الموضوع: زائر في البيت
عرض مشاركة واحدة
قديم 30-04-2008, 03:30 AM   #7
ليل الهجر

الصورة الرمزية ليل الهجر
 
المعلومات الشخصية

التقييم
قوة السمعة: 10

ليل الهجر عضو في طريقه للتقدم




مرحبا يا صبايا ويا شباب...
اولا بشكرك نونا على هالاستضافه...
وبشكرك انتي وراما على هالفكره الحلوه...
وبعتذر ع تأخري بالرد....

نبلش بالاسئله؟؟؟

1_ ما هو تعريف المفردات الاتية من منظورك الشخصي؟؟

* الاسرة :الاسره هوه المكان الوحيد الذي يضمك طوال ايام السنه ومهما كانت الظروف

* الامومة: شيء لم اجربه بعد لكن من مشاهدتي لمن هم حولي ف الامومه تعتبر من اعظم العواطف التي

* الأبوة: عاطفه لا تقل عن الامومه...ما بعرف ليه الناس بغيبوها...


2_ ما تأثير تشجيع الاهل على طموحات الابناء؟؟

اكيد التأثير كبير ...لان الاهل همه اول مؤثر خارجي على شخصيات ابنائهم ف بايدهم انهم يهدو هاي الطموحات او يعززوها...خصوصا بسن صغير

3_ كم من الضروري وجود لكل فرد اسرة؟؟
طبعا هادا الشي بمنتهى الضروره...لان بالنهايه الاسره هيه الملاذ الوحيد بعد تخلي الجميع حتى الاصدقاء...صديقك ممكن انو يتركك بس اسرتك اكيد لأ...

4_ ما هو ترتيبك في الاسرة؟؟
نمبر 1 هههههههه

5_ هل الديكور شيء ضروري في المنزل ؟؟
طبعاااااااا...وانا دايما المسؤوله عنو....كتير بتابع الديكورات العالميه... والحمد لله عندي مقدره ع الابتكار بهادا المجال خصوصا اني كنت ناويه احترفو ك دراسه... بس للاسف المجال هادا مش متوفر بالطريقه المرغوبه ببلدنا ...

6_ هل الالوان تساعد في الراحة النفسية؟؟
اكييد.... اثبتت الدراسات انو حتى لون الحيطان بغرفة الصف بالمدرسه الها تأثيرها على مدى تركيز الطلاب او بالعكس تشتيتهم... يعني مش من المنطق تعمل غرفه صف يكون لون الحيطان فيها خمري او اسود او كحلي....مع انها الوان حلوه وممكن تكون كتير انيقه اذا خلينا حائط واحد بالبيت بلونها...

7_ الابن يعكس صورة اهله ما رائيك في ذلك؟؟
الابن يعكس صوره لكنه ليس نسخه عنها... يعكس مستوى الثقافه البيتيه (مش التعليم) بقصد فيها اسلوب الحوار بين الاهل والابن والعلاقه بيناتهم...ويعكس مدى التربيه في هذه العائله...يعني اكيد من الابن ممكن تعرف اذا كانوا الاهل منفتحين من ناحيه الحوار بيناتهم او لأ... واكيد ح تقدر تحدد مستوى التربيه والاخلاق بهاي الاسره...
بس اكيد الولد مش صوره عن اهلو لانو بالنهايه كل واحد الو شخصيتو المستقله والابناء مش نسخ عن اباءها


8_ اعتذارالزوج لزوجته هل هو ذل ام احترام للذات ؟؟
اكيييييد هالشي مش ذل....اكيد هوه احترام للذات قبل كل شي... لانو كل شخص مسيء المفروض انو يعتذر بغض النظر الاساءه لمين موجهه....بس يعني انا برأيي مش بالضروره يركع ويتأسف... بعتقد انو ورده كفيله بحل كل المشكله واكيد احلى اعتذار...
9_:هل يتوجب علينا ترك أطفالنا يحصلون على حسابات بريد إلكتروني خاصة بهم?؟
ليش لأ؟

11_هل يمكن أن يصبح الأطفال من المدمنين على الإنترنت ؟؟
هادا شي اكيد...خصوصا بوقتنا هلأ... الرسوم المتحركه ع الانتر نت ...والدراسه ع الانتر نت...والاصحاب ع الانترنت...والتسليه والجايم كمان ع الانترنت...يعني لو بدي احسبها بطريقه 1=1=2 يبقى ما في داعي اتحرك عن الكمبيوتر اصلا لانو كل حياتي عليه..... بس انا بهادا السن اكيد بقدر احدد مدى صحة الاشياء او خطورتها وبأقلم حالي (بصعوبه بكل صراحه) فما بالكم بطفل؟؟اكيد ح يجرفو الانترنت ويخليه من مدمنيه...

12_ هل يحق للرجل في المنزل ضرب المرأة؟؟
اكييد لأأأأأ.... وقول الرسول باباحه الضرب للزوج لم يكن بالمعنى المفهوم حاليا للضرب (التوريم) وكان بحالات خاصه شبه معدومه.... وبالتالي ما في اي حق لضرب الزوجه حاليا...

13_ هل الصراحة ضرورية في الاسرة؟؟
اكيد...بس للأسف مش دايما بتكون...لانو في اشيا ممكن تحكيها لفرد من افراد الاسره مش ممكن تحكيها للتاني... وفي حاله تغيب هدا الفرد يبقى ح تكون انت كاتم اسرارك ومش ح تبوح فيها....
يعني متلا في اشياء بتنحكى للاخت مش للام...او للاخ مش للاب... وفي حاله عدم توفر الاخوه يمكن يكون من الصعب البوح بكل صغيره وكبيره


14_ حسب رائيك هل الفتاة علاقتها اقوى بوالدتها من والدها؟؟
اكيد....وهالشي واضح بالغمز والهمس بيناتهم ههههههههه

15_ تمرد الابن على الام في غياب الاب امر طبيعي ما رائيك بذلك؟؟
الام هيه التي تسمح بذلك... باعتقادي ان الام يجب ان تكون على قدر من الحزم...(مش كل شي... استنى بس يجي ابوك بقلو شو سويت اليوم)...

16_ كيف ساعد وساهم الدين الاسلامي في التريبة الصحيحة للابناء؟؟
اكيد ديننا الاسلامي هوه اول منهج صحيح لتربيه الاطفال ...وهالشي بيتجلى بالقران الكريم والسنه النبويه الشريفه

17_ هل لنا بصورة لبيت احلامك؟؟
بيت زغنوووووووووت ما فيه شي الا الاشيا اللي انا بحبها وما بقدر استغنى عنها....يكون قدر المستطاع بعيد عن الناس...(مش ع القمر يعني... بس مش بين الف جار وجاره واولاد بتلعب بالشوارع)

18_ كيف كانت استفادتك من القسم؟؟
بصراحه القسم مفيد... بالاول كانت افادتي مقتصره من ناحيه الديكور واخر الصيحات في عالم المنزل...بس الاستفاده كتير اوسع من هيك... والدليل هاي المناقشه الحلوه بيناتنا

19_ ما هي افكارك الجديدة للقسم؟؟
والله في موضوع براسي حابه فكرتو كتير بس مش عارفه كيف بدي اصوغها بطريقه تلاقي انجذاب من الاعضاء...لانو الموضوع بدو تفاعل...
اكيد مش ح احكيلكم ع الفكره هلأ


20_ كيف كانت الاسئلة ؟
نااااااااااااار...هوه بيني وبينكم انا اتوطت بهالدخله ههههههههلا بجد اسئله كتير حلوه وبتخليك تفكربريقه سريعه (عصف ذهني)

بشكركم ع الاستضافه الحلوه
وسااااامحونا ع التأخير
ليل الهجر
التوقيع:


استحلفكم بالله ......ادعووووووووووولي الله يحققلي اللي بخاطري ويريحلي بالي
ليل الهجر غير متصل   رد مع اقتباس