16-09-2008, 10:04 PM
|
#1 | |
|
عضو جديد لنج
 |
اخوتي واخواتي .. انا اشتركت بالمنتدى لما قرأت عن هادا القسم ... لأنو بجد بحاجه لحد يساعدني بمشكلتي انا طالبة جامعيه ..علاقتي ممتازه مع الكل من صبايا وشباب بيوم.. في زميل الي بالجامعه وبنفس التخصص كمان طلب مني الميموري فلاش تبعتي ينقل عليها ملفات الو ... اعطيتو اياها لمدة نص ساعه ورجعلي اياها .... وراحت الايام وبعد تقريبا شهر في معلومات كانت عندي ع الفلاش ميموري وبالغلط محيتها ... ف جبت برنامج برجع المعلومات اللي انمحت كلها عن الميموري ... ورجعت كل المعلومات اللي كنت مخزنتها ومن ضمنها الاشياء اللي كان مخزنها هادا الشب ... وكان في صور الو مع صبايا و....و...و.... زميلي هادا على علاقه مع صاحبتي (بحكم المخطوبين تقريبا...اهلهم على علم بالموضوع وعم ينتظرو يخلصو السنه هاي منشان الخطبه ) وانا لما شفت الصور.....بصراحه ما قدرت اتحكم باعصابي ... ف رحت سألت صاحبتي شو ؟كيف علاقتك معو هاي الايام؟؟قالتلي انو في بيناتهم مشاكل وشكلهم ح يتركو لانو هوه مش واضح معها وبتشك بتصرفاتو.... وقتها حكيتلها عن الصور اللي لقيتها... ووعدتني انها ما تجيبلو سيرة انها عرفت عن طريقي ...لأنو زميلي بنفس التخصص علاقتي فيه ممتازه وفوق هادا كلو مشروع التخرج تبعي ح يكون معو يعني ح يبقى معي سنه كامله وح اضل اشتغل معو طول السنه ... فما بدي يكون في بيناتنا حزازيات... المهم حكت معو بخصوص الصور وكبرت المشكله بيناتهم وبطريقه او بأخرى وحكتلو انها عرفت بخصوص الصور عن طريقي ..وحكتلو انو انا ما الي علاقه وانو ما يبينلي انو عرف وانو ما يغير اسلوبو معي والخ الخ الخ. وبعدها قطعت علاقتها فيه .... المشكله ... علاقتي بالشب هادا ك زميل كانت ممتاااااااازه .... زميل خدوم جدا ومشروعي التخرج معو ..ز وما عندي اي مأخذ ع اخلاقو او على تصرفاتو مع اي شب او صبيه عنا بالجامعه بس هلأ حاسه انو انا بعملتي هاي خنتو او عملتلو مشكله مع انو ما عمل معي الا كل خير بس البنت صاحبتي وما قدرت اسكت ع اللي شفتو... حاليا بتصرف معو وكأنوا ما في شي صار... وهوه بحاول يتعامل معي بشكل طبيعي (بس طبعا مش زابطه معو) بيني وبين حالي مش ندمانه ....لانو غلط ومن حقي انبه صديقتي .... وللحظه حسيت انو انا نبهت صديقتي وهيه دبحتني لما حكتلو اني انا اللي حكيتلها ... وندمانه لاني خربت علاقتي بشخص بحياتو ما قدملي الا كل خير مش عارفه شو اعمل... صديقتي من يومها وانا مخففه علاقتي فيها ..لاني حاسه اني ساعدتها وهيه اذتني كتييييييييير وزميلي ...علاقتي فيه تمثيل بتمثيل .... انا بمثل انو ما في شي ... وهوه نفس الشي ...بس انا تعبت ومش قادره استمر على هالحاله خصوصا انو ارتبطت بهادا الشب لاخر السنه منشان مشروعي التخرج ساعدوني .... مش قادره استمر بالتمثيل انو ما في شي لانو الوضع مش طبيعي مش قادره اناقشو بالموضوع لانو ما في بيناتنا كلام خاص (بغير موضوع الدراسه) مش قادؤه ابتعد عنو حاليا منشان مشروعي التخرج بترجاكم تلاقولي حل |
|
|
|
|
18-09-2008, 11:31 PM
|
#2 | |
|
عيساوي زعيم
|
كلشي جواتك إحكيلو إياه بطريقه محترمه جدا وخلوقيه مش تحكي الحكي من دون ما توزنيه رتبي حكيك وإحكيلو القصه (الحقيقه) وأنا لو محلو بس بتطلع على جرأتك ومن ثم على خوفك على صديقة عمرك و لو أنا محلك بقطع علاقتي بصديقتي بتمنى إنا أكون فدتك |
|
|
|
|
18-09-2008, 11:48 PM
|
#3 | |
 
|
بس هادا بيعتمد على الصور اللي شفتيها ... يعني ممكن تكون صور خاصه بحيث انك تجلي تفاتحيه بموضوعها... نشوف رودو باقي الاعضاء |
|
|
|
|
19-09-2008, 03:35 PM
|
#4 | |
|
عيساوي VIP
|
بس يا اختي انا برأيي انك تسرعتي طيب انتي شو عرفك انه هالبنات غربة عنه ؟ بلكن خواته أو قرايبه فكري انتي فيها منيح الا ان كانو الصور ما بوحو على انه الشغلة فيها اخوة أو قرابة ومتل ما واجهتي صديقتك في اللي شوفتيه فكملي معروفك وواجهي زميلك في اللي صار أما سكوتك هو اللي ح يخرب عليكي مشروعك الجامعي. على كل حال انشالله تنحل مشكلتك والله يوفقنا ويوفقك تحياتي الك |
|
|
|
|
19-09-2008, 04:58 PM
|
#5 |
|
عضو جديد لنج
|
بس بصراحه انا مش ندمانه لاني حكيت لصاحبتي عن الصور لانها ما كانت صور بس كان في برنت سكرين لمحادثة مسنجر ومكتوب فيها كلمة (بحبك) طبعا لبنت .... بس المشكله على قد ما هذا الشب اذى صاحبتي ...على قد ما قدملي الا كل خير ومساعده بكل شي صاحبتي ما بتستاهل منوا هالشي ... وهوه ما بيستاهل مني اللي عملتو..... بس هيه صاحبتي....وهوه ما اذاني... وللأسف متأكده من الصور ...صور كتييييييييييييييييير بس لبنات (هوه مش موجود فيها )... وكمان صور لبنات هوه كان معهم شو اعمل؟؟ |
|
|
|
19-09-2008, 05:10 PM
|
#6 | |
|
عيساوي مبدع
|
نا برأي أنوالحق مش عليكي ولا على الشب الحق على البنت الي رضيت تتصور معاه انا ما بأمن بخطبه بس هيك كلام بكلام يعني كيف رضيت على حلها تتصور معاه ثاني اشي انتي ليش معقده الأمور يعني هو فش الا هو زميل الك في الف زميل بعدي لو انا محلك يعني ما بحكي معاه لأنو مش أمربه بنات الناس مش لعبه بئديه بعدين بدي تسئليه بتقبل أخوتك تتصور مع واحد وهوا مش خطبها شوفي شو الرد وشكراً ربيــــــ البلد ـــــــــــــــع |
|
|
|
|
21-09-2008, 01:52 AM
|
#7 | |
|
عضو مميز 
|
خيتو انا برأيي انو الحكي الي حكتي مزبط وكويس بس هلحين كيف بدك اترجعي معاملتك مع الشب بتروحي عليه هيك في كعدة مرتبة رتبي معو كعدة عندكم بالجامعة وزبطي الوضع زاحكيلو بدي اياك بموضوع وحكيلو انو بكفي تمثيل على بعض ولازم نشوف حل لانو مش كويس الي عملتو وفهمي غلطو حرام اتضلو هيك ويمكن يكون الشب فهمان اذا طالب جامعي لازم يكون فهمان ويعرف انو هو غلط ومش لازم تتكرر لانو عيب عليه شرف العالم مش لعبة بس جيبلو اياه بطريقة مأدبة وكويسة لانو والله حرام اتضلكم هيك بتيعو على حالكم تعب التخرج كلو ان شا الله يكون الشب من الناس الي بتفهم ويوخد الموضوع بكل جدية ويحس بالمشاعر وهادا الي عندي والله يوفقكم سلامات |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
