12-12-2007, 07:05 PM
|
#1 | |
 
|
الأب مخاطب الابن : تعال وله الابن و بكل براءة : نعم بابا الأب :نعامة ترفصك .وبو يحشي بطنك.. تعال وله الابن : ليش شو سويت؟ الأب : سواك ضريب يخلع رقبتك الابن : شو فيه؟ الام : شاوي يشوي عضمك ....رد على ابوك بأدب وله الابن : هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم :يحضروا على قبرك انشالله ... لما ابوك يحكي انت بتخرس الابن :أخرس؟ الأب : ايوه ان شالله خرسه الابن: ماشي الأم: اجاك مشش بركبك ما تقوم منه انشالله ا لابن :مشش ؟؟؟ شو هاذا المشش؟؟ الأب: اما انك قليل حيا ...وبترد على امك كمان ؟ هات العصاي وتعال وله الابن: انا رديت على امي؟ يمّـه احكي كلمه الأم: موا يمزع نيـعـك وله ....حكيتلك اخرس الابن الان اصبح مغلوب على امره ومش فاهم ايش الموضوع وصمت الأب: أما جيل قليل حيا...احكي وله ... مالك انخرست الابن : شو احكي؟ اذا حكيت بتقولوا عني قليل حيا وبتشوفوني غلط الام :حيه الي تقرصك انشالله ... قلتلك تأدب وانت بتحكي مع ابوك الأب : ايش "بتشوفوني غلط" هاي ... شايفنا عميان ولا حول ؟ الابن : لا اله الا الله الأم : الله ياخذك انشالله .... يا ريتني خلفت ابن الجيران ولا انت الأب: انا مش عارف هاذا الولد متى بده يصير زلمه...دايما فاظحني بين الرجال الابن: طيب شو اعمل عشان تشوفني زلمه ؟ الأب: قلتلك اخرس وله الابن: يا الله ... يا الله ... يا جماعه شو مالكوا ... شو فيه ؟ الأم: اه صحيح انت ليش ناديت عالولد يا زلمه ؟ الأب :بتصدقي يا مره اني نسيت.... نساني شو كنت بدي منه هالكلب الاب : خلص روح ارجع على غرفتك يابا نورولي الصفحة بردودكم الحلوة |
|
|
|
|
12-12-2007, 07:10 PM
|
#2 | |
|
عيساوي جدع
|
هههههههههههههههههههههههههههههههه يا حرام الولد ههههههههههههههههه اه والله انو الاهالي هيك ههههههههههههههه ثانكس مدمر على الموضوع الروعة متلك ههههههههه mesoo |
|
|
|
|
|
12-12-2007, 07:12 PM
|
#3 | |
|
رئيسة القسم الثقافي
|
ههههههههههههههه نطشه شكرا جد نكشه ههههههههههه تحياتي |
|
|
|
|
|
12-12-2007, 07:15 PM
|
#4 | |
|
عيساوي مميز
|
عنجد يا مسكين مرسي كتير مدمر على خفة هالدم تحياتي .. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
