[همسة الاحساس]

إنت الغرام وهــــــواي ومـــدي وجزري

حبك حفــظته مثل دانـــــه بمحــــــاره



ياكيف لا!! وإنت قلبك حافظ(ن) قدري

والطيب لامن زرعته تجني اثمـــــاره



ناديتك الغالي اللي حاضر بشعـــري

وسكنتك اللي لقلبك بيـــح أســـراره



قربك يخلي عروق الدم بي تجري

وبعدك عذاب لخفوق(ن) تشتعل ناره



كم ليلة(ن) في غيابك وأنت ماتدري

أحييت صوتك وعشت بنغمة أوتاره



وإليا لمحتك قريب(ن) من بعد صبري

ماكنك إلا سحاب(ن) هلت أمطــــاره



لو تطلب الروح مني فدوتك عمــري

ماأبخل على من حضني داخل أسواره



وان حالني دون وصلك عارض(ن) بأمري

قدر جفا من يحبك واقبـــــل أعـــذاره



وإليا صدف لك نهار(ن) مر به ذكري

أكرم دعاك لمحب(ن) ســــار لأقداره
</B>