08-01-2009, 02:39 PM
|
#15
|
|
عيساوي نشيط
|
الله اكبر الله اكبر لا اله إلا الله
الله اكبر سمعتها ولبيت
اخدت ولدي وللمسجد مشيت
وهناك رفعت أيدي .. كبرت وصليت
نزلت دموعي علي جبيني ... دعيت
يا رب فرج عنا .. بحق أهل البيت
الله اكبر الله اكبر لا اله إلا الله
وسمعت صوت يخلع قلب الوليد
صوت انفجار قريب مش بعيد
بكيت اكتر وبكي كل العبيد
يا رب ولادنا نسوا فرحة العيد
ببص جنبي لقيت ابني شهيد
الله اكبر الله اكبر لا اله إلا الله
بصيت وشيلته .. ضميته بكفوفي
وقلبي صرخ ... والصرخة في جوفي
مكتومة بتقتلني... ويدبحني كمان خوفي
والدمع عامي عيني.. والله ما تشوفي
الله اكبر الله اكبر لا اله إلا الله
وصوت تاني يدوي.. يرج القلوب
وناس حواليا تجري في كل الدروب
وأنا شايل ابني .. في وشي ألف غروب
واصرخ جوا نفسي .. ااه يالمحبوب
حيطان المسجد حولي.. بقت رماد وطوب
الله اكبر الله اكبر لا اله إلا الله
صوت الآذان انتهي.. ومت أنا حنبيه
لقيت ابني صحي... في حضني خدته احميه
لقيت ملاك في السما .. بيشده من ايديه
شدني معاه لفوق... لنعيم وعايش فيه
المسجد كتب قصتي... والمئذنة ترويه
الله اكبر الله اكبر لا اله إلا الله
|
|
|
|
|