بطولة لمواليد 91 يوم الجمعة الموافق 28/11

[BIG BOSS]

بسم الله الرحمن الرحيم
يلا شباب هي المباراه الاولى نجحنا فيها وحققنا الفوز بكل جداره وبس بدي احكي لمحمد سفيان هاردلك للكرت الاحمر و ما تزعل من الي حكيتلك اياه بعد المباراه بقيت امزح وكل الشباب كانو يمزحو
وطبعا انك ما تلعب في مباراه الانصار مشكله كبيره لانك انتا وخالد المهاجمين الوحيدين الي في الفريق وهاردلك بس يا ريت نشوفك بالتدريب يوم الاحد وطبعا كمان في المباراه لانه وجودك رح يساعدنا بس جيب معك شويت جمهور
ويا احمد عبيد ما تزعل من وسام هو سوا المزبوط في التدريب ويا ريت تعدل عن قرار انسحابك وكون زلمه ....وبحب احكي لكل الشباب في النادي ما يضلهم يحردو حتى لو ما كان في اداره مزبوطه او كان في اداره وهما وعدونا بالبوات والكلرات وما حابو لحد الان.
وبحب احكي للشباب هادي فرصتنا لنفوز على غريمنا التقليدي بعد سلوان طبعا (ونردله الصاع صاعين) ههههههه
يلا شباب شدو الهمه بدنا الكأس

تحياتي ابن النادي محمود داري

[محمد نخال]

كل الإحترام يا محمود على كلامك اللي قلته عن محمد
وانت عارف يا محمد انه الشباب بتمزح معك ، ( يعني بالعربي بلا ولدنة ودلع ههههههههه)
تزعلش مني ابو حميد بس جد خسارة انك ما تلعب معنا يوم الإثنين
وبكل جهدنا رح نحاول نفوز على الأنصار حتى تلعب في المباراة التالية وتحقق اللي في بالك ^_*

بعدين احمد ابراهيم زعلان علشان امتحان الإدارة راح عليه ، ما تاخذوش على بالكم كثير

[خضر أبورميلة]

[align=center]
الحمد لله الحمد لله الحمد لله

اول خطوة نحو الكاس باذن الله

الخصم الجاي هو الانصار ( وانت بتعرفوا شو يعني انصار )

يعني شغل مخلك شوي - بنطعميهم هوا

بالنسبة للاعبين

ما شاء الله عليكم كلكم كان لعبكم بجنن

والتقييم للفريق اجمع 7/10

ويلا شدو الهمة على شان قدام الانصار نعمل 8-9/10

لأنه قد تكون بعد لعبة الانصار هي اللعبة النهائية او النصف نهائية

يعني شدوا الهمة

و للأسف سوف نخسر محمد سفيان بسبب الايقاف لتلقيه بطاقة حمراء

ولعيونك يا محمد احلا فوز على الانصار على شان تكمل معنا الدور الجاي

وانت يا احمد استهدي بالله و صلي على النبي ( الدنيا مش بالعصبية )

و شكرا لكل اللاعبين الي شاركوا في المباراة و الي ما خذلو وسام وفازو على جبل الزيتون و ان شاء الله بالفوز على الانصار ان شاء الله

شدوا الهمة الهمة قوية
الكاس مش راح يطلع من العيساوية

[/align]