شو مالكم خايفين ومش عارف شو ..
والله لو انها اول مرة بتطلع نتائج توجيهي ..
صارلهن 50 سنة بطلعن .. وكل سنة الطلاب ببكو مرعوبين ع الفاضي ..
انتو تخافوش .. وتوكلوا ع الله .. وخلي ايمانكم بالله كوي .. ولو ..
بعدين الخوف مش راح يرفع النتيجة ..
ونصيحة مني لالكم .. ما تفكرووووش بالنتيجة من هان لتطلع .. واذا طلعت ما تسالوش عنها .. هي بتيجيكم تطارد ..
..
المكتوب ع الجبين بدها تشوفه العين يا جماعة ..
وانا متاكد انه كل واحد عارف حاله من ناحية ناجح او .. لا سمح الله راسب ..
بتغلب حالك وبتفكر كثير ومش عارف شو ..
ع فكرة كل ما زادت مدة التفكير كل ما الحالة النفسية تدهورت ..
وفي الاخر الواحد بقنع حاله انه راسب .. وعند النتيجة بتلاكوه جاب الاول ع المدرسة والا حتى المحافظة كلها ..
...
المهم ..
انا كثير برم ع الفاضي .. لو بدي اظل احكي .. بحكي للصبح .. بس ع الفاضي ..
زي ما حكيتلكم تفكروش في النتيجة وسوو زي انا .. بفكرش في النتيجة بالمرة ..
طول وكتي بفكر في الاكل .. وهيني كاعد ومرتاح نفسيا وكلشي تمام ..
نصيحة فكروا في الاكل ..
حتى اذا بدكم .. اسالوا اهلي ..
ببكا في الشغل .. بتتصل امي تحكيلي شو في اخبار للنتائج اول باول ..
انا طوالي بحكيلها .. شو طابخة اليوم ؟؟
جهزيلي الاكل بدي اجي اوكل .. ومن هالحكي .. وبننسى النتائج ..
ع فكرة انا سويت هيذ لاني اقتنعت انهن النتائج راح يطلعن السنة الجاي مش هاي السنة ..
المهم ..
الله يوفقنا ويوفقكم يا رب ..
وينجح كل طلاب التوجيهي (( اللي درسوا وتعبوا )) وبالذات العساسوة ...
وان شاء الله .. يوم الثلاثا بدنا نكلب المنتدى احتفالات ودندرة .. وكصص ودوواوين ..
لانه كل الاعضاء التوجيهي ان شاء الله راح يبكوا ناجحين ..
ع فكرة ..
انا حاسس انه في طلاب عساسوة .. راح تبكا معدلاتهم في التسعين .. هاي السنة واكثر من واحد .. او بالاحرى اكثر من وحدة ..
بس مش انا !! للاسف ..
المهم
(( ع فكرة اكم مهم صار عنا ؟؟ ))
مش بحكيلكم كثير برم ع الفاضي ..
سلام سلام
|