29-07-2009, 02:21 PM
|
#1 | |
|
عيساوي زعيم
|
الأب :يا باشا الابن و بكل براءة :نعم الأب:نعامة ترفصك تعال الابن:ليش شو سويت؟ الأب: سواك ضريب يخلع رقبتك الابن:شو فيه؟ الام :شاوي يشوي عضمك رد على ابوك زي العالم لمحترمه الابن :هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم:يحضروا على قبرك لما ابوك يحكي انت بتخرس الابن:أخرس؟ الأب:ايوه ان شالله خرسه الابن:ماشي الأم:اجاك مشش بركبك ما تقوم منه الابن :شو هاد مشش؟؟ الأب:اما انك قليل حيا و بترد بتم امك هات العصاي و تعال الابن:انا رديت على امي؟ماما احكي كلمه الأم:موا يمزعك ماما ...حكيتلك اخرس الاب: (هون غلب على امره و سكت) الأب:أما جيل قليل حيا...إحكي ولك مالك انخرست انشالله خرسه بابا اه الابن:شو احكي؟ اذا حكيت بتشوفوا كلامي غلط الأب:ليش عُمي شايفنا و لا حول؟ الابن:لا اله الا الله الأم : الله ياخدك ماما يا ريتني خلفت ابن جيراننا و لا خلفتك الأب:انا مش عارف هاد الولد متى بده يصير رجال في القعده دايما فاضحني وين ما أروح الابن:طيب شو اعمل هلأ مشان تشوفني رجال؟ الأب:ان شالله ما تطيب اخرس الابن: يا ربي خلاص عاد ممكن اروح على غرفتي؟ ليش ناديتوني؟! الأم:اه صحيح انت ليش ناديت عالولد؟ الأب :بتصدقي يا مرة....نسيت مش عارف خلاص |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض الشجري