[وفاء العيساوي]

والله موضوع مهم
الحقيقة اذا الشخص كان صاحب مبادئ وقيم في حياته ف وين ما راح مابينخاف عليه
انا بدرس في جامعة العلوم والتكنولوجيا الاردنية وفي عنا عدد كبير من المغتربين في الجامعة ... من فلسطين الضفة وال 48 ومن الخليج ومن ماليزيا ومن كل مكان واللي شفته انه موضوع الدراسة في الخارج بيعود للشخص نفسه... يعني...
في طلاب ما بيقدروا يتحملو المسؤولية فبتكون حياتهم في السكن والجامعة كتير مكركبة
في طلاب لما يبعدو عن اهلهم بيفلتو وهاد اسوأ شئ ممكن يكون
وفي ناس لما بيتغربو بيكونو متحملين للمسؤولية ودايرين بالهم على دراستهم ومجتهدين جدا وهاد احسن نوع وانا شفت منه كتير لانه بالعادة-مش دايما بس غالبا- اللي طالع ومتغرب واهله معطينه ثقتهم بيكون على قد المسؤولية وما بيحب يخيب امل اهله فيه
واذا انت بتسأل عشان انت حابب تدرس في الخارج فبحكيلك اذا انت قادر على تحمل مسؤولية حالك وعندك مبادئ ثابتة امام كل المتغيرات اتوكل على الله وشوف مصلحتك وين بتكون بس بعتقد انو في النهاية لازم يكون هالعلم لمصلحة بلدك يعني ضروري ما تاخدك الغربة وتنسيك بلدك
وبالتوفيق دائما
اختكم وفاء العيساوي
طب اسنان