[سيدرا]

الزواج المبكر الو سلبيات كما انو الو اجابيات

اجابيات انو لما الشب يطلب من ابو انو يتزوج انا بأيد انهم يزوجو لانو هيك الدين بيحكي انو لما الشب بدو يتزوج انهم يزوجو
وطبعا قصدي واضح جدا
يعني الحلال ولا الحرام

اما بالنسبه ل السلبيات وهي كثيره :
اول شي الوعي عند الطرفين بيكون لسا مش ناضج وهون بيسير مشاكل ومن المشاكل الصغيره ما بيعرفو يتصرفو مع بعض ف بيأدي بالتالي ل الطلاق
الزواج شد ورخي
يعني هاي المره الزوج يشد المرأه لازم ترخي والعكس صحيح
المشاكل لا بد منها ولكن بدك عقل متفتح ناضج يعرف يتصرف
تاني شي الشب بفيق من هالحلم الي وضع حالو فيه يعني بعد اكم من سنه وببلش يندم كنت صغير بدي وحدا جديده انا ما كنت واعي متل هلاء طبعا كل الرجال هيك
بصير بدو صبيه يتزوجها وبصير بدو يغير حياتو (بعد الكبره جبا حمره)
ممكن كمان مشكله كتير شايعه ما بكون عندو شغل مستقل وثابت وهادي مشكله كبيره
والمصيبه الاكبر لما يصير في اولاد
والله شبابنا وبناتنا الصغار بقبلو ع الزواج بفكرو الزواج بدله ودهب ورقص .....والخ
وبعد ما يقع الفاس براس بيعرفو شو هو الزواج وببلشو يقولو يا حيف ويا ندم

عشان هيك
انا بطلب من الاهل انهم يوعو ولادهم بالاول قبل الزيجه وطبعا العمر المناسب للشب ازا كان يشتغل بتخيل 23 ممكن يكون واعي ويدبر امورو اما البنت 20 منيح البنت دايما بتكون اوعى من الشب يعني البنت الي عمرها 18 اوعى من الشب الي عمرو نفس عمرها

بلختام
اسفه على الإطاله

تحيتي