يا هلا بعمو فؤاد والله...
زمان عنك....كيفك بالدراسه؟ ان شاء الله تمام؟؟؟
يللا نبلش بأسئلتك.....؟
==============
السؤال الاول : -
كيف كان رأيك لما انجحتي في المسابقه .؟.؟.
المســـــابقه....اول شي بدي اشكر اخونا دعاء الكروان على جهدو الملحوظ بالمسابقه لانها بجد كانت على مستوى....واللي كانوا مشتركين فها اكيد لاحظوا هالشي لانو بجد الاسئله كانت صعبه مع ان النت كان بين ايدينا ومع هيك كان في صعوبه
اما بخصوص احساسي وقت نتائج المسابقه...ف اكيد كنت كتيييييييييييير مبسوطه وبصراحه ما كنت متوقعه انو يكون فريقي المركز الاول...كنت متوقعه نكون الثاني...
السؤال الثاني :-
شو رأيك في :-1-
العيساوي :بالنسبه اللي شخصيه غامض (لاني ما حصل واتعرفت عليه معرفه شخصيه قبلهيك)....وشخصيه تستحق كل الاحترام على قيامو بتأسيس هذا المنتدى للبلد واهلها (بدون اي فائده تعود عليه)
2-خيال البلد :شب جدع وبتمنالو التوفيق بعد ما نجح بالتوجيهي.....
3-المنتدى بشكل عام :قلتها قبل هيك وبرجع بكررها....بجد انو اكتر نتدىاتعلقت فيه وحبيتو...(وعلفكره عملي كتير طوش مع اصحابي وزمايي وكمان قرايبي ...لانو الكل حاسس انو المنتدى عندي دايما بالمركز الاول حتى ع حساب علاقاتي)
4-وانا هه . .؟.؟.انت؟؟؟ولو هادا سؤال ينسأل؟؟؟؟تسلملي الحطه اللي بتدبك فيها ههههههههههه
شو بدي اقلك؟؟والله بتستاهل كل خير.....
السؤال الثالث :-
1. ايش اكتر شي بتكرهيه . وليش .؟.؟.
الظلم.... بكرهو لاني بحس حالي ضعيفه قدامو وما بقدر اني ارفعوا عن العالم....
2.ايش اكتر شي بتحبيه .وليش .؟.؟.
حاليا؟؟؟النووووووووووم....هههههههههههههه لانو اللي فتره منيحه ما نمت....
السؤال الرابع :-
شو رأيك في البنات البتزوجو بدري وشباب كمان ( الزواج المتبكر ) .؟.؟.
اول شي بحترم كل الاراء....يعني في ناس بأيدو الزواج المبكر لحمايه الشب والصبيه من ال.....................
بس انا برأيي انو الزواج بدايه حياه....ومش لعبه..وبالتالي اكيد انا ضدو....
يمكن زمان كانو العالم يتزوجو بكير لانو ما كان في علم ودراسه لا للبنت ولا حتى للشب....والوحده كانت متل ما اتربت تربي ولادها...ودنيا وماشيه....
بس هلأ الوحده اخوها الصغير بطلت عارفه تدرسو (مع اختلاف المناهج) ف كيف ح تدرس وتربي ولادها؟؟؟واكيد الشب نفس الشي...لانو التربايه ما بتقتصر بس ع الام....
منشان هيك بفضل انو الشب والصبيه يكونوا مخلصين مرحله منيحه من دراستهم قبل ما يفكرا بأي خطوه من هالقبيل...
السؤال الخامس :-
كيف كان احساسك في رمضان ( كيف مر عليكي ) .؟.؟.
بخصوص رمضان هاي السنه...مر علي متل ما مر ع كل المسلمين بالدنيا ...(اسرع من البرق)...
بجد انوا حسينا فيه....وبنسأل الله يعيدو علينا وعليكم بكل خير وصحه
بشكرك ع الاسئله الخفيفه وبانتظار اسئله جديده...
ليل الهجر
|