11-09-2009, 08:38 PM
|
#71 | |
|
مشرفة قصص من الواقع
 
|
السلام عليكم ورحمة الله وبركاته بارك الله فيك وجزاك كل الخير خيي ابو النون الصراحة كل حلقة احلى من التانية .... دمت بهذا الابداع ...... |
|
|
|
|
11-09-2009, 09:31 PM
|
#72 | |
|
عيساوي مجتهد
|
دائما متألق دائما مبدع سلمت يداك ابو النون على الحلقات الرائعة والمفيدة بس ان شاء الله كل الي بيقرأها يستفيد منها اختك الفراشة |
|
|
|
|
|
12-09-2009, 09:25 PM
|
#73 | |
|
السلام عليكم ورحمة الله وبركاته مجهود كبير تستحق كل خير عليه.. بوركت أخي وإلى الأمام.. وبإنتظار الحلقة التالية.. |
|
|
|
|
|
12-09-2009, 10:52 PM
|
#74 | |
|
عيساوي مشارك
|
السلام عليكم ورحمة الله وبركاته تحياتي الى الأخ بالله ابو النون بارك الله فيك وفي كل ما تفعل من نقل مواضيع جميله ومفيده وشكرا الك على كل فكره مفيده وبتمنى انو الله يصلح حال الامه بأقرب وقت لانو رمضان هاي السنه ما شاء الله عليه كلو بهادل وحكي فاضي وطوش ووووو ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!! ! تحياتي الك اخي ابو النون [/align] وعليكم السلام ورحمة الله وبركاته عزيزتى خد يجة اسمحوا لى بهذه المداخلة اسال الله ان يصلح احوالنا واحوال امة محمد صلى الله عليه وسلم لكن صدقنى اختى مثل هؤلاء الناس ينطبق عليه احداث مسلسل اخونا ابو النون الوجه الاخر واعلمى اختى طالما ديننا الاسلام لا بد ان يكون هناك وجه حسن متكامل باذن الله فهناك اناس افاضل لكن للاسف نحن الان فى زمن القابض على دينه كانه قابض على جمرة من النار اعانهم واعاننا الله وهدانا الللهم از الاسلام والمسلمين وردهم الى دينهم ردا جميلا اختى خديجة لقد وضعت يدك على جرح الامة الاسلامية وعلى مغزىوالقصد من مسلسلل ابو النون الوجه الاخر وانا اقدم له على الانتاج والتقديم والادوار والتوزيع والاخراج جائزة الاوسكار بدون منازع |
|
|
|
|
|
13-09-2009, 04:27 PM
|
#75 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الحلقة الثالثة عشر أبو عجيب : الواحد سطـّل من هالمسلسلات تعال يا مجنون حطـّلـّلي على سبيس تون و انقلع على دراستك و ما تقعد هون عجيبة : شو يابا بدّك تحضر سبيس تون ! أبو عجيب : شو بزقـّك انتي يا غضيبة روحي من وجهي بدّي أحضر كونان أم عجيب : هاذ اللي انت فالح في , حطـّلنا على برنامج ديني نسمع و نتعلـّم شي قبل ما يخلـّص رمضان أبو عجيب : ما شاء الله ما شاء الله , حاضر يا سيّدتي الشيخة أم المـُقـَوقـَس , شو بدّك أني محطة ؟ إن شاء الله كل الباصات اللي في كل المحطـّات بريحونا من هبلك , و من وقتيش صايرة تهتمّي بالبرامج الدينية يا شيخة الإسلام متعوسة بنت المقفـّع ؟! أم عجيب : يا ساتر على لسانك , مش عارفة يا ترى لو نقعته بالكلور بنفع يا ابن المـُبقـّع ؟ أبو عجيب : مبقـّع ياللي مخـّك مرقـّع ! و ليش بدها صاحبة الفخامة تحضر للإمام العلـّامة ؟! أم عجيب : يا رجل لمـّا بيتكلـّمن معي جاراتي بحس حالي مثل الأطرش في الزفـّة الوجه الآخر أبو عجيب : ما شاء الله ما شاء الله , اللهم لك الحمد , شو هاذ يا حبايبي يا حلوين يا مسك و ياسمين ؟ عجيبة : بابا المعلمة قالتلنا لازم نحضر برامج دينية في رمضان عجيب : بس احنا لازم نحضر عشان نتعلـّم و نفهم مش لإنها المعلمة قالت هيذ ! أبو عجيب : الله يسعدكوا , حلو انـّا نحضر برامج مفيدة في رمضان و في غير رمضان و ممكن البرامج المفيدة تكون بأشكال كثيرة , برامج طبيعة , علوم , ثقافة , سياحة , كلـّه خير , و حتى أفلام الكرتون , و طبعا ً الدين أهم شي , و بالنهاية كلـّه للدين إذا كان مليح أم عجيب : بس الولاد بيحضروا أشياء أكبر منهم ! أبو عجيب : هلا ست الكل , معك حق بس ممكن هاذ يدفعهم و يعلـّي مستوى تفكيرهم , لكن مش شرط يا بطـّة بابا إنـّك ما تحضري إلا برامج دينية عجيبة : بابا يعني بقدر أحضر كونان !؟ أبو عجيب : إذا بعلـّم اشياء مليحة ليش لأ , بس إذا بخرّب المخ بأفكار القتل و الإجرام فهذا شي ثاني عجيب : بابا طيّب كيف بدنا نعرف !؟ أبو عجيب : و لا يهمـّك بعتمد عليك , ركـّز بتعرف كل شي , ديريلنا على كونان تنشوف شو هو !؟ أم عجيب : يا رجل قرّب رمضان يخلـّص قوم إقرأ قرآن أو شي ينفع أبو عجيب : معك حق يا تاج راس هالبيت , بس إنـّي أقعد شوي مع حبايبي و أعرف على شو بيتفرّجوا هاذ كمان شي بينفع , من ناحية بقضي وقت حلو مع روح قلبي , ومن ناحية بقدر أوجـّههم و بكون في بيني و بينهم و لو لغة حوار بسيطة هاذ رايي , و اولادي إلهم عليّ حق اللهم صل ِ و سلـّم و بارك على الحبيب سيدنا محمد وعلى آله و أصحابه أجمعين |
|
|
|
|
|
13-09-2009, 08:35 PM
|
#76 | |
|
عيساوي مجتهد
|
مشكور ابو النون كل حلقة احلى من التانية ابدعتنا بحلقاتك المميزة يسلمو ايديك ويعطيك ربي العافية يا رب اختك الفراشة |
|
|
|
|
|
16-09-2009, 07:21 AM
|
#77 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الحلقة الرابعة عشر أبو عجيب : إف , هالعزايم بطـّلـّع الروح , و اللي بيعزمك بفكـّر إنـّه بيكرمك , مش عارفين إنها زيادة مصاريف ؟ بنزين السيارة لتروح من هون لهون , ما شاء الله , واحد في الشرق و واحد في الغرب و واحد جنب سلـّة المحذوفات على إيدك اللي بتسمعش فيها بعد الهونولولو على طول و للا الهدايا يا قلبي لا تحزن بس الطم و نتّف حالك ما شاء الله هالعزومة مثل عزومة جدتي لضرّتها أم عجيب : يعني عشانها عزومة أهلي بتتفلسف , إذا ما عزموك مش عاجبك و إذا عزموك كمان مش عاجبك أبو عجيب : و لليش أنا أبو عجيب ؟ سدّي شوي بي أتصل أم عجيب : دير بالك في شرطة ! أبو عجيب : بدري , هالحين تذكـرتي تقولي لي إنـّه في شرطة ! طبعا ً بس تخلصي الموشّح , هيهم وقـّفونا عشان يعجب حضرتك ينطلق أبو عجيب بسيّارته بعد أن سجـّل له الشرطي عقوبة مخالفة بسبب إتصاله بالهاتف أثناء القيادة , و عقوبتين على مخالفة عدم وضع الحزام لكل ٍ من عجيب و عجيبة في الخلف أبو عجيب : قال عزومة , الله يقطع العزايم و اللي ****** و يقطع ذنيّ إذا بدّي أسمع كلامك مرّة ثانية و أصير مثل الكلب الأهبل أبو ذنين مقرومين أم عجيب : دايما ً أنا السبب في كل مشاكلك , إن شاء الله بتسوّي حادث و بروح فيه فغيص عشان ترتاحوا منـّي أبو عجيب : طيّب مادامك داعية داعية , إدعي الله يبعثلك طرك يفرمك مثل الكفتا بستكوني لحالك و نقعد نلطم و نوّح يا سبعتي يا ثمانيتي يا ضبعتي , إلحقوني يا حوَش ماتت نعجتي , وللا همـّك أسوّي حادث عشان تخرب هالسيّارة اللي دافع فيها دم مصاريني قصدي دم قلبي أم عجيب : لأ , دم مصارينك أصح لأنـّه قلب من وينلك يا حسرة ! الوجه الآخر أبو عجيب : على قد ما بحب أروح عند أهلك و بحب ألبّي عزومتهم , على قد ما باكل هم قدّيش أمك , الله يسعدها , بتغلـّب حالها لتضي كل واحد , الله يعينها بتتعب كثير أم عجيب : تعبك راحة , تنساش إنها بتعزّك مثل ولادها و أزود . الظاهر في شرطة في الطريق ! أبو عجيب : توكلنا على الله , اللهم لا تسلـّط علينا بذنوبنا من لا يخافك و لا يرحمنا يمضي أبو عجيب بسلام بعد أن أتمّ الشرطي فحص كلّ شيء و لم يجد أية مخالفة أم عجيب : خفت يخالفونا أبو عجيب : كيف بتخافي و انتي متوكلة على الله و عاملة اللي عليكي ! السيارة تمام و احنا ماشيين ميّة الميّة أم عجيب : ما هو مخالفات الشرطة عن طرف و جنب أبو عجيب : هاي اسمها مخالفاتنا احنا , الشرطة بعاقبونا على المخالفات غذا في مخالفات , و في شرطة ذمتهم واسعة بيخترعوا المخالفات , بنقول حسبنا الله و بنتوكـّل على و إن شاء الله ما حدا بيإذينا المثل بيقول " إمشي عِدل بيحتار عدوّك فيك " أم عجيب : صحيح و هيذ الواحد ببعد عن حاله البهدلة و ما بيعطيهم فرصة يسجلوا عليه مخالفات , هالمصاري احنا أبدى فيهم , بكفي بتجيبهم من تعب قلبك عجيببة : يسلم قلبك بابا عجيب : إن شاء الله بكبر و بساعدك أبو عجيب : الله يحميكم و يخلّيلي ايّاكوا , انتو قلبي و حياته عجيبة : و مع مين مفتاحه ؟ اللهم صل ِ و سلـّم و بارك على الحبيب سيدنا محمد وعلى آله و أصحابه أجمعين |
|
|
|
|
|
16-09-2009, 05:00 PM
|
#78 | |
|
رئيسة القسم الثقافي
|
السلام عليكم ورحمة الله وبركاته ابو النون عنجد عنجد كل حلقه احلى من التانيه بس ههههه ليش مش عاجبو العجب لابو عجيب منستنى منك الحلقه الجديده بس مع مين المفتاح ههههههههه احلى مسلسل عنجد كل حلقه بتجنن وفيها روح الفكاهه بنفس الوقت تحياتي وكل عام وانت بخير |
|
|
|
|
|
16-09-2009, 05:16 PM
|
#79 | |
|
مشرف الكلمة الطيبة وقسم الشكاوي
|
بسم الله الرحمن الرحيم السلام عليكم و رحمة الله و بركاته الحلقة الخامسة عشر أبو عجيب : شو يا مرة ؟ ليش صوتك واصل لآخر الشارع ؟ على مين بتسبّي ؟ لمين كل هالألحان الموزمقتاتيتوهيّة و اللي ما تسألِنيش شو هيّة ؟ أم عجيب : شرّفت يا سبع البراري ؟ شوفلك صِرفة بهالـ ***** جارة البلا و الندامة و للا بتلاقينيش بهالبيت المخسوف أبو عجيب : شو مالها مرة الـ ******* ؟ أم عجيب : هاذ ابن الـ ********************* ( كلمة كبيرة لأجل ذلك نجوم كثيرة *_^ ) ابنها متسلـّط على الحيوان إبنك على الروحة و الجيّة بضربه , و اليوم رجع هالحمار مقطوعة شنتته و قميصه ممزوع , تاري هالمسخوط ابنها ضاربه و متسلـّي عليه مفكره صرصور هالسحليّة , بدّي أفغصه هو و أمـّه مثل البندورة , أمـّا عالم سـَلـَطة , و هي حاملة هالراس مثل الملفوفة المخمجة بدل ما تضب خلفتها اللي بتخزي فاتحة الجورة و بتوزّع من مخزونها الفايض مع لسانها اللي مثل العقربة أبو عجيب : خلـّصتي ؟ صفـّي و اطفي , الواحد راجع قرفان حاله و تعبان , هو أنا فش عندي إلا هبلكو ؟ أم عجيب : إذا ما بتشوفلك صرفة فيهم أنا مش قاعدتلـّك في و تاركتلـّك هالقصر تسرح و تمرح فيه مثل الجاجة العورة أبو عجيب : هاذ تهديد و للا عرض مغري لراحة بدون ميعاد ؟! على كل حال بدّي أروح أحط غلـّي في هالبغل إبن النسناس عجيبة : كيف بدّو يكون بغل ابن نسناس !!!!!!!!!!؟ أبو عجيب : مثل ما إنتي كندرة بنت طنجرة يخرج أبو عجيب و يضرب إبن جاره فيتدخـّل الجيران و تكبر القصـّة لتنتقل إلى صراع الآباء مع سنفونية لقاء الجبابرة , و على ألحان العصي و السكاكين و الشفرات و .... و شيخ البلد , عطوة , ..... الوجه الآخر أبو عجيب : يا سلام , الواحد ما بيرتاح إلا في بيته , الله يعينها أم الحبايب مثل النحلة من جهة لجهة ترتيب تنظيف طبيخ , و أخ على الطبيخ , شو هالريحة اللي بتشهـّي !؟ أم عجيب : يعطيك العافية , إرتاح لك شوي للأذان بكون كل شي جاهز أبو عجيب : لازم أقوم أساعدك , الشغل عنـّا بخلص لكن شغل الدار عمره ما بخلص أم عجيب : الله يريّح بالك أصلا ً كلامك بريّح أكثر من أي مساعدة , إرتاح و خلـّي كل شي عليّ و لا يهمـّك بعد ساعة من عودة أبي عجيب من صلاة العشاء و التراويح أم عجيب : بتعرف يا أبو عجيب الولاد و غلبتهم , بتقاتلوا و بتزاعلوا و برجعوا بتصالحوا , بس يا ريت لو بتحكي مع جارنا أبو غريب لأنه ابنه شوي بزوّدها مع عجيب أبو عجيب : و لا يهمـّك بشوفوا بكرة على الفجر , ياريتك قلتي لي قبل ما أروح على صلاة العِشا أم عجيب : لليش ؟ بكفيك تعبك بالشغل و هموم الدنيا يعني حتى لو ما عندك هموم بكفيك أبوالنون اللي بيشتغل فيك أبو عجيب : تسلم لي الفهمانة , و الله البيت بدونك ما بسوى شي , و تهون بلاوي أبوالنون و تدخـّله فينا بمجرّد ما أدخل هالبيت و إنتي فيه , اللهم لك الحمد على بنت الحلال اللي مدللتني و بعد صلاة الفجر أبو عجيب : شو يا طيّب ؟ كيف الحال ؟ عساك بخير و عال العال ؟ أبو غريب : طول ما بنشوف هالوجه المنوّر فإحنا بأحسن حال أبو عجيب : هاذ من ذوقك , بتعرف يا جار الرضا , الصغار و دواوينهم أبو غريب : آ , أنا آسف قالت لي أم غريب و بهدلت غريب بهدلة مرتـّبة أبو عجيب : لأ يا طيّب , ما بدّي تبهدله , هيذ بصير يحقد على عجيب أزود , بالكلمة الحلوة فهمه بطريقتك , كلـّك ذوق و مفهوميـّة أبو غريب : و الله ما ببيع جيرتك بكنوز الدنيا مهما حاول أبوالنون يظهرك بوجهين أبو عجيب : يا رجل هالولاد مثل توم و جيري ساعة واحد بخلع راس الثاني و ساعة واحد بداوي جراح الثاني اللهم صل ِ و سلـّم و بارك على الحبيب سيدنا محمد وعلى آله و أصحابه أجمعين |
|
|
|
|
|
16-09-2009, 10:16 PM
|
#80 | |
|
مشرفة قصص من الواقع
|
السلام عليكم ورحمة الله وبركاته بوركت أخي ابو النون على هذا الطرح المميز وجزاك الله كل الخير . دمت بهذا التألق والتميز والابداع .... احتراميـــــــ ^^^^^^ |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
