[just fofo]

متزكر كنت بتعمل ايه فى رمضان (( وانتا طفل )) ؟؟



اصلاً هاده شي مابتنسى كنا نلتم احنا وبنات وولاد الحاره وعطووول

ع دكان نشتري الخريس ونشتري طقيع ونبلش نلحق بعض وياويلي وكانت

زعرنجيه بالحاره الاخت سيلينا هههههه وبصفارة منها كانت تجمع الكل

وقبل الفطره عند ساعه 12 وكأنو ادن المغرب عندي وابلش اكل

ذاكي وابلش اكل بالخفيه بس ماكان حد يعرف انو بفطر كنت اعمل

حالي صايمه عشان كانو يضلو يحكو صايمه دهبه والمفطر خشبه وانا

كنت اقل عقلي كتير بهل عباره واحكيها كيف لو يعرفو اني مفطره :4_12_12[1]:

وكان صايم الو دلال خاص ع موعد الفطره وغير المصروف ورشاوي


كان شو اكتر اشي فى رمضان وانتا طفل بتحبو؟؟

لما اطلع العب بالحارة والالعاب ناريه واني ماكنت احس في لاني

ماكنت اصوموا


شو جو رمضان اللى كنت بتحسه زمان وانتا صغير ؟؟

جو كتييير حلو وممتع وكان لرمضان ميزه خاص عندي بذات لما انزل

مع امي على السوق كنت استنى دوري استني عشان انزل معها

شو الاختلاف بين رمضان هلاء ورمضان زمان ؟؟

هلاء بصوم ههههه والحمدالله

هلاء فيش طلعه :3eb4e7b3: غير مايخلص جلي وشغل دار
وغير هيك كلشي خلص عيب كبرتي زهقونا بهل كلمه

قبل بعد رمضان كان يجي العيد وبنسبه العيد النا كان شي كبير

لكن هلاء عادي مابنحس في

غير هيك بدك ضلي واقفه على ايد امك بالمطبخ تساعدها وتتعلمي وتكوني ميته من الجوووع




اوووووف شو هلاء وشو كان زمان الله يرحم هديك الايام




هههههههه وهاي خلصت مزكرياتي الرمضانيه بدها كتاب الها لحالها لتخلص

ليل الهجر مشكوره على الموضوع الرائع

مع اجمل تحياتي لكي