خواطر عن الحب الصادق والمشاعر الحساسه !!

[ريّانه]

[الخبـر كـاذب ولا منـك عــذر
وانت عارف والجماعـة عارفينـه
عارفيـن ان الخطـا منـك ظهـر
شايفينـه بـس يمكـن بالعينـه
الكرامة فـوق وانـت فـي حـدر
ولو تعنـا مـا وصلهـا خابرينـه
والغـدر طبعـك و لنذرهـا نـذر
ما اسامـح لـو عيالـه ذابحينـه
لو على روحـي برخصهـا هـدر
ما نهابه لـو جيوشـه ساندينـه
ما نخاف الموت لي منـه حضـر
وان بغيت الصدق شفنا عاشقينـه
الصخر نكسره .. اتعرف الصخـر!
لا وفوق الكسـر حنـا عاجنينـه
ليـن نوصـل للحقيقـة يـا قهـر
البحر وان صار هايـج عابرينـه
ما يضيع الحـق لـو باقـي فتـر
غير حقك مـا خذينـه وماخذينـه
الكلام يطـول مـا يكفـي سطـر
لي متى يكـذب وانتـو قاضمينـه
العبـو فينـا ومـا فينـي صبـر
الفكر اصبـح مشتـت و تالفينـه
السيـول تسيـل ودمعـه منهمـر
السموحه كـان منـي يالضنينـه
الله انـي مـن عرفتـه منبـهـر
شي مخلط عود و فوقه ياسمينـه
المطيـه اطيـع وتقـص الأثــر
خلهـا تسـرح وحبلـه هاملينـه
عيشتي خبـزه ونشطرهـا شطـر
تاخذي قسمـك وقسمـي تاكلينـه
العـذر عينـي طالـت بالنـظـر
كيف اناظر شي انتـي تناظرينـه
الهجر عنـدي مـا يصبـح هجـر
كيف وانتو يا عيونـي واصلينـه
والفراق معناه لـي فـات العمـر
ليش عني يـا عذولـي عاذلينـه
الظلام اصبح منـور لـي حضـر
من عرفته وهو خطـه شاغلينـه
الرقـم يبـدا بثلاثـه او صـفـر
او تبون الصدق من تم شايفينه..!!