ألف سلامات للأخ رئيس ومدرب نادي العيساوية

[العيساوي]

المشاركة الأصلية كتبت بواسطة سلام بنت البلد

يالله ما اكتر المصالح

كل البلد بتحكي الله يريحنا من خضر عبيد
هلاء سرتو تحبو
ولا كل واحد وين مصلحتو بروح
انا بسمع كل البلد بحكي عن خضر عبيد انو تعامل مع بيرس والكل بكره وما بحبو هلا سرتو تحبو
الكل بكون يحكي علي من وراه ومن قدامه ما بتسترجو
بس بحب احكي الي بضل يحكي عن خضر يحكي وما يخاف يحكي علي قدامو
ما يخاف غير من الله
تحياتي
وبتمنا يا عماد بوجه ما تمحي الرد لانو ما اغلطت

ليس ردي هنا للتشبيه ولا بأي شئ فلا تحللوه
وانما رد بسيط حتى لا ينعتنا حد بما ليس له به علم وان صمم ان ينعتنا بما يشاء فهو ينعت رسولنا الكريم صلى الله عليه وسلم
وبعيدا عن موضوع الاستاذ خضر بالمرة ارد ردي هذا

لم يكتف الرسول صلى الله عليه وسلم بحث المسلمين على عيادة المرضى، بل كان وهو الذي تحمَّل هموم الأمة يعود المرضى، يخفف عنهم ويسليهم. قال عثمان بن عفان رضي الله عنه: "إنا والله قد صحبنا رسول الله صلى الله عليه وسلم في السفر والحضر، وكان يعود مرضانا، ويتبع جنائزنا ويغزو معنا، ويواسينا بالقليل والكثير".
وقد ثبت أنه صلى الله عليه وسلم عاد بعض أصحابه حين مرضوا، وثبت أنه عاد غلامًا يهوديًا ودعاه إلى الإسلام فأسلم

يعني قبل ما تفتي ابحث وقبل ان تلقي كلامك افحص


المصدر للتحقق

[فادي]

الكلام موجه خص نص لبنت البلد .........

اسمعي ما تكتري حكي .... يعني بدك تورجي الناس انك ما بتخافي من حد وانو يحكوا الحق اها اوكي خخخخخ اخر زمن والله

اولا خضر عبيد ما بتعامل مع بيرس عشان تكوني عارفة
وثانيا ابو معن ما بيستنى حد يحكيلوا تعال حبني الحمد لله الكل بحبو .......

** بعدين ادا بدك تحكي ايشي لازم تتأكدي من الحكي اللي بتحكيه يا شاطرة ..... اوكي

لو سمحتوا يا . عيساوي . عماد بوجة . محمد نخال ما تمحوا الرد

يلا سلامااااااات

[أ. خضر عبيد]

الأخت سلام بنت البلد
مساء الخير
أقول لك من كل قلبي سامحك الله وبنفس الوقت أشكرك على صراحتك وأرجو أن أسمع رأيك بعد قرائتك لرد العيساوي المعتمد به على سنة نبينا محمد صلى الله عليه وسلم
بالمناسبة أشكر العيساوي على تنويرنا بكلام أصدق القائلين سيدنا محمد عليه أفضل الصلاة والتسليم

[الفايروس]

يا الله انتو عالم مزبزبه بس علشان يحطكم لعيبه اساسيين او علشان يسفركم لبره وانتو بتروحو تلعبو مع الي بقتلوكم هم اليهود الي بقتلو اخوتكم بالضفة وغزة

[فادي]

والله يا فايروس مش عارف وين الله حاطك اسكت اسكت ههه عينا بسكوتك احسن

[أ. خضر عبيد]

الى الفايروس فعلاً اسم يليق بك من هم اليهود اللذين نلعب معهم وأين هم وأين أنت من البلد أرجو أن تواجهني لأنك مدسوس من قبل ناس ما يهمها الا ضرب الأسافين والشرخ بين الناس واذا كان فعلاً في يهود سوف أقف معك ضد أي شخص يتعامل حالياً مع اليهود

[RAMZI MUSTAFA]

ان شاء الله بالشفاء العاجل يا رب يا ابو معن.........................تحياتي