20-01-2008, 10:48 PM | #1 | |
عيساوي جدع
|
مات الغلا في داخلي مات وحفر قبره بيديه مات بشبابه للأسف لما زمانه ماعطاه *** قبل المنيه مانسى نادى رفيقه قال أبيه تكفى دخيلك خافقي درب المحبه لا تطاه *** كفن خفوقي صاحبه وعاش العزا دمعه فعينيه يذكر ليالي صحبته يوم الغلا عايش معاه *** يصرخ ويصرخ والألم دنيا رداها مبتليه كل ماتخيل دنيته دون الغلا نومه جفاه *** راح ولجا لعظم إاله ومنهو لجا يلجا إاليه صبر خفوقي ياكريم وارحم فقيده ياأله *** بعد الغلا قلبي خلى مابه أمل يبقى عليه كل الأمل عنده سراب والإبعد يمكن نساه *** قلبي فقد أغلى شعور أغلى غلا كنت احتويه سبة زمن ناسه قست والا زمن يفرض قساه *** حكم القدر فوق البشر غصب علينا نرتضيه دنيا بها الواحد يموت..وواحد يجي لأرض الحياه *** عشت بزمن كله غدر والأقنعه وذيك الوجيه اللي بها غيره وحسد واللي بها كذب ووشاه *** لما رحل حس الرفيق صاب الخفا غربه وتيه عشت بشعور المغترب اللي هجر أرضه وتاه *** والا فقير مالقى منهو على بابه يجيه عشت بشعوره لا فقد من هالزمن زاده وماه *** والا أنــا دمعة يتيم يبكي على فقد والديه وشعوري شعور من مثلي فقد امه واباه *** ايه اذكرك ياصاحبي لا قلت لي خلك نبيه لا يغبنك درب الهوى دام الهوى ظلم وجناه *** في هالزمن شح الوفا وشحت نفوس تشتريه أحفظ كلامي وابتعد لا يخدعك سود العباه *** صنت الوصيه داخلي ودرب المحبه وش لي فيه وش لي بدرب ماعطى ذاك الغلا بسمة شفاه *** راح العمر وانا احتضن ذكرى غلا كنت اهتويه راح العمر كله وفا واكبر وفا دمي رثاه *** مات الخفوق بعزته منهو السبب قولو ياهيه موت الضماير والوفا والا الزمن يرمي بلاه *** مات الغلا ونبض الخفوق واللي بقى دمعه وليه ليه الغدر ضد الوفا وليه الكذب يمشي بعزاه *** هذا مثل لعظم وفا واللي وفا بيفهم عليه أما أنــا جثه بقت واللي رحل راح لــغلاه مع تحياتــــ" همس الليل |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|