ox إفـطـار لـمـشـرفـي الـمـنـتـدى xo

[ثائر ابو لبدة]

[align=center]



بينما كان أبو وديع يتجول في زوايا المنتدى ..
شعر أبو وديع بأن هناك خيانة وأن هناك شيئا ً ما يدبر من وراءه ..

الصمت يعم المنتدى .. أبو وديع لا يرى أحدا ً ..

بدأ ابو وديع كعادته ( قال يعني المحقق كونان ) يستكشف الأمر ..

بدأ يبحث هنا وهناك .. وبينما هو يبحث شم رائحة أكل منبعثة من مطبخ المنتدى ..

تأكد أبو وديع بأن هناك مؤامرة ما .. وان هناك خيانة ..


اتجه أبو وديع نحو المطبخ ليرى ما هذه الرائحة ( باله يفطر ) ..


فوجد أبو وديع ليل الهجر ترتدي ملابس الطبخ ومنهمكة في اعداد الطعام ..

( يا حبيبي شو هاي طباخة ولا nurse ) ..


أبو وديع : عالعافية يا ليل الهجر .. ( هلا بتصدق حالها ) ..

ليل الهجر : هلا أبو وديع الله يعافيك .. ( شو جابه هادا هلا ) ..

أبو وديع : شو عم بتساوي ؟! ( قال يعني مش شايف ) ..

ليل الهجر : مثل ما انتا شايف عم بطبخ .. ( شمتان فيي ) ..

أبو وديع : ( بصوت منخفض ) هه من مراقبة عامة للمطبخ على طول ههه ..

( الله يسامحك يا عيساوي ) ..

ليل الهجر : شو عم بتقول ؟! ( قال يعني مش سامعة ) ..

أبو وديع : لا ولا شي سلامتك .. بسبح الله ..

أبو وديع : بدك مساعدة ؟؟ ( انشالله تقول لا ) ..

ليل الهجر : انا ما بدي أغلبك بالطبيخ .. بس في شوية طناجر على المجلى .. أغلبك تجليهم !!

( والله لإيديك يفشفشوا من الجلي اصبر علي ) ..

أبو وديع : كملت يا حبيبي .. شو هالورطة !!

ليل الهجر : هي في ليف جلي وخريس بالخزانة نظفهم منيح !!

أبو وديع : كمان .. يا حبيبي .. هاي أخرتها .. ( بس ما بكون أبو وديع اذا بضلي بالمنتدى ) ..

ليل الهجر : شو أبو وديع صايم ؟ ( ما بكون ليل الهجر اذا بتطلع وفي طنجرة عالمجلى ) ..

أبو وديع : اه صايم اه ..

ليل الهجر : طيب الحمد لله ( بقص ايدي اذا صايم ) ..

أبو وديع : ما ازكى ريحة الأكل .. شكلك محترفة طبخ .. ( أصلا ً من يوم ما شفتك قلت عنك طباخة ) ..

ليل الهجر : اه انا من يوم يومي معدلة ..

أبو وديع : اه اه واضح .. ( بقص ايدي اذا بتعرف تقلي بيضة وعلى مسؤوليتي ) ..

ليل الهجر : والطناجر بلمعوا .. شكلك محترف عالمجلى ..

( خلص علبة الصابونة بدي اقول للعيساوي يخصمها عليه ) ..

أبو وديع : بس لشو كل هالأكل ؟؟

ليل الهجر : انتا ما دريت ؟ ( قال يعني مش عارف ) ..

أبو وديع : لا والله ..

ليل الهجر : اليوم في فطور جماعي بالمنتدى للمشرفين .. ( ما صدق لما سمع بالأكل ) ..

أبو وديع : والمشرفين كلهم بدهم ياكلوا من أكلك .. ( والله غير يتكحلوا ) ..

ليل الهجر : طبعا ً .. ( قال مش عاجبه اكلي .. ستو ما طبخت مثله ) ..

أبو وديع : أنا خلصت .. ( وأخيرا ً .. خليني اروح قبل ما تطلب شي تاني ) ..

ليل الهجر : ويـــــــــــن أبو وديع شايفتك .. تعال تعال .. ( قال هارب ما بعرف لسا في جلي الفطور ) ..

أبو وديع : اه في شي تاني .. ( الله لا يوفقني شو جابني هون ) ..

ليل الهجر : يلا بدنا نحضر الصفرة قرب يأذن .. ( قال يعني انه صايم ومش قادر ) ..


أبو وديع : يلا نشوف الصفرة .. ( قال عاملة مثل المطاعم ما تقول الا الشيف رمزي ) ..




السلطات والمقبلات ..















الشوربات ..










المعجنات ..

















مشروبات ..





حلويات ..




















ضرب المدفع أذن الأذان والكل قعد ياكل ..

المشرفين : وين أبو وديع .. وين أبو وديع ..

العيساوي : ليل الهجر وين ابو وديع ؟ . ؟ . ؟ ..

ليل الهجر : أبو وديع مسكين تعبان ومريض راح ياكل ببيته .. ( يا حرام )



وأبو وديع المسكين قاعد بالمطبخ بعيد جلي الطناجر ..

وبستنا نقلة الصحون الجاي ..





[/align]