اشي الله يبارك فيك .. وغلبناك الصراحة معانا بما إنك نزلت موضوع المباركة .....
يا جماعة ليش انتوا بتاخذوا الإشي من الناحية السلبية على طول وما بتنظروا للإيجابيات .. يعني مثل هالأخ هون منزل مباركة علشنا خسرنا .. ولما نفوز يا دوب نلاقي ردود على موضوع المباراة ......
وأنا مش فاهم انت يا العيسوية معشوقتي محامي دفاع عن باسل ولا شو ... الأخ ما بدو يدرب لأسبابه الخاصة بالرغم من الإلحاح عليه بالرجوع للفريق ...... الموضوع إتسكر من زمان والكل عرف السبب ....
بالنسبة للمباريات اللي بعملها عاصم وإدارة النادي ..... يعني بنظري الإدارة بتقول مش خالصين معاكم إن ما عملنالكم مباراة بتصيروا تترجوا يعمللوكم مباراة ، وإن عملولكم مباريات صرتوا العكس ....... إحترنا يا صلعة من وين إنبوسك ......
ويا أخي المباريات فيها فوز وخسارة ..... والخسارة اليوم كانت من نصيبنا .. ضروري نحط اللوم على فلان وعلتان .... بدل ما تشوفو شو الأخطاء وأسباب الخسارة وتتعلموا منها؟؟ .... وعلى فكرة إحدى أسباب خسارتنا لليوم ... هو إستهتار اللاعبين بالتدريبات وعدم إلتزامهم بها ....
تقبلو تحياتي _ محمد نخال